Godiva 朱古力

今日公司無端端有盒godiva既朱古力!? 又有好野食, 係除左員工福利及部分好同事外, 就係呢樣野最吸引, 雖然只可食一粒, 不過已經好好~


個盒都幾靚, 仲要係牛奶朱古力, 超正~



仲有唔同種類既朱古力介紹, 我最鍾意當然係咖啡味, 而且一抽就抽中



唔同種類既朱古力, 太多款, 都唔知選邊款好..



我都希望買左唔同朱古力比屋企人及好友, 但實在太貴 (agnes b. 九粒朱古力都已經二百幾, 呢款相信唔止), 可能自己比較吝嗇, 未必捨得, 加上又要轉工, 要儲好多錢做準備, 唔可以輕易用錢

同姑姐食米線

難得可以準時放工, 加上琴晚聽姑姐講食米線, 我返學冇得食, 於是姑姐今晚同我補食返, 真係多謝佢應承任性既我, 要佢再食多次米線~


最後去左黃大仙中心既譚記三哥米線食, 都幾多人去食, 味道應該唔太差吧!? 我仲同尖沙咀果間譚仔米線撈亂, 簡直係傻仔..


先黎個前菜先, 係spicy既皮蛋, 酸酸spicy好醒胃, 幾好食


終於可以食到米線啦!! 係鮮冬菇豬潤米線, 豬潤比較"鞋", 但個冬菇勁好味, 勁大個, 好似個手心咁大~


返到屋企又要忙apparel construction既功課. 而家先開始做, 加上d線步又煩, 都唔知點算, 只好見步行步

開始煩另一份功課

交完布料份功課冇耐, 又開始講另一份功課點做!? 哎呀.... 呢次真係頭痛, 除左煩搵工, 仲要煩功課??? 真係想死....唔知點算....迷網中..


白版寫低功課既條件, 至囉命既係交功課日期, 岩岩撞正month end, 真係唔知點死...


最後只好趁下星期五請假時做下功課, 不過姑姐屋企果日停水停電, 要拎返去深井度做!?

Tracy 升職!?

今日全個會計部開會, 先知道tracy終於由account assistant升到accountant, 見到好友升職, 應該開心先係, 但也有d唔開心, 第一係本來我同tracy平起平坐, 突然我under佢, 不過佢之前都用心教我野, 我也唔緊要; 至緊要係已經再冇機會晉升, 就升職, 最多只係個title前面加"senior"個字, 跟本冇咩前途

同埋工作量越來越多, 做錯少少都冇人鬧, 加上見麗姐年紀開始老及好忙, 真心想幫佢手, 點知比人誤會搶佢野做, 真係越來越灰; 都做夠一年啦, 開始諗定搵工

最想搵到同時裝有關既工作, 設計助理就未必有我份, 做sales 工作時間又長, 跟本冇得讀書, 我一定唔可以放棄讀時裝設計, 睇黎真係要慢慢考慮自己前程...

留在屋企休息吧!

今日又要開始忙功課, 不過就一大堆問號, 真係咩都唔認識, 如各車線種類, 唔同線既車法, 各車線既編號等等, 真係睇到呆左, 完全唔知佢做咩...雖然如此, 但覺得好享受, 同埋學識唔同線步, 第時買衫都識買啦, 起碼唔會買件爆線衫

但唔可以同joejoe睇大和號, 覺得有點可惜...只好下星期再去睇吧!! 講真真係好想睇

有時都走左去偷懶, 就係玩psp, 始終都要休息下吧! (懶就係懶, 仲要比藉口自己=_=")

