和同事食飯 + 同joejoe見面

仲有三個星期到就走, 和同事食飯既機會越來越少, 真係要好好珍惜先得!! 呢次tracy請左假, 只剩下sunny, anton, ami及may食飯, 本來natalie黎食飯, 但可能佢同may唔太岩, 最後同左sales果邊食飯...


今次去一間新開既上海餐廳食飯, 唔係太多人去食, 不過都唔緊要, 都係第一次去食, 咪當係試下新野. 我哋叫左毎人一個餐, 加埋少少小食就夠


今次呢間上海菜館既名及牌, 都幾得意咁~



餐廳內既酒巴, 滿布綠石及掛上一幅水上畫, 本來都幾古色古香, 不過部機器就差左d..



我哋坐既位, 呢隻椅子好耐冇見過啦, 椅子及枱既距離岩岩好




我哋既座位, 佢張紙都幾靚, 即使普通餐具都唔錯




又到食物篇啦, 我影得太多, 連同事食飯之前都問我影唔影相. 首先係呢個三絲粉皮, 都算唔錯



仲有呢隻醉雞翼好正, 不過少少生生地, 同事似乎唔太鍾意, 我可以食三隻外, 也可以飲埋D酒, 好好味!!




anton叫既雲吞麵, 似乎都幾清下, 岩岩好返既病人都係食清d好




may叫既牛肉麵, 似乎有少少spicy呢!!



sunny叫既海南雞, 但佢似乎唔太鍾意雞太生



我叫既牛腩牛根麵到左, 有透明既牛根好好味, 湯也唔錯



ami叫既豬排麵都黎啦!! d豬排似乎炸得唔錯



睇黎呢個蒜香雞翼比較好味呢! 我食左醉雞冇得食佢



我同joejoe一齊放工, 我悶悶地周圍行下, 而joejoe岩岩又係尖沙咀附近, 我哋又可以約埋一齊見面, 呢次去我哋平時比較少去既太子食飯, 一於睇下有咩食



最後決定都係去呢間紅蔥頭食飯, 見佢環境及食物都好似唔錯



餐廳既出面部分, 好多吸引既食物, 而且唔算太貴, 平均毎人都係50-70元到



餐廳內既格局, 我哋最後都好好彩, 可以坐呢D近玻璃窗既位



joejoe叫既玻菜龍利柳焗飯, 同joejoe 一齊食, 好好味



呢個係我叫既煙三文魚黑松露白汁天使麵, 都好好味, 不過等左好耐




碟食物咁靚, 點都要拎黎影下相先



joejoe你都影下啦, 睇你幾好笑容^^



joejoe送比既骨膠原mask, 唔知點解個樣好得意咁, 多謝你^^



等我變身做mask超人kumi!!! 見唔到我個樣



joejoe都拎下mask玩下先, 又幾搞鬼呢!!

終於上紙樣堂啦!!

等了又等, 終於開始係cita既時裝設計course, 咁多個女都咁恨上, 今日終於上到啦!! 起初有台風鮎魚, 我都驚佢會排八號風球冇得上, 好在都冇事~



第一次見到時裝設計既房, 實在太靚啦, 好吸引, 覺得毎件東西都好得意, 有好多大台及公仔, 果然真係個讀時裝設計既地方!!



課室外既工作室, 哇!! 好多台及公仔啊, 唔知自己會唔會有自己用公仔黎做衫既一日呢??



我哋上堂既紙樣課室, 本來仲想係入面影相, 點知見到阿sir已經係班房冇得影, 只好等下次..



開始上堂時, 聽到好多關於紙版既意思, 用品等等, 對於未讀過時裝既我, 真係聽到一頭霧水, 完全唔知佢講咩, 真係要慢慢消化下先得. 但當見到做裁剪用品時, 突然諗起係石硤尾公司旁邊既一間製衣廠, 分外覺得有些親切感, 加上見到以前媽媽用既衣車, 但因為公司賣左比人, 唔可以再keep住部衣車, 否則我就可以係屋企訓練...算啦, 有些事係整定既, 注定我一生都係苦命人吧!?



可能係第一堂既關係, 大家唔係太熟, 希望之後可認識多d朋友仔啦, 一個人真係好悶呢!! 放左學之後joejoe即刻打黎問我返成點,大約都冇問題既, 惟一問題就係..用品實在太貴, 最平既間尺都要二十幾元, 仲有幾百元既剪布較剪, 二百幾元既彎尺等等, 呢次真係死得=3="

多謝natalie既手信

話說上星期阿ger(manager簡稱, 即係natalie)同屋企人去韓國, 買左手信比全公司外, 也買左手信比會計部同我地幾位朋友仔啦!! 阿ger買哂紫菜, 真係食到飽哂, 同時也有點肥膩



阿ger買比會計部既手信, 由於男FA既anton請左假, 唔係公司, 所以唔可以即刻食住><


阿ger送既電話帶, 有好多種顏色, 最想要既粉紅色比阿ger自己選擇, 最後只可選第三鍾意既紫色



穿上韓國服飾既女仔, 好卡哇伊呢!! 而且仲好靚, 多謝阿ger^^



仲有tracy既skin food 流面奶, 聽tracy講呢隻好好用, 而且仲係香港售價既三分一價錢, 早知我都叫阿ger幫我買返支試下

另一個選擇

話說我自從遞左信之後, 我既職責開始少左好多, 但都要清手上既工作, 費時比人做我手尾啦. 而HR我都唔知話佢好心定唔好心, 佢話data admin有個空缺, 建議我考慮做唔做份工, 只係叫我另一位朋友又係manager既Ada優先考慮我, 比一晚時間我考慮, 心大心細都唔知點算好

