幸福

雖然平時唔係忙學業, 就係忙工作, 自己都好想休息一下, 同埋會想靜靜地諗下野, 呢次諗既係咩野叫幸福, 自己都想了解下, 究竟幸福係唔係自己身邊, 於是上網搵左關於幸福既定義, 大家都可以睇下, 究竟自己有冇幸福~

幸福就是和喜歡的人在一起 (唔...都唔知算唔算..)
幸福就是做自己想做的事 (有啦, 咪讀緊時裝設計, 如果可以入埋行就更好^^)
幸福就是和大夥兒在一起 (和tracy同事, liz及舊同學佢地都算既)
幸福就是讓別人也得到幸福 (咁我又冇咁偉大)
其實只要用心去體會身邊的人事物裡面都含有幸福的成分喔 (都有既..)

幸福的定義在於自己如果你認為那叫做幸福那便是幸福
有些人因為中樂透而覺得幸福
有些人因為結婚而覺得幸福
有些人因為考上學校而非得幸福每個人的定義都不同

幸福的感覺應該是非常甜蜜的讓人忍不住就從心笑出來 真愛不是取代!而是心中永恆的存在幸福是只要對方都覺得開心就是幸福，不會讓對方覺得困擾或是傷心的事情．．．幸福沒有特別的定義～只要都快樂就好呵呵!!

我覺得和喜歡的人在一起很快樂..也很幸福!!但是幸福都是短暫的..可是短暫的幸福真的無法用言語說清楚...因為那是兩個人之間共同的回憶..就算以後不在一起!!至少我們有過那段幸福的時光...就很滿足了!! (以前曾經擁有, 但而家就冇..)


不過....跟家人團聚吃飯也很幸福喔!!家人也很重要 (呢個一定係啦!!)

幸福是無形的,那只是一種感覺, 有的人覺得擁有很多錢..就是幸福
有的人覺得擁有很多女朋友..很多人的愛..就是幸福
有的人覺得擁有很多權力..就是幸福

所以幸福的定義..其實很難說. 因為每個人所追求的都不一樣丫.. 對他們而言..這就是幸福.. 可是卻是很敷淺的假象幸福.. 而真正無形的幸福.就是身體健康..


我想這是很多人所不懂得追求的幸福. 幸福的預感〞正如其名，討論的是〝快樂及幸福〞的定義。什麼是幸福？這大概很難答覆。因為每個人都會為了不同的事而感動。但唯一可以確認的是，幸福與否，自己才是決定的人。

又要開始奮鬥

就黎到月尾, 又係要趕month end既時候, 開始預左加班, 唔知幾時先可改變唔使再加班既命運, 睇怕都要等中左六合彩先可以唔做, 悲哀..


毎次工作我總會唔想食飯, 務求快d做完所有工作返屋企休息下, 所以我係上星期趁早放工, 去左間價錢比較平既零食店買零食, 三十元有四盒餅, 三包薯片, 都算抵及唔錯啦. 返工時成日口痕痕, 有返d食物就最岩!!


全個櫃桶都係食物, 連我自己都覺得誇張, 公司果然要有個零食櫃!!

諗起毎晚都要最少九點半放工, 真係頭都大埋..

郊遊影相遊

拎住一大袋衫及鞋, 有隻馬騮望住我, 驚佢突然會搶我物品, 好在都冇搶到, 但就嚇到我半死. 行到山上見到靚風景, 但又比班影雀既影師霸左位置, 最後joejoe帶我去個樹林影, 個景都幾靚架



成班影師阻住哂, 要影底哂佢地咁多位先



開滿紅色花既惟一一棵樹, 但都比班影師霸鬼左



好靚既一個樹林, 有好多枯萎既樹枝, 好多地方可以盡情發揮



見joejoe影我咁多, 我都影返佢先, 型到見唔到個樣



影下joejoe個樣先, 笑容可嘉, 懂打扮就更型~


之後到雞雞影相, 首先黎個葉中的雞雞, 黃色既佢同綠色好襯



仲有倒吊的雞雞, 好似跌係地上, 好得意



仲黎多張樹上倒吊既雞雞, 真係好趣致~



黎到城門水塘, 當然要影下個水塘啦, 個景真係好靚



行完水塘之後便離開, 途中有個家庭, 個小朋友拎住相機周圍影馬騮, 有一班年青人拎住膠袋準備燒野食, 毎袋食物已經成為眾馬騮既目標, 馬騮皇仲去搶膠袋, 有個年約三十到既女人不但冇去保護個小朋友, 反而仲叫佢去影相, 有個正義既中年男人終於睇唔過眼, 問個女人係咪小朋友既媽媽, 個女人唔係, 但已經夠"魚". 我都唔明白佢點解唔係照顧小朋友既人生安全為先, 自己如果到左三十都係咁既話, 又的確幾可悲既...



去到荃灣, 我同joejoe周圍搵餐廳食晚餐, 最後比我哋見到間食排餐有平既餐廳, 四十幾元就有一份, 仲有甜品, 超抵


間餐廳唔係太大, 旁邊既位都坐得幾舒服

德福新年布置

今日要返學, 途中經過德福, 見到新年既布置, 個人就覺得麻麻好睇, 不過都影下相當做留念都好.


