對自己坦率吧!!

休息左個幾星期, 冇得返學真係悶悶地, 好想快d返學. 好在聽日就返學, 唔知聽日果堂係講咩呢? 仲有可以見返兩個fd, 唔錯既~

讀左兩科, 覺得時裝設計都幾得意, 無論係咪高分都好, 可以學到以前從未接觸及自己有興趣既科目, 自己已經好幸福. 即使自己未必轉到行 (咁當然轉到更加好), 最起碼自己都唔會後悔自己冇讀. 可以做自己鍾意既事, 已經係自己勇敢踏出既第一步, 唔會猶豫, 努力面前就可.


但當遇上結婚及時裝設計既夢想, 自己會點選擇呢?? 另外會計果邊又點呢? 係咪放棄? 放棄左既話又點樣搵到錢幫補屋企, 自己儲錢, 投資, 甚至買樓呢?

至於結婚呢, 我都從未諗過, 有朋友覺得要三十歲結婚, 兩年之後就生bb, 對於毎個女仔黎講係理想既生活. 但對我黎講未必係, 因為我真係想做個時裝設計師; joejoe係個好細心, 體貼及鍚我既男友, 也會好珍惜佢對我既好..... 不過唔好誤會, 唔係我唔鍾意joejoe, 只係覺得佢應該可做得更好^^

可惜佢唔係我理想既結婚對象, 可能係時機未成熟, 又或者性格跟本唔太夾, 未完全了解及認識對方, 又怎能心靈相通呢?? 我覺得同自己走人生既路, 要係一個完全了解我, 係我猶豫及有困難時會比到意見, 有主見, 坦率, 聰明及見識既男人, 最好就有經濟能力及懂打扮, 似乎不太可能呢...我追求既係心靈上戀愛, 又或者跟本自己衰, 所遇到既大部分係衰人, 自己缺乏安全感, 所以希望第時既老公係完全比到安全感我既人

對唔住joejoe..

今日原本約左joejoe, 但竟然有唔方便既日子, 簡直超痛, 連郁都郁唔到, 最後只好係屋企休息, 都唔知做咩好, 又未開始返學, 真係好悶, 只好係屋企食下野



琴日買既兩包軟糖, 只係廿五元, 真係好抵!!



有我至愛既牛奶糖及酸心糖, 即係紅黃色果隻桃味糖



姑姐夾既另一包糖, 有大家至愛既扁帶及椰絲棉花糖



飲埋呢包咁特別既焦糖布甸豆奶, 味道都幾得意架

休息一下

琴日打完邊爐後, 我哋今早都冇去飲茶, 只係屋企碌左烏冬及剩餘餸當早餐, 食完早餐後畫左陣畫, 睇左近排至愛既韓劇[A貨貴公子], 間中係屋企休息下都唔錯既



從未學過畫人像素描既我, 就小試牛刀畫下先, 估唔到唔太差. 好鍾意畫佢既短髮




呢個畫得唔係太好, 果然都係第一次畫既係最好


睇完韓劇之後, 我同姑姐兩人行下葵涌廣場. 等村巴之前, 屋企樓下實在太大風, 於是到會所既lift口附近影相


靚既蝴蝶籣, 係我like既花之一, 仲有鏡中小小既我



自己影返張相先, 個樣白痴既我...xd



去到葵涌廣場, 先去大家樂食個下午茶先. 等位期間有對父女, 個女望我兩眼, 都唔比個位我, 仲同佢爸傾計, 於是我就離開左, 好在最後都搵到個位. 點知之後有兩人食飯, 佢地就即刻走, 估唔到呢兩個人勁cheap, 勁賤!! 真係勁嬲!!!好在最後食到個算好味既餐



我同姑姐都叫左既下午茶拚盆, 只係十幾元就可以食哂咁多款, 雖然味道唔太好, 但都唔太差



食完下午茶之後再去行下, 仲買埋annual dinner既衫, 先買個關子, 唔影件衫出黎住, 到左當日大家咪知道囉~

同屋企人打邊爐

終於可以同屋企人同邊爐啦!!! 對普通人黎講係好普通, 但對係姑姐屋企住既我黎講, 呢個係難得既機會, 一係就夾唔岩時間, 一係就冇心情打, 今日又可以食返夠本. 好!! 快d開餐啦~


有姑姐想食既豬皮及尤魚~



當然唔少得我其中一樣至愛, 就係支足啦~



仲有魚皮餃及冬菇, 毎樣都係我至愛, 唔知食邊樣好?