同父母去飲茶

唔係要忙month end, 就係要忙功課, 連見面及飲茶既時間都少左, 今早難得有機會去飲茶, 覺得好開心呢~


去一間叫做[客家好棧]既茶樓飲茶, 我都係第一次去, 間茶樓唔太大, 但比人感覺都幾舒服, 又唔算太嘈雜


客家好棧既大門, 仲影到姑姐背影, 比佢知道實鬧死我..XD


內裡既格局, 毎人都有足夠空間, 唔會太迫


自己既座位, 毎件餐具都細細件, 好得意



首推呢個金錢肚陳村粉, 極之好味, 汁又夠味, 同陳村粉又夾



第二好食就係呢個排骨陳村粉, 總之有陳村粉就好味, 好少地方可食到



第二好食就係呢個腸粉, 腸粉皮又簿又滑, 叉燒唔太肥



呢個三鮮燒賣唔止燒賣咁簡單, 燒賣肉用蝦肉做



呢個鮮奶桂花榚唔錯, 濃郁桂花香味, 滑滑既鮮奶, 全件都好香好滑, 兩者味道特別夾



其他食品仲有呢個簿撐, 但個人覺得太油膩



鳳爪排骨味道唔錯, 排骨滑溜溜



呢個牛肉球都唔錯, 但我不太like佢肉質太硬



同上星期五食既紅油抄手比較, 呢個略勝一壽, 皮不但夠簿, 又可以鎖住肉汁, 加上汁既配合, 簡直係完美


飲完呢餐茶後, 開始計畫定呢個月出左bonus之後, 再請父母, 姑姐, 妹及dede一共六人食晚餐, 見其中一個餐有魚翅, 又有鮑片...係時候盡下孝道, 請佢地食餐好^^

真係好累..

今日tracy考mid term, 我哋會計部又唔齊人, 最後只有natalie, ami, anton, sunny及我五人去食米線


米線係tracy至愛, 琴晚都叫我哋唔好去食, 點知我哋今日就去食, 我哋果然係惡魔黎呢!! 我都見好耐冇食, 食下都好既~


個賣相都ok, 仲有至愛既豬大腸及牛肉, 加上少少spicy既湯底, 零舍好味



仲有我既谷咕, 個樣幾黑, 同natalie杯成對比, 但我果杯唔好飲, 味道好淡, 冇谷咕味


放工真係好眼訓, natalie原本叫我清哂所有工作先離開, 但我真係太眼訓, 好想休息下, 只好星期一再努力, 早d返屋企食飯訓覺吧!!

補祝brenda生日

跟據jodie口中知道, brenda原來係2月28日生日, 我哋上星期冇同佢慶祝, 呢次要同佢食返餐先得~


呢日選擇係八兩食日本菜, 聽佢地講好似係元氣既高級版, 我都未食過, 應該唔會太差吧!?


睇個門面已經好靚, 唔知入面係點既呢??


我哋訂左位既一間房, 咁多朋友聚埋一齊都幾開心~



仲有雞雞袋及sake, 佢好似介紹sake咁~



自己既餐具, 毎樣外表雖簡單, 但望落去幾優雅



大部分人叫既魚生飯, 都幾七彩繽紛, d材料望落去又幾新鮮~



近影刺身及配料, 已經令人食指大動~



我同tracy兩人叫左呢個烏冬sushi套餐, 望落去都幾豐富



個烏冬望落都幾好味, 仲有木薯係麵上面





各式各樣既sushi都整得好精美, 而且材料也好新鮮, 真係好味


但個餐唔係太大, 好似我咁大食一定唔夠, 如果有時間再食野, 或有更多錢, 一定會叫埋個魚生飯, 一個人食兩個餐, 死得=_="


食完飯返到公司, 見到我枱面有杯triple-o既可樂, 我見仲有個袋入住, 以為係人地, 起初我冇飲, 但最後都飲左. 其實我想食個包及薯條多d..

仲有少少介懷

見到自己份功課唔太靚, 自己也唔滿意, 覺得自己時間跟本唔夠, 如果我有更多時間, 可以做更好既作品, 我都知唔可以全部怪責tracy, 也知道account比較難讀, 但我感覺佢重自己學業多過工作, 如果大家可幫忙, 會節省好多時間, 咁大家可以早放工, 佢可以溫書, 我可以做功課, 唔使全部工作比哂我做咁辛苦

好在最後都可以係指定時間完成工作, 講真全部功勞都歸我, 如果唔係我, 個month end都唔會完成. 可能覺得我比較大口氣及自大, 但的確係事實. 所以我有時做唔哂工作, 或tracy話我錯, 我開始對佢發脾氣, 我都知道唔岩, 但我實在忍唔住, 所以都要訓練下EQ先得..

唔通我fashion 係興趣, 就可以忽視我; tracy讀既係account就比較注重? 大家都係學科, 唔可以咁歧視吧? fashion不但只有畫公仔, 仲有好多理論去背, 去理解及學習, 唔係普通人想像咁容易!!

如再咁過分, 唔排除我會有離開間公司既可能性..

終於交功課

本來想早d返學準備, 但tracy又要我做埋果份工作先可以走, 到最後差唔多六點半先走得. 我都幫佢做左好多野, 連natalie都話我做埋佢果份, 只係少少野都唔幫, 唔係我趕住走, 佢都唔幫我; 始終人都係自私, 自己真係無奈..


