好煩既紙樣堂

時間過得好快, 終於到左第五堂, 但自己學到既到底有幾多呢?? 自己真係唔知道, 可能係...一半吧!? 睇黎有時間要下多一輪苦工先得, 因我想拎credit, 當然distin就更好~



先把自己之前畫好既紙樣剪出黎先, 包括一條裙頭帶, 裙既前後幅各一張




呢次整既係生摺既短裙, 比之前仲複雜呢!!



好複雜既畫法, 見到都覺得暈囉



紙樣都有數學題!? 其實呢個係計算褶骨既width, 可以比裁縫改褶骨, 成日話改褶就係咁解. X呢個數係自訂, 咁當然係有經驗既師父先識啦



呢個先係最終版本, 真係畫得死人, 下次又要剪紙樣, 好煩...

媽媽及細佬生日飯

今晚放工之後去深井食媽媽及細佬既生日飯, 原本想去旺角, 仲去openrice度搵餐廳, 但因爸爸腳痛, 所以最後都係改左深井. 最後決定食泰國菜, 因媽媽好耐冇食, 佢非常想食呢!!



位於深井村內既泰國餐廳, 冇豪華裝修, 之前都黎過, 食物味道都幾好




間餐廳唔太大, 但坐得幾舒服, 格局也算唔錯




我哋位附近仲有落地玻璃, 我最鐘意呢類餐廳, 比人覺得空間感大, 食野時覺得好舒服



幾時都要有雞雞袋, 呢次同餐具影下相先




細細塊既魚餅, 好林好好味, 可惜毎人只有一塊




泰式燒雞, 好香好好味, 只有半隻似乎唔太夠喉




仲有泰式燒豬頸肉, 點埋醬更加好味




當然唔少得我哋全部屋企人至愛既邊爐魚




個人比較鍾意既泰式炒什菜, 好鬼好味




極之好味既波羅炒飯, 波羅酸酸地, 好味, 不過有我至怕既nuts, 好在姑姐及爸幫我食




仲有我至愛既泰式濕炒河, 本來想叫雞肉, 但因為我細佬, 妹及姪仔病左, 最後只好叫豬肉



呢個都唔好錯過, 仲要一叫再叫, 都只係十元四件, 真係平靚正




媽媽及細佬既生日蛋糕, 但因弟婦想佢自己及細佬減肥, 所以冇食到, 最後只好慶祝媽媽啦!!




dede代媽吹蠟燭先, 好難先可捕捉呢個時刻




媽及dede一齊切蛋糕, dede切蛋糕個樣傻下傻下, 好得意

公司的免費午餐

邊個話呢個世界冇[free lunch]架!! 我公司真係有!! 話說我哋公司係芝加哥拎左個咩top 100 workshop既獎項, 所以公司請全部同事食lunch, 雖然唔算太豐富, 不過都好過冇啦, 如果成日都可以咁就好啦^^(你就想..)



一早準備好哂, 好似好豐富咁, 有d期待呢!!



呢個係我哋公司得獎既通告吧!?



和幾位同事夾份拎左食物大家一齊食, 分別有沙律, 酸菜炒米, 咖哩牛腩及乾炒牛河



仲有鼓油及炸雞翼, 不過最衰係雞全翼. 如果係雞中翼仲好



仲拎多碟乾炒牛河, 仲有旁邊既西炒飯



仲有炒貴刁, 其實佢同河粉有咩分別呢?? 仲有飲品



不但有飲有粉食, 而且仲有菜, 呢餐認真豐富


結果仲剩下大多數食物, 包括白飯, 西粉飯, 炒米粉等等, 如果全部倒哂佢會好浪費, 最後一人打包部分食物走, 我哋個會計部就包左五盒, 準備聽日食, 又可以慳返一餐, 超正!!

唔夠時間用

最近呢個星期好多野做, 所以會係呢個星期五請假, 希望可以幫手做下d野, 我既節目如天上繁星咁多:

1) fashion illustration: 畫五個公仔, 包括上皮膚顏色及畫件透明衫比佢地
2) pattern: 仲未熟哂所有既繪圖, 完全唔明白
3) 姑姐想去澳門睇水舞間, 我都仲未搵到時間去問詳情及日期, 只知星期一及二水舞間係冇節目, 同埋船票, 門票及酒店價錢, 睇黎最少都要成千元
4) 我媽及細佬生日都未知去邊度食飯
5) joejoe就黎生日, 我都仲未準備

點解會咁忙架!? 呢次真係唔知點算好...

同joejoe去海洋公園預祝生日

今日同joejoe去海洋公園, 好在呢日天氣都唔錯, 全日都陽光普照, 只係有少少風, 可以用風和日麗去形容今日既天氣


同joejoe先係去海洋公園既巴士上影返張相先, 自己個樣冇表情既



等我都扮下自由行影返張相先, 自己好白痴咁



joejoe睇黎比我仲更加開心呢!! 好似個大細路~



第一個景點係去紅鳥池, 風景及雀又靚, 同joejoe坐係旁邊, 感覺好舒服




見到好多雀啊, 見到佢地係天空自由自在飛, 好羨慕佢地




joejoe拎住我送比佢既水樽影相唔知做咩, 不過同佢件衫都幾襯



joejoe學我其中一張相咁拎住個雞雞袋整起個咀, 感覺好複雜..