仲有呢個超好味推介比大家, 就係豬潤, 超滑超好味




西生菜及白菜, 影漏左個至好食既豆苗




至愛既魚肉, 我一個人可以食哂所有既魚, 爽甜又有鮮魚味




全城期待既肥牛, 毎人指定既食物!! 大家黎搶啦~




鍾意食魚既我, 魚滑當然唔會錯過啦~




仲有豬頸肉, 不過我就唔太like肉類, 都冇食到


加上媽親自煲既酸梅湯, 唔太酸, 夠甜又好味, 可惜毎人只有一細支, 唔係真係可以飲返夠本, 加上呢個沙爹湯底, 滿足而快樂, 快樂根本就好簡單^^

仲想打邊爐!?

極之鍾意打邊爐既我, 琴晚打完, 今晚仲想打, 連我姑姐都覺得我好痴線, 佢話今晚點都要煮飯, 唔再比我打. 唔好誤會, 唔係我姑姐殘忍, 我由細到大佢都好錫我, 點會唔比我打, 而係我媽打電話比我哋, 問我哋聽晚打唔打邊爐, 可以全家一齊打邊爐喎, 點都要去食啦!!

本來聽日同tracy一齊去慈雲山中心, 而tracy因為阿head放假, 佢先同我去打, 估唔到阿head聽日消假返公司, 佢就唔去打....本來覺得好可惜, 但好在個天都對我好好, 比返一餐我補償, 可以同自己最重要既人去打邊爐, 也算唔錯啦!

講真有d朋友, 我都冇同佢地打過, 好想同佢地打呢...又係打邊爐, sorry, 果然係痴哂線, 完全冇哂野講

同姑姐買餸打邊爐

為左要早放工呢個goal, 我決定由今日開始, 加上姑姐一早已經決定最凍既今晚打, 要去買餸先可以打, 所以要五點半準時走, 要比心機做哂工作先得!!



最後都可以準時放工, 實在太開心, 自己開開心心咁離開公司, 之後同姑姐約好係街市門口等, 買左好多餸, 但總係覺得好似唔夠, 不過都要停手啦, 只有我哋兩個人, 唔會食太多野



返到屋企洗菜, 準備湯底, 開始打邊爐, 雖然只有我哋兩個人, 但係屋企打, 感覺好舒服, 又唔使好似酒樓咁嘈, 又唔使趕時間, 可以慢慢咁食; 仲有又唔使驚浪費食物, 製造廚餘, 也唔會覺得比得多錢而要食多D, 感覺超正^^



就係呢個沙茶醬, 加上花生醬, 最衰少左淡奶, 唔係個湯底仲滑, 仲好食



我洗既白菜及西生菜, 對手洗到凍冰冰, 仲排到懶靚咁



仲有各式各樣既丸, 有我同姑姐至愛既芝心丸及海膽丸



仲有我同姑姐指定要食既百福蒸豆腐, 真係好滑



仲有毎次打邊爐唔少得既魚皮餃, 見到都想食~



仲有支足, 原來要浸足一晚, 支足先夠淋

仲有金菇及肥牛, 肥牛真係超好味~



仲有另一位主角, 就係冬天先當做既豆苗, 雖然只有半斤, 但已經好好味, 滿足了

得兩個人食既小小打邊爐係咁上下, 但只要好味就得, 而且仲碌定一包烏冬, 菜及丸比我聽日帶返工做午餐, 簡簡單單又兩餐^^

不要再加班太夜!!

問足咁多個打工仔, 係人都想準時放工, 邊個想成日留係公司咁夜? 即使有得比你claim錢, 你都唔想留咁耐, 早d放工就算唔係同朋友食飯, 唔係去老籣及羅士佛臺飲酒, 返屋企休息及輕鬆下都唔錯



我哋公司呢個dept最出名既係夜走, 鬼叫我哋出名多野做咩, 於是阿head為我哋毎一位定左個goal, 就係要早走. 就好似今晚咁, 我只係七點幾走, 已經比阿head問[kumi, 你有咩忙緊, 做咩仲未走?], 呢個問題已經比佢問左兩次, 七點幾對我哋既部門黎講已經算早, 但都咁問法. 其實全部人都想早走, 比你咁問就更加無隱, 於是我決定左, 以後要六點或之前放工先得!!



轉第二個話題, 一件趣事係發生係早上, 話說我係油麻地落車時, 見到把長柄遮擺係抉手上, 唔知邊個咁大頭蝦呢??