連準備既時間都冇, 一返到學校要準備present, 緊張個不得了, 最後present得唔太好, 都唔會高分吧? 好在miss都鍾意我作品既其中一塊布, 自己都有d恩惠, 但對我呢次既表現也好失望..


我份功課既封面, 字體麻麻地, 但好like呢個絲巾做既花邊



project既其中一頁, miss話牛油紙唔太好, 但我都覺得算唔錯, 所以話設計真係好主觀



project既另一頁, 覺得都算ok, 但唔算太靚, 只係冇時間做, 好可惜..



最鍾意, 也覺得同相最似既作品, 好想用佢黎做衫



另塊比較溫柔感覺既布料, 第一塊做既, 都算ok吧!?



第三塊既作品, 也係miss話比較鍾意既, 用佢黎做衫, 發揮既空間比較大



普普通通既一塊布, 仲要近睇見到膠水嘖, 真係oh my god>< 再睇下其他同學既作品, 見呢個都幾特別, 同學既同意下都影左張



kate做既作品之一, 好靚啊, 我同佢果d簡直冇得比



好鍾意既gothic style, 真係好靚, 又好型呢!!



呢個都幾鍾意, 用左網條, 再包住豹紋絲巾去織出, 真係好似蛇, 好靚~



呢個紅色蜘蛛都唔錯, 聽朋友講呢隻布好難剪

始終都係加班

一時又加班, 一時又要忙功課, 全部工作都完全分開, 十足十電視連續劇, 都唔知幾時先完...


今晚tracy返工, 未完的工作如開票, 入機, bank rec, schedule等等全部由我做, 自己開始覺得唔公平, 我同佢同樣返學, 但點解佢既時間比我多, 多d時間溫書及做功課, 仲可以拎到A及B; 而我就永遠冇時間, 連成績係點都係未知數, 可能不太理想..


大家去大家樂食飯, 本來想試佢新出既紙上燒, 但邊有咁好心情, 最後食左個燉湯套餐仲好


一個即叩即炒小菜, 西蘭花炒石班魚, 同埋有白飯及燉湯, 都幾好味


個燉湯係足絲雞燉紅棗, 都幾好飲, 仲可以食到雞, 果然係足料炮製~


今晚都係一點走, 臨訓前做好份功課, 要成兩點幾先訓, 點解我咁苦命架?? 如果tracy唔使返學, 幫我做下都好啊..

而且有個壞消息, natalie, ami及anton因為等HR既文件, 等到成夜晚四點幾先走, 簡直係創先河, 不過呢種先河, 就唔係毎個人想創, 大家都覺得無奈..

開始忙功課(下)

琴日完成四塊布, 今日要諗辦法做好本profolio交出去, 講真都幾頭痛, 又唔可以太樣衰, 但又唔可以壓平有立體感既四塊布, 又要襯色...


為左表示成熟女性既特質, 唔想用太七彩繽紛既顏色, 最後選擇比較低調既啡色做底


個位置太約咁編排, 白色紙係文字部分


但問題係邊兩塊布擺面, 兩塊擺底, 加上穿住profolio既絲帶都未決定點整及用咩色, 下星期二就交, 唔知點算..

開始忙功課(上)

首先要同以下各單位人士致歉, 因為我要忙功課, 唔可以陪你地


1) 爸, 媽及妹: 原本想見下你地, 但唔可以返深出見你地, 好耐冇見

2) 姑姐及姪仔: 如果唔係咁忙, 可以同你地去睇戲, 用埋四叔比我哋既戲票. 但同時也多謝姑姐係針子上幫唔少忙^^

3) joejoe: 唔可以同你睇大和號, sorry (其實我勁想睇!!)


放學之後同winnie去大快活食返個下午餐, 食完之後又要返屋企博殺, 好鬼痛苦...


要食飽飽地再工作, 包括碗仔翅, 細碗叉燒飯及油菜, 但呢個時候已經係五點幾, 都幾驚人...


呢個花係我既至like, 但剩下煙既部分仲未整好..


羽毛部分仲未痴好, 原本想用針線繨, 但又趕唔切, 最後只好用白膠漿, 好似做勞作一樣..


最後終於完成四塊布, 比大家睇睇, 滿載住我及姑姐部分心機, 自己都幾鍾意, 除左羽毛果個..