買左情人節禮物比joe豬

呢日可以早少少放工, 於是係海港城附近行下, 期間行到agnes b. 度睇睇朱古力, 而且仲有全粒朱古力試食, 真係好滑, 好好味, 咁好既食物又點可唔留比joejoe呢? 見到個包裝咁靚, 於是買左朱古力, 想同joejoe分享



發覺佢既朱古力都幾貴, 買左百幾元, 而且份量都唔多, 平時我一定唔會買比自己, 但見係joejoe先買比佢, 係佢比較鍾意既牛奶朱古力, 希望佢鍾意~



先比joejoe一個驚喜, 唔好拆個袋住, 就影下相先



個袋袋簡單得黎又幾靚, d朱古力個樣都好好味, 自己都好想食




呢張靚靚既卡到底係咩黎呢??




原來係介紹各款朱古力, 其實我已經試食左兩款, 分別係咖啡及黑朱古力味, 咖啡超正超好味~


聽講joejoe都準備左禮物比我, 唔知係咩黎呢?? 好期待~

同joejoe去城門水塘的相

其實joejoe已經出左相, 只係po左去佢fb內, 我都係無意之中見到, 不過唔緊要啦, d相好靚, 同我平時扮架妹完全唔同, 自己都好鍾意, 果然都係比較鍾意cool多d



呢張個pose都唔錯, 好似沉思中一樣, 都唔知自己究竟諗咩



比較鍾意全個森林feel多過自己, 估唔到市區都有呢個地方



最鍾意呢張既構圖及pose, 連已經add我新fb既同事都話好型



呢張也幾鍾意, 我好like寂靜既冬天氣氛, 加埋個look都好襯



呢張既pose及表情都幾like, 有點高傲自信既感覺, 完全唔似平日既自己



呢張有少少好似找尋道路既感覺, 自己都幾like



呢張相既pose及表情麻麻地, 隻腳好似好怪

呢張相就咁坐係度影相, 都算唔錯ar~


好多謝joejoe抽時間同我影相, 係佢病緊期間都同我汁相, 真係好多謝你, 不但自己好鍾意, 身邊既朋友, 同事都讚我輯相好型, 好靚. 也成為我下次影相既動力, 下次再努力^^

所以話影相唔需要多, 成日影相, 但冇輯係靚都冇用. 反而影得少, 但影得靚既話, 一輯都抵返哂

收到好多利是~

[It's the most easy way to get your money in your life, getting the money by just saying "恭喜發財"], 呢句說話由公司其中一名員工shirley同鬼佬shawn的, 經過natalie既教導, 及shawn訓練左好耐, 今日終於大派用場!! 全憑佢歪歪地既廣東話, 單身既佢也拎左好多利是



當然公司內所有單身男女, 都可以分享到呢份喜悅, 全班跟大隊一齊互相拜年, 部分比利是, 部分收利是, 全間公司都好warm, 收利是既更開心, 咁大個女從未收過咁多利是, 一共有三十幾封呢!! 仲要有四封利是及一封開工利是未逗. 幸福果然不是必然, 要珍惜呢份幸福^^



鳴哇哇~~~攤係枱上全部都係公司既利是, 都咪話唔誇張..


我靜靜地拆左利是封口黎睇, 總共有成七百幾元, 對我黎講已經係大數目, 好開心. 屋企人比果d仲未拆, 唔緊要, 就照慣例, 年十五先拆哂啦, 不過我一定會唔捨得用

fashion project的concept

今日冇出外, 係屋企開始搵principle of fashion design的資料, 呢次既習作係:


1) 先找出四張唔同相, 可以係藝術, 自然, 未來主義及建築
2) 跟據四張相去設計布料
3) 去買材料><"


我只係搵左四張圖, 自己都幾鍾意, 但搵布方面可能會有難度, anyway, 搵左先算. 由於之後會用呢四塊布做套衫, 個系列就叫做reborn, 就係離開賤人先生後, 自己重新既七彩生活, 所以顏色會比較誇張



第一就係呢張, 其實係花既近鏡~



仲有呢張彩色羽毛, 好sharp, 自己也好鍾意



自己也鍾意既一張, 呢張預計既衫底部用黑膠或漆皮, 之後就加其他東西吧!?



呢張其實係植物在水中倒影, 好有生動活潑感覺


希望呢輯reborn可比人生動既感覺, 服裝比較成熟, 暫定以cocktail dress為主既2011/2012春夏服裝, 要視乎買到咩布料

同joejoe去食新年大餐

joejoe病左好多日, 佢終於好返啦, 係我哋兔年既第一次見面, 等我打扮一下先, 先由姑姐幫我恤頭, 之後再由自己化妝, 感覺都唔錯架, 等我影返張相先~



哈哈, 又係度自拍及扮架妹, 就扮一下次啦



去到德福先同joejoe試呢個日式炒麵, 墨魚丸及燒餅, 超好味~



之後去一間叫做牛角既日式燒烤餐廳等位, 雖然係五點幾, 但已經好多人等待晚市, 我未食過呢間, 但咁多人排隊, 應該唔算太差吧!? 係排隊途中, 見到個超可愛既bb對住我笑, 我也努力氹佢開心, 仲叫joejoe偷偷地影左張相~



後來從其他人口中, 得知呢個bb及父母原來係日本人, 佢見你做咩動作, 佢又跟住做, 超可愛~



排左成一個鐘, 終於可以入到餐廳內食飯啦, 餐廳既格局簡單得黎都唔錯~



見到毎張台毎人係咁影, 自己都影下先, 我哋兩個人既爐及餐具~



無聊地影左自己個位子, 擺整齊d影下相先



仲有個餐牌教埋你點燒牛既不同部分, 果然係好pro!!