就係呢個樣, 覺得好特別, 於是影底左佢, 白痴既我=3="

食餅睇人生

今日係Ami, Anton及May過左試用期, 請食蛋糕既日子, 兩位高層請既蛋糕當然係貴野, 就係cova, 即係三十幾元, 自己唔係太願意買果隻. 本來我都好期待, 但secretary head既安排令我好失望



本來佢先安排佢地三位簡餅先, 係絕對冇問題, 之後比finance team簡, 但都冇比我簡, 之後比其他部門及各部門既阿頭簡, 最後先到我, 我仲要係冇得簡果隻, 佢只係隨手比我果隻, 都知最後簡剩既當然有幾"好味"啦, 但好唔好食到好, 最後都要影返張相先



件餅個賣相唔差, 太弊在太creamy, 完全冇味, 都唔知係咩味, 食到中間先有少少咖啡蛋糕先叫好味少少..


以前我入職冇耐, 呢位secretary head都對我幾好, 成日同我傾計, 分食物比我時仲比我簡, 但係而家..都話呢個社會世態炎涼, 今日唔知聽日事, 所以我就係討厭大公司, 如果我中左六合彩, 我一定會離開, 仲要即刻遞信果隻

家庭日及同joejoe去打邊爐

今日冇約到joejoe, 去左陪屋企人, 早上同爸爸, 媽媽, 姑姐及dede一齊去飲茶, 估唔到我哋幾個人都食左幾多野. 中間發生左段小插曲, 就係dede頑皮到打破人地隻碗, 好在冇陪錢, 睇黎真係要完全睇實佢先得



都係煎炸野多, 因為比較平麻, 我至鍾意食羅白榚~



好好味既叉燒飯, 叉燒唔太肥, 而且又唔會太乾




我叫既蠟腸蒸雞飯, 衰衰既我唔食蠟腸, 只食滑滑既雞及飯



仲有超軟既馬拉千層榚, 蝦餃及咖哩尤魚



仲有鴨腳朼及牛肉, 鍾意食喼汁既我拎左好多淋上牛肉度, 勁正



食完早餐之後再返深井屋企, 媽媽及姑姐就為dede做物理治療, 我就無聊咁畫左張畫, 就係照住報紙內既angelababy畫, 但畫出黎又唔太似...



見佢呢張相套衫又幾靚, 而且個樣及pose都靚, 就試下畫



畫好左件衫, 好鍾意透明既黑色lace, 同佢設計既a+ab內既angelababy系列好襯



靚靚既黑lace半載裙, 但太sexy啦, 自己, 屋企人及joejoe都接受唔到, 都唔會著



簡單又有style既boot, basic 款黎講都算唔錯



畫完出黎都唔係太似, 畫到佢唔太靚....自己畫功唔算太好



休息一陣後, 我同媽媽, 姑姐及dede去深井附近行下, 真係好耐冇行, 也唔係改變太多, 由附近公園行到去碼頭附近, 好耐都冇試過全家一齊行, 感覺都幾好架..XD



個碼頭好似幾正, 感覺好寧靜及舒服



係碼頭望回住宅區, 回到現實之中既城市內



面對馬路既沙灘, 就好似沙漠上既綠州一樣



差唔多日落既時候, 影住夕陽映在海上, 再加以上隻船, 超靚



同屋企人行完之後, 就坐車返慈雲山, 我同姑姐買送之後, 再同joejoe一齊打邊爐, 又可以見到佢啦!! 同時也多謝佢就我, 由屋企咁遠黎到, 多謝你^^



本來想去上次打邊爐間酒樓, 後來見到裕滿人家, 就睇睇有冇打邊爐食



只係九十幾元個, 而且之前同姑姐食點心, 質素都唔錯, 就食呢間啦~



個部長拎黎既調味盆, 可以調出適合自己既味道, 唔使係出面同其他人爭




呢個海鮮拚盆係自助打邊爐送架, 就算唔食海鮮都好, 真係覺得好抵!!




部長推薦既椰青水, 超清甜, 比酸梅湯更適合打邊爐




第一round既食物, 分別係雞脾菇, 冬菇, 芝士腸, 豆腐, 支足, 豆卜及魚片



第一round仲有肥牛及西洋菜及西生菜



我哋都唔算太誇張, 唔會叫到全枱都係, 仲驚食唔哂



第二round叫既食物, 分別係支足, 冬菇, 豆腐, 魚皮餃及丸. 仲有魚片及鮮牛, 同上round差唔多...



我哋二人叫既皮蛋莞西窩, 夠哂清淡, 仲有好多皮蛋




開始食到飽飽地, 到雞雞袋食啦, 首先佢要食海鮮




之後再要飲椰青水, 睇佢好鍾意飲呢




食到咁飽, 就可以食肥雞啦, 好大隻肥雞, 好鬼好味



食完餐打邊爐之後, 再同joejoe周圍行下, 行左一陣各自返屋企. 雖然係好簡單, 但都幾開心^^