同tracy打邊爐

近排開始趕month end, 我同tracy都好驚要做到半夜先可放工, 好在只係七點就可以放工, 仲可以一齊放工去到慈雲山中心打邊爐, 仲可以食宵夜時段, 今次辛苦哂tracy你啦, 要咁遠黎到慈雲山.



酒樓內既火窩自助餐表, 清楚列明只係七十幾元, 仲有咁多款選擇, 連湯底及飲品, 勁抵!!



毎位客人既碗快及杯, 仲有隻湯匙, 唔使同人爭黎用, 果然夠細心



我至愛既鯇魚片, 真係又脆, 而且又新鮮



tracy叫既三寶丸, 好似我只係食左一款, 仲要唔知係邊款!?



仲有我哋既肥牛, 仲叫左三碟咁多, 可惜只係食左一碟



仲有呢個鵝腸, 自從上次同姑姐去食後, 就已經愛上, 今次都要食




仲有好多芝士腸, 真係幾好味, 正!! (算啦, 我呢個腸霸咩腸都鍾意食)



好鬼難食既魚滑, 之後真係唔好再叫先得




tracy至愛既狗菜餃, 我就唔鍾意食啦, 冇人同你爭




我同tracy都幾鍾意食既西洋菜, 都幾好味的說



仲有好味既魚皮餃, 但我開始覺得飽, 冇食到啦




仲有金菇菜, 都幾好味架!! 睇佢個樣白雪雪就知



仲有呢堆好似草咁既粉絲!? 但見tracy都幾鍾意食, 似咩都冇所謂, 至緊要好味



仲有呢個金牌烏冬, 估唔到個烏冬會連埋袋上!? 不過真係幾好味, 好林, 果然係金牌!!



仲有tracy叫既荢絲, 不過我就冇食到



仲有呢個枝足~我都好想食, 不過已經飽左, 全碟都冇食><



我哋叫既沙爹湯底, 滾到好似個火山咁, 勁!!



開始惡搞下先, 首先係鬆弛熊表演跳水, 唔係, 應該係跳...湯!?



做咩伸個頭出黎啊!? 梗係臨扔落去個湯之前比大家影下相啦



之後到史迪仔啦, 佢都係臨跳湯之前想比人影下!?


今晚食得好開心, 又講左自己係公司度既心事比大家聽, 似乎我哋既關係又更好啦, 希望即使離開呢間公司, 感情依然咁好

朗豪坊@halloween party

最近開始忙住準備時裝設計既用品, 都未必有機會周圍去, 冇意之中見到fb內有人po左朗豪坊既相, 都覺得幾靚, 因為有好多係廣告內人物既衫加生日蛋糕, 似乎幾吸引呢!!



首先係女主角既衫, 我都覺得無論係人及套衫好靚~



對鞋都好靚呢!! 鑲滿哂鑽石



呢套唔中唔西既鬼衫, 最突出既係條裙, 但感覺少少怪怪



呢套既血魚網襪比上身既衫更加突出, 都算唔錯



呢件方型衫加上牛仔褲及波鞋, 好似有點九唔搭八



都係中西式合壁, 呢次係女裝. 同樣也係唔太特別



呢套比較似war game, 也有少少似RPG內既殺手, 幾奇幻既



只係比人殺既西裝男人, 都係唔太突出



呢套都幾型, 不過似乎唔太似魔鬼

同joejoe去德福及apm(下)

實呢篇係星期日既下篇, 因為太多相, upload到篇blog度好煩,所以就分開左黎打. 咁呢日係公司及屋企也冇咩特別事發生既, 於是就打黎篇下續



去完德福之後, 我同joejoe再搭地鐵去觀塘apm, 打算睇下halloween布置, 點知個會場實在太細, 唔係有太多野睇, 加上我部相機又冇電, 結果唔係影左太多相, 要爭取時間影多d!!



會場叫做嘩鬼酒店之類, 呢個係門口



門外既骨頭墓碑, joejoe好似同佢跳舞咁既!?