好既係可以離開account部既痛苦, 唔使加班, 而且毎個人都讚ada好好人, 佢又願意教我, 都曾經心動, 但人工比而家呢份低一千元

壞既係我見返account部既人會覺得好奇怪, 點解我幫其他部門都唔幫佢地, 同埋當我做呢行後, 我既cv就唔再係全會計, 驚影響日後工作; 加上我對data admin毫冇認識, 驚自己做唔到, 會影響ada及HR, 哂ada既心機

所以最後都係拒絕左, 不過也要多謝HR及ada比機會, 要令你地失望, 真唔好意思...

p.s. manager natalie問我餐farewell食咩, 講真我都唔知食咩好, 希望唔好太貴. 第二次由同事請我食飯同我farewell, 自己都算係個幸運兒啦^^

終於食左心太軟

話說上星期係七十一買左個心太軟, 但只有香蕉choco味, 原味就賣哂, 今日竟然可以買到兩個原味, 實在太好, 連dede都想拆黎食, 要食飯之後, 再叮返熱之後先可以食架!!


就係呢個啦!! 個樣好似好好味, 唔知會唔會太甜呢?


未叮之前都記得影相, 點知叮完之後見佢太好味, 忍唔住食左, 唔記得左影, 好可惜><

姪仔終於搵到伴啦!!

joejoe同屋企人一早去拜山, 八點幾要去到將軍澳, 比我一定會累死...好在我屋企人都唔會太早起身, 又或者我先人骨灰葬得近我姑姐附近屋企, 四叔及六叔又有車, 唔使太辛苦, 自己果然係個大懶鬼=3="


今日同姑姐及姪仔去食早餐, 我遲起身, 所以我姑姐及姪仔先去公園玩下, 我就遲d同佢地會合. 最後終於梳洗完畢, 去公園搵佢地, 但似乎我姪仔唔願意走, 因佢搵到個同佢玩既伴


就係同個女人一齊個小朋友原來比dede大, 旁邊係佢麻麻, 綠色衫果個之唔係我姪仔dede


哥哥教佢玩呢個~估唔到dede真係識爬, 好叻仔!!



dede又玩滑梯啦, 不過條梯唔太滑, 好難"sir"咁


dede呆呆地望咩呢?? 原來果陣有個伯伯做緊運動, 佢好奇望下



玩得累了, 大哥哥及dede都休息下先, 難得大哥哥願意比我影相



我跟住佢地玩都累, 見到地下隻跳飛機船仔又幾得意, 我都影下相先



仲有肥肥地既鯨魚仔, 好可愛呢



全個公園只有呢個玩既部分, 都好似幾好玩



同完哥哥玩完後, 我地三人一齊去行下山, 其實都唔算山黎, 只係個水塘公園, 唔太吸引, 下次可以唔洗再去


一上到去公園只係見到一個足球場



話明係水塘, 當然有水掣, 不過用個龍罩住, 唔可以近睇



行完水塘公園再去食早餐及買送, 等姪仔返屋企之後訓覺, 我同姑姐係屋企休息下之後, 下午出發到德福睇展覽, 途中同dede答車時, 又同佢影相先



姪仔望住鏡頭之外, 仲要擺埋pose, 仲要拎住買比佢既小曼頭呢



傻傻地咁望住玻璃窗外, 個樣都幾搞鬼



去到九龍灣平台既花園, 假石都幾靚, 不過d水就污濁



仲有呢條古色古香既橋, 又真係幾似中國園林喎



有蓮花睇, 仲要開埋花架, 果然好靚, 可惜開既花唔太多



見德福裝修得咁靚, 想同dede影多d相, 點知佢都唔太願意影, 勁失望

同joejoe去紅磡打邊爐

由於joejoe今日上午要返工, 所以只好夜晚見面, 雖然見面時間少左, 不過可以見面就好, 而且仲可以去返紅磡度打邊爐~


就係呢間餐廳, 叫做pot & plate啦~火窩套餐真係好抵食, 只係四十幾元個, 又好食, 又抵食!!


餐廳既display, 好多食物既擺設, 真係好吸引呢!!


餐廳內既擺設, 唔算太靚, 但比人感覺幾舒服



我同joejoe既火窩套餐, 不過個窩仲未黎呢~


joejoe叫既豬骨配雞肉窩, 雞肉食落去好滑, 個湯又清清地, 好味



我叫既沙爹牛肉窩, 好似好好味咁!! 加上我皮膚終於好返, 可以食牛肉~


白痴既我擺個V字手勢影下相先, 不過係食哂肥牛時先記得影, 影唔到肥牛



呢張相個人都幾鍾意, 好自然既一張相, 係度等緊野食為食樣



joejoe個樣都好為食, 佢見到個窩笑到見牙唔見眼就知~



joejoe同個窩影相既樣, 都算唔錯啦~



仲要一齊影相呢, 我仲要食住碗未煮熟既烏冬, 真係sweet呢><