周圍都係花, 比較中式既布置, 仲有至愛既蝴蝶蘭



好鍾意呢款花樽, 感覺都幾高尚及簡潔



柱上既花也唔錯, 布置簡單, 外表唔錯



另一邊有中式布置既格局, 好似個布滿花既書房一樣



呢個紫色柱望落去都ok既, 但感覺有d奇怪



都幾鍾意呢個花樽, 簡單得黎都有點中國味道



但黎到正門附近既布置就令我失望, 唔係我鍾意花, 會覺得一D都唔靚


返到學校, 正式上堂, 學時裝設計既理論, 講解衣車結構, 同埋車衫方法, 對於從未接觸時裝既我, 都覺得好複雜呢!好在有朋友仔買既飲品, 令我冇咁悶, 多謝你!!


有你既飲品已經足夠, 多謝你請我飲~

annual dinner終於到

今日係annual dinner, 本來都幾期待既, 仲故意捲髮及化少少妝返工, 但見到個seating plan唔係太鍾意, 因為要同我既朋友tracy佢地分開, 於是我向secretary head請求想調位, 但最後都係失敗, 竟然調其他人去tracy果邊都唔調我, 真係覺得幾唔開心架, 仲唔想去, 但最後都係出席左



我哋會場一共有五張台, 終於見到我哋公司book定既座位啦~



各部門既director及高級人員坐既座位, 果然係最靚既位



等我哋呢個部門影相先, 但多左legal dept既sunny, 不過冇所謂啦^^



呢張台度只同may熟, 呢個就係口中成日講既HR



毎人都有一張bingo, 但我毎行都欠兩個號碼, 最後當然冇獎啦



我自己既座位, 睇落去好似好靚咁



未成野之前先由我哋公司最大既老闆致歡迎詞先, 講真都幾悶



首先食乳豬先, 仲可以好似片皮鴨咁用皮包住乳豬皮食, 超好味



仲有蠔鼓及菜苗, 個菜苗真係好味, 不停地食



食飯中途有個估歌仔遊戲, 仲搵靚仔鬼佬shawn親自為我哋獻唱



除此之外仲有金大班為我哋唱歌, 都唔知佢唱咩, 好難估到首歌



玩完後又再食野, 呢個蝦球及西籣花, 連我唔食蝦都覺得好味



仲有呢個炸蟹柑簡直一流啦, 蟹肉又軟, 又炸到好脆



當然唔少得呢個蟹皇翅啦, 魚翅好似牙簽咁粗架



同其他人唔係太多野傾, 覺得好無聊, 於是又影下個菜譜先



個菜譜封面都幾靚, 簡單得黎又高級感覺



第一個搞笑表演開始, 見到四位帶住兔耳跳nobody超正, 係王祖藍既nobody版, 增加搞笑氣氛



佢地跳舞既兔仔耳, 仲有燈著, 真係好鍾意~



仲有呢個英文版既粵劇, 都幾搞鬼, 仲要女扮男, 男扮女



仲要扮恐怖樣去跳舞, 睇其中一位director扮彊屍幾開心, 仲維肖維妙



仲有呢個艷舞部分更加唔可以錯過, 尤其係風騷既金大班, 實在係難得一見



仲有其中兩名大粒跳浪漫舞, 但connie既跳跳下就暈



最後由大老闆及我哋既dept head一齊跳舞, 佢地都跳得幾勁喎



好啦, 之後又食野啦, 係南非鮑魚, 咁大個女第一次食, 仲好似個手心咁大, 超級好味!!



當然唔少得鮑魚既close up啦, 同隻冬菇一樣咁大, 真誇張



仲有呢味炸子雞, 可惜我已經飽, 唔可以食到好味既食物



仲有我帶起兔仔耳, 終於可以帶到啦, 如果係我既就更好



阿may帶都算唔錯既, 仲笑得好燦爛



同客戶服務部既靚女zenith影相先, 佢都幾nice架



同兩名靚女影下相先, 自己都變靚女(簡直痴線=_=")



等我都帶下兔仔耳影返張相先, 遠睇都唔錯咁



再同tracy影張相先, 我個pose咁騎呢




終於到左抽獎時間, 又到大老闆抽大獎, 但無論係現金獎, 或惠康coupon等都冇我份



最後都係影相吧!! 再同may 及slyvia影相先



再同jodie, brenda及tracy影相先, 兔仔耳同jodie幾襯喎



再同超級好人既ada影相, 再加埋tracy



tracy玩bingo仲左五百元現金獎咁開心!? 一於影下相先, 好羨慕~



後來ami及johnny都一齊黎影相, 恭喜哂三位幸運兒^^



我同sunny都冇抽中獎品, 只好拎住我哋間中玩既卡game影下相



連中左頭獎既natalie都過黎影相, 大家似乎好開心呢, 再次恭喜咁多位~



大家黎黎張大合照先, 呢次有埋shirley份, cheers~~


影完相之後, 大家先拎annual dinner用品返公司, 我哋係公司狂歡之後再返屋企, 已經好累呢...但都玩得幾開心

p.s. 今日有其中一位好友酸梅生日, 先祝佢生日快樂先~