睇我呢隻嘩鬼比隔離果隻仲得人驚, 哈哈



睇黎我見鬼仲更加開心, 一點都唔恐怖, 仲覺得好好玩



好似我咁開心就好啦!! 睇joejoe咁開心就好



南瓜井內有好多物品呢, 仲有條大蛇=口="



joejoe百厭啦, 拎起井內塊版影相, 可能佢想同大家講"happy halloween"吧!?



見佢影得咁過隱, 我都影下先, 呢次也扮下cool先


影完相之後差唔多冇電, 我哋到food court休息一下及訓覺(!?)先, 估唔到food court訓都幾舒服. 之後收到姑姐既電話, 話佢太早起身去舊朋友既畢業禮太累, 唔想煮飯, 於是同joejoe順便食埋晚飯. 見到有間日式餐廳既食物都幾吸引, 就試試先



我叫既pan 奄列雞肉炒飯, 配上磨姑汁, 加埋菜絲, 味道都仲可以



joejoe叫既pan飯, 比我果個豐富好多, 尤其佢果件芝士夾心豬排, 超好味!! 多謝joejoe豬同我分享



joejoe同碟飯影下相先, 個盆都幾重, 你都可以拎到, 真係利害!!



我就拎唔起個盆啦, 只好借枱力去捧住黎影



最後同joejoe買左本雜誌, 仲有2010/11既春夏時裝展, 整得好靚, 超鍾意!! 估唔到十二元既雜誌會送本咁靚既書

同joejoe去德福及apm(上)

今日姑姐去左一位佢既舊朋友畢業禮, 我就同joejoe周圍去, joejoe未去德福睇靚靚裝飾, 我之前又冇化妝去影相, 今日想影返夠本, 於是先去德福, 之後再去apm


即刻幫joejoe影返張相先, 睇落去都有d憂鬱feel



見joejoe影得咁靚, 我都影返一張先



joejoe飲酒啊!? 加上個搞鬼核突廚師, 都唔知講咩好..



同埋葡萄車影相都唔錯, 感覺同之前既我有d唔同



joejoe都影返張先, 睇黎都好serious咁



joejoe同麵包既合照, 睇黎佢都幾開心, 唔通joejoe鍾意包包!?



見joejoe影得咁開心, 我都影返張相先, 如果可以食咁多包就好



joejoe橋埋對手, 好似麵包店老闆一樣, 如果真係有間店舖就好啦, 可以一齊開店



係假既楓樹附近影相先, 呢張相係joejoe按快門時, 我即刻擰個面去



同joejoe影返張合照先, 睇下大家笑得幾sweet, 感覺唔錯!!



去到另一邊既果醬店舖影相, 睇下joejoe影得幾開心



呢次到我返好cool既相, 諗起最初既私影



睇下joejoe幾大食, 似乎想食哂成羅平果...XD


學下而家既私影妹妹仔扮下可愛先, 只係呢張好啦!!



joejoe不但擁有麵包店, 仲有果醬店!? 佢個樣都幾似老闆



我都影返張相先, 睇黎件衫顏色幾sharp, 而且仲好似好瘦好高咁, 咁當然只係錯覺啦!!



同joejoe既另一張合照, 背景感覺好fancy, 其實係一張彩色樹既畫



之後同joejoe去到德福商場一及二期之間既樓梯, 見到旁邊既花都幾靚, 於是影返張相先, 可惜有少少偏藍



joejoe豬拎住支花影相, 好d似女仔呢!!



另一邊有大堆班戟, 呢張相感覺幾得意



joejoe感覺係碟上同紅莓及藍莓一齊, 都幾得意




呢張相個人都幾like, 好似見到紅莓及藍莓之後發顛



呢張相覺得自己有d少女, 都係睇唔慣呢個樣



拎住士多啤梨呢張相似乎有些童真, 而且仲好開心, 梗係啦, 有四粒咁大既士多啤梨



窗外既紅葉都幾有意景, 也太多人影啦, 等左好耐終於可以影



joejoe仲大膽啦, 坐係窗框度影相, 佢咁瘦就冇問題, 但我咁肥就露哂大脾肉