終於去到另一個景點:滑浪飛船, 起初我都好怕玩, 但後來從上高滑到地面時, 仲大膽望住鏡頭影相, 不過張相就冇買到



joejoe坐係船頭幫我擋水, 多謝你啊!! 覺得你呢個時刻好man



坐係船後既我影相, 好曬好殘眼, 不過就影得皮膚好白, 用左美白mode咁



全個公園最騎呢既相信就係呢三個回收筒



去到紀念品館度見到可愛既水母公仔, joejoe拎住隻男仔影相先




到我拎住隻女仔水母影下相先, 佢果然好可愛呢!!



去到另一個景點中華鱘館, 我都係第一次見到佢地, 不過係佢地既肚腩!?



仲有小小既蟹仔, 可惜係假既, 不過都幾得意



中華鱘館外仲有好靚既用花整既中華鱘, 真係幾靚




等我都同花花鱘影返張相先, 果度有d凍, 可以著下冬天衫




影到我都有d斯文, 一點都唔似自己



joejoe係度做咩呢?? 睇佢個樣都幾enjoy, 唔錯!



之後去海洋館, 見到好多深海魚好靚




呢條草海龍果然好似條草咁, 近睇先分得清楚邊隻係海龍




仲有好多水母, 光既顏色仲會轉變, 好靚










仲有各式各樣既魚, 毎種都各有美態, 可惜我部相機用閃光燈影相會好哂電, 否則可以影更多




joejoe攬住支糖果店既柱, 個樣好鬼搞笑




等我都同雞雞袋影下相先, 不過見到我袋住衫個黑色袋, 真失敗既自己




去到另一個好玩既地方, 就係山上機械城, 有好多攤位, 不過d公仔就麻麻




我哋之後會玩既一個機動遊戲, 都係呢個好, 唔太刺激




joejoe隻手整住門口, 好似少少唔太自然咁既!? 不過佢咁開心就算啦




我都畏高架, 所以坐定定咁比joejoe影相, 望住樓下風景有d驚



個摩天輪開始轉啦, 望到海面好高好高, 開始驚到出唔到聲



好辛苦排除畏高呢個障礙, 我哋先影左一張合照, 睇下大家笑得幾燦爛




玩完摩天輪之後, 見到一個用haagen dazs雪榚整既椅子好得意, 去影下相先



joejoe坐得好舒服既樣!! 睇佢全身真係好瘦, 好羨慕




等我都坐係度影下相先, 我對大脾真係好肥, 好粗, 真傷心




之後去到近纜車既水母萬花筒, 門口仲有以水母為背景比人影相, 但要買返張相要七十元!?



好難影既水母, 影左好耐先影到呢張, 連我自己都覺得好靚




入面好多水母, 而且仲好暗, 開左閃光燈影先知道人係度做咩




終於到搭纜車, 附近仲有水母既園林擺設, 真係幾得意



到左纜車站啦, 影返張相黎留念先, 都算幾OK咁喎




joejoe都係纜車站前影返張相先, 睇佢笑得幾開心



就黎到我哋答纜車啦, 唔知我哋答咩色呢??



我哋兩個終於可以一齊搭纜車啦, 由於路程太長, 係車內影下相先~




joejoe仲訓埋覺, 個背袋做耽頭, 不知幾歎!!




我仲好白痴手勢, 果然係白痴婆既我, 睇下開心得幾耐




見到joejoe訓覺, 我都訓下先, 我就唔可以好似佢攤係度訓, 只好坐住黎訓





坐係度扮下少女影返張相先, 對大脾果然好粗




呢張相既意境我都幾鍾意, 感覺好似好cool好型咁, 後面既背景也唔錯




兩個人影返張合照先, joejoe仲攬住我, 更加開心呢!!



唔經唔覺到左山腳既另一邊, 準備好再去行下





第一眼見到呢個七彩昇空天地, 滿布七彩繽紛既汽球, 好搶眼



終於到左熊貓館, 也就係大家熟悉既安安及佳佳既居住地方




就係大熊貓園既入口, 附近仲有一間賣紀念品既店舖




只係見到安安, 但就見唔到佳佳. 安安都想回到家中, 可惜關門, 點都入唔到去. 同埋佢地係八六年留係度, 同我差唔多咁大!?




離開熊貓館時見到呢個公仔, 佢懶洋洋訓係度, 覺得好似我咁懶...XD




佢坐係度食野個樣都好似我, 唔通我既前世係熊貓!?










海洋公園新開左個地方, 就係金魚寶殿, 未入去睇金魚前, 會有留言版比遊客寫字留念, joejoe仲寫左[joejoe豬 love bb豬(即係我)], sweet到暈左



呢個就係金魚寶殿啦, 個門口都幾得意咁, 入去睇下先!!









館內有各式各樣既金魚, 好靚啊, 睇到眼定定, 仲影左好多相, 但影影下相竟然冇電


行完金魚館之後, 我同joejoe都好肚餓, 原來已五點幾, 唔怪之得啦!! 我哋離開海洋公園之後, 返到金鐘海富中心既大家樂食野, 本來叫叉燒飯加生菜魚肉, 點知冇哂魚肉, 於是要去收銀處換單, 我哋叫左個比較貴既燒味飯餐, 點知個收銀員勁識做, 唔使要我哋加錢, 我都未試過, 唔通係因為預早同joejoe慶祝生日, 所以咁幸運!?