同joejoe的短暫約會

本來同joejoe去城門水塘行山. 但因為唔知會唔會落雨, 所以最後改左去室內地方. 見網上既朗豪坊同新世紀咁靚, 於是就同joejoe去睇下先~


單睇個門口都好靚, 即使唔鍾意hello kitty, 都好想入去睇呢



等我都影返張相先, 但真係太多人, 加上自己部相機又冇電, 只係影左一張




我比較鍾意佢多過hello kitty, 覺得佢比較可愛




當然唔少得hello kitty既, 不過我覺得佢都係著得kawaii會比較好




仲有個好靚既摩天輪, 但真係太多人影, 連其他人都影到(其實我唔想影), 最後只好離開, 下次再去影




之後去左新世紀廣場影相, 好在比朗豪坊少人, 而且我覺得呢度比佢更加靚




呢朵花又幾靚既, 咁鍾意花既我一於去影下相先, joejoe影得好靚啊, 多謝你




其實朵花係黎自黎個廚房, 連個廚房都咁靚~




仲有個大薯仔及平果, 又幾得意喎, 最衰個相機冇電, 唔知幾時冇電, 最後唔可以係果度影




之後去到一間小房間, 見到布置都好靚




joejoe同阿莉阿蒂影, 仲要望住佢><"




等我都影返張相先, 我就望住鏡頭冇望到佢, 其實都應該望下既




隻大肥貓好可愛呢!!! 仲有個樣好傻, 訓係地下咁懶, 好似我




個全景點都要影下, 真係好靚架!!




個相機又冇電, 又太多人, 跟本冇地方及心情影, 只好留比之後影啦!! 只要係下年1月2日之前影就得啦^^

完成theme board既大部分

今日要返學, 早上做返個theme board, 也開始認識用photoshop, 最後都係完成左個拚貼. 最後可以係返學之前完成!! 堂上miss都話我個board比之前靚好多, 佢仲比意見我點整得更好睇, 今次會高分嗎?? 希望十分有七分之上, 我先可以成功拎到distinction~


估唔到我只係睇左一段用photoshop既youtube短片, 就可以學識整個themeboard, 原來自己跟本唔係電腦白痴!!!

可能我以前就係太依賴f先生, 以為自己永遠都唔會認識, 面對住佢用電腦做任何功課, 自己覺得好冇用, 好自卑. 而家再冇呢種感覺, 雖然我已經離開左佢, 但我一點也冇後悔, 反而仲覺得擁有可表現自己才能, 開心及幸福的人生, 係真正人生既開始^^


係fashion illustration 既theme, 係同夏日, 開心及公仔style既一個collection, 希望可比人開心既感覺, 著起呢個collection既毎個女仔都可以變得可愛^^

等我解釋下張畫係用咩相拚成既, 如果大家認識photoshop, 我用既技巧係layer(層次), 普通copy&paste, 用layer mask再裁相, 加上自己既藝術感覺(!?)只係好簡單. 覺得d相靚既話都可以copy架~


背景就係呢個, 鍾意花, 鍾意簡單既感覺, 睇起黎好舒服




好有陽光氣息既一張相, 個model係popteen內既管野結以~



呢張相個人都幾鍾意, 係小惡魔ageha內model既rui, 小惡魔以華麗見稱, 連張夏日相都咁靚~




也係用左小惡魔ageha內既裝飾, 呢次用左上面既花花及鑽石邊



最後用左彩色既蝴蝶, 但我係photoshop內做左少少手腳, 用黎遮住結以半個頭. 因為結以張相見唔到頭頂


放左學之後拎左個搞去曬, 只係五元!? 真係勁抵,連影印店舖既老闆娘都覺得好靚, 問我係咪自己設計, 自己覺得好驕傲. 其實只要係朋友, miss, 同學及其他人都覺得及讚自己既作品靚, 係表示對自己作品既應同, 當自己有項才能被人認同, 自己覺得好開心, 更加希望自己可以轉行呢!!

放假仍然輕鬆!?

今日同姑姐一齊放假, 我放既係全日, 姑姐放半日, 我哋下午去左葵芳及荃灣行街, 雖然我哋冇買任何野, 但我好耐都冇同姑姐行街, 都覺得幾開心, 而且仲去左酒樓飲下午茶



我同姑姐一人一碗燒味飯, 我叫既係叉燒, 姑姐叫既係燒肉



燒肉有點硬硬地, 好難先咬得開, 如果真係公公婆婆都唔知點食



叉燒比燒肉好少少, 但都係好硬, 好難先咬得開



仲有呢個實實既羅白榚, 總之咩都係硬...



飲完茶之後再經過綠揚新村, 見到個門口都幾靚咁喎



仲有好多企鵝及一個用雪(!?)做既聖誕老人, 都幾鬼cutie喎




返到屋企原本接完dede之後想返慈雲山做功課, 但見dede肚痛, 加上佢又感冒, 費時佢走黎走去咁辛苦, 最後留係屋企食飯. 可以食到父母煮既飯, 好耐都冇食過, 覺得好幸福呢!!