先黎第一味食物, 就係一口肥牛, 加上牛油, 究竟點煮呢??




仲有呢個芝士什菜, 白痴既我哋先打開鍚紙!? 其實係熟左之後先打開...



仲有呢個絕對好味既牛肩骨, 紋理已經好靚, 脂肪分配平均, 一定要叫呢個!!



由於頭先已經食左野, 所以唔係叫左太多....只係少少慢慢燒




好難先燒到呢個效果, 就係把牛油塗上面, 之後再燒, 焦焦地既芝士都幾靚~




我哋唔知係咪仲未夠飽, 仲要燒埋雞雞袋, 雞雞袋真可憐..




咁我哋當然唔會咁殘忍, 都會比佢食返少少牛肩骨, 好味嗎??



個牛肩骨燒完係呢個樣, 超靚仔, 真係睇得又食得




無論你幾飽都好, 點都要試佢呢個招牌甜品, 就係呢個牛角雪榚


食完飯之後, 同joejoe稍為行下德福, 但布置唔太吸引, 衫也唔太靚, 最後好快就行完, 之後便各自返屋企

全家去拜年!?

其實我哋屋企唔太興周圍去親戚屋企拜年, 多數都係大家出黎飲餐茶, 當作聚一聚及傾下計, 大家互相同對方講祝賀說話, 一齊飲茶, 感覺已經很幸福^^



最後都係決定去食物好味既裕滿人家飲早茶



都未開餐, dede已經好開心, 仲笑到四萬咁口



先黎炒腸粉及雞腳, 本人唔係太like雞腳既, 我唔like"損骨"



呢個煲仔粥好好味, 仲要勁多豬潤, 粥又甜



香軟既千層馬拉榚, 而且仲唔會甜到漏, 食多多件都冇問題~


當然唔少得阿媽至愛既粉果啦, 見佢個皮都好簿


當然唔少得蝦餃啦, 皮簿, 蝦又大隻


仲有呢三個蒸到陷左既流沙奶皇包~



個名叫做"小心奶皇包", 果然係名不虛傳, 奶皇真係會漏出黎, 要好小心食



弟婦叫既豆苗蝦餃, 真係皮又簿, 菜又好味, 蝦又彈牙



仲有好多至愛既食品, 包括牛肉, 腸粉等等, 越叫越多, 張台不時都係呢個食物密麻麻的情況



偷偷地影左張相, dede頑皮, 睇下弟婦點教訓佢, dede先會學乖


飲完茶之後, 就跟父母車去荔角村同婆婆拜年, 好耐冇見過佢啦, 點都要去同婆婆見面先得. 一去到婆婆屋企, 見到婆婆同舅父佢地一定食飯, 我哋都一齊食下飯, 婆婆整既冬菇花膠好味, 可惜舅父佢地係度, 費時影相, 最後只影左婆婆屋企既一盆靚靚菊花



見到鮮色既菊花, 感覺好開心, 如果毎日都咁開心就好^^


拜完年之後, 都係返屋企休息下, 打機, 就黎打機打到痴線啦...好在接到joejoe既電話, 佢已經好返好多, 聽日仲同佢一齊食正野, 勁開心^^

祝大家新年快樂!!

終於到左年初一, 也係我至愛既兔仔一年, 先同大家講句恭喜發財, 身體健康, 財源廣進, 女既就青春常註, 男既就英俊非凡(唔係梁非凡..XD)


今日冇去拜年, 聽日先拜, 可以係屋企休息下, 打機, 咩都唔使諗, 又唔使郁就最好^^



為左迎接新既一年, 我琴晚也開始去染髮, 貪得意買左電視成日賣廣告既LIESE泡泡染髮劑試下, 買既係奶茶啡色, 從未玩過既我覺得好新奇, 點都要試試~



一盒原來都幾多"架餐", 有兩支染髮劑, 一包護髮素, 一對手套




對手套好搞笑, 仲要對手套都唔簿架



率先披露染髮過程, 都係唔好見樣啦, 而家已經做完泡泡 洗頭染髮個過程, 等緊染髮劑上色



終於染好及流頭, 染完之後, 顏色果然唔錯, 唔太深色(自己感覺好娘), 同時也唔會太淺色(似MK妹), 真係岩岩好~

Natalie請食飯

今早食到中左現金大獎既cherry請大家既食物, 個盒好長, 呢個係其中一部分~



另一部分既朱古力都好靚靚呢, 多謝cherry幫我準備好比我影相



最後一部分係蛋捲, 我拎左朱古力果條及一粒朱古力, 果然唔客氣=3="




今日年三十, 也係虎年最後一日, 我哋部門既經理natalie請哂我哋咁多個食飯, 當然包括我哋既好友sunny啦!! 最後決定係小城知味食飯, 講真間餐廳真係幾好味^^




可能好多人放飯呢!! 今日明顯比平時更少人, 明顯變得冷清



我既座位呢, 可能人流較少, 燈光比較暗, 好似好浪漫咁..



幾好味既人參雞湯, 真係好人參及雞架, 好足料, 好飲



蒸黃立倉賣相唔錯, 但始終有少少腥味, 唔太好食..



仲有呢個糖操魚, 魚肉好軟冇雪藏味, 汁也唔錯



咕嚕肉都是一般, 味道及賣相沒太大驚喜



炒得滑滑既蝦仁炒蛋, 毎個人必搶, 蝦也好彈牙, 勁好味



仲有金銀蛋覓菜, 都係普普通通, 不太特別


多謝natalie請我哋幾位食呢餐咁豐富既lunch, 食完之後又要再工作, 雖然唔可以準時四點早走, 但可以六點幾走, 都已經好開心, 也可以休息一下啦~