阿爸煮既青瓜炒牛肉, 青瓜好爽, 牛肉好淋, 好好味



阿媽煮既魚肉煎蛋, 兩樣都係我至愛, 唔使講, 勁好味




即使係炒菜心都一樣咁好味, 仲要係粗框既菜心, 好甜



dede叫我影既波波, 仲要指定要影到維尼, 咁我都影埋啦



當然唔少得要影下dede啦, 其實呢張相係食飯之前既, 都擺埋落黎啦

好緊張呢!!時間過得真快

時間過得好鬼快, 一共有十堂既紙樣堂, 咁快已經上到第八堂, 至於學左d咩呢....我都覺得唔太多, 最慘係最後一堂就要考試, 真係驚個半死, 只好今日比心機聽書, 同埋聽日再比心機溫下書去惡補下, 希望考試識啦



呢一抽紙樣就係我堂上既"傑作", d彎線比阿sir改到死死下, 好在都有個似樣既出黎, 聽講仲會用佢黎考試



我哋畫既其中一個紙樣就係呢個, 係一條牛仔裙, 呢次要畫埋個袋仔比佢地



呢個係裙既後幅, 就係要畫佢pet pet 既兩個袋, 最底下仲開叉




呢個係裙前幅, 就係整旁邊兩個袋仔



好在可以拎返屋企做, 否則真係要留係學校度. 雖然話聽日我都請左假, 唔使返工, 但我也唔想咁夜返屋企, 仲有大把功課要做

又要大出血

今日姑姐幫我去laneige買左個護膚品套裝, 雖然比較貴少少, 但都幾靚. 所以話錢同埋質素及外表既靚果然係成正比



個盒都幾靚仔咁, 加上個[berry xmas]既紙牌都幾靚, 同時也諗起berry呢




入面都唔錯架, 有sleeping pack, 精華素, 同埋一袋mask等等既護膚品




各護膚品既近鏡, 擺得都算唔錯架




一大袋既小小護膚品之中有士多啤梨mask, eye gel, 收縮水等等

一周年及海港城的聖誕老人

不知不覺同joejoe拍拖已經一年, 今日係我哋一周年既紀念, 但因為我要加班, 所以唔可以同佢一齊慶祝, 只好留返星期六或日再慶祝. 同佢一齊覺得幾開心, 起碼佢唔會呃我, 同埋佢鍚我及成日陪我, 有種成日都係一齊既感覺, 但我成日心諗, 未必要佢一定咁做, 只係自己想佢如果更懂打扮及有上進心就更好, 咁就真係完美^^....咁當然自己都要改下自己衝動, 大意及粗魯既性格



放工之後, 見到公司樓下海港城有好多慈善家捐贈既聖誕老人公仔, 除左市民之外, 甚至有歌手捐贈. 雖然毎個聖誕老人都一樣, 但佢地件衫係唔同色, 比大家睇下各個新款聖誕老人



呢個由外藉人士捐贈, 全身綠色冇任何圖案, 雖然比較簡單, 但望落去都幾舒服



好有童話味道既一個聖誕老人, 佢身上既星星好可愛




同樣都係比較夢幻既款式, 呢次既圖案係波波




仲有直間條衫既聖誕老人, 個樣都好似唔錯咁




直間條都有, 咁當然連橫間條都有, 感覺好似好潮



仲有雪花圖案既聖誕老人都有, 好有冬日既氣氛




仲有比較大既波點都有, 好誇張衣著既聖誕老人, 但感覺唔錯




不過個人都係比較鍾意傳統既聖誕老人裝扮, 始終比較有親切感



其實仲有好多聖誕老人, 但我冇太多時間影相, 下次只好同joejoe或朋友再黎, 如果有人有興趣影既話, 順便可以聚下

終於可以見到父母

話說我月尾又趕埋數, 又要趕功課, 都冇機會返深井見到阿爸阿媽, 今日姪仔發燒, 我爸駕車帶佢去睇醫生, 我媽又跟埋去, 結果就車埋我姪仔去姑姐屋企做物理治療. 結果係我姪仔邊做治療, 邊叫住[麻麻], 哭到連眼淚都流滿面, 但醫師走左之後即刻變臉, 全個人開心哂, 咁細個就識變臉, 都幾恐怖


做完治療後, 到慈雲山中心既酒樓度食小菜, 也係我曾經同joejoe及tracy去打邊邊果間, d小菜勁抵食, 連十幾元都有, 而且味道仲唔差, 尤其係個肉餅, 勁好味!!



呢個西芹雞柳都唔錯, 雞柳都幾滑幾嫩




呢個雖然都係金銀蛋, 但唔係覓菜, 變左椰菜




咸魚粒炒蓮偶, 蓮偶好爽, 加埋咸魚好好味, 可惜咸左少少




四季豆炒豬頸肉, 豆及豬頸肉都好好味, 味道岩岩好




最好味就係呢個肉餅, 豬肉好滑好味, 咸蛋又大隻, 好想再叫多客




食完飯之後姑姐叫到幫六叔買飯, 唔想買都要買, 最後只有一張麥當當既大富翁抽獎卡, 點知真係搵笨, 要同一隻顏色都算, 仲要連續號碼, 有冇咁難中啊




未撕開既大富翁卡, 本來仲有些期待既, 唔知會抽到咩地方呢




不過見到要儲齊卡內所有既號碼先有獎, 覺得心都灰埋, 同中六合彩既難度差唔多