唔好失望啦..

原本想同joejoe去睇大和號, 點知只有早場, 冇得去睇. 最後同joejoe去食晚餐, 雖然joejoe冇講, 但見佢個樣及聽佢語氣似乎好失望, 我都有少少唔開心, 只好食餐好既補數啦


去左淘大商場果邊食飯, 有好多間餐廳, 真係唔知食邊間好, 最後決定去間餐廳, 唔係太多人, 食物味道也麻麻, 但環境一流


間餐廳叫RISO, 個門口白框斜斜地, 幾得意



餐廳內既賣雪榚位置, 好多款雪榚都唔知食邊款



好多樹呢, 加上枱及椅, 好似渡假一樣



我哋既飲品及食物黎左, joejoe竟然鍾意士多啤梨!? 我既係藍莓茶



毎位客人都有個號碼牌, 我哋既係25號, 仲有可愛既雞雞袋陪住



第一味係白汁火腿意粉, 味道麻麻地, 賣相都唔錯



連雞雞都好鍾意食, 睇下佢幾大食!!



香口野最鍾意食!! 尤其係蒜容包, 超好味



仲有呢個什菌意大利飯, 不過味道就....都係休息下先~



同場加映, 大食的雞雞袋, 同我一樣好大食!!



等我都同joejoe杯士多啤梨影下相先, 睇黎我同佢都幾襯~



餐廳唔係太多人, 可以周圍坐下, 好快去到梳化既另一邊坐, 仲見到我哋既食物殘骸



仲有靚靚既雪榚及蛋糕, joejoe要士多啤梨味, 我要芒果味



好好味既芒果蛋糕, 仲有至愛朱古力蛋糕, 兩者味道好夾



joejoe既士多啤梨雪榚, 睇黎都幾好食喎



食完野之後, 梗係無聊下影相, 我好似幫餐廳賣廣告!?



joejoe仲誇張, 攬住個招牌黎影!? 快d影完相啦~



除白色部分外, 間餐廳另一部分係紅色, 影相都唔錯, 但位置唔太好坐



食完晚飯之後周圍行下, 先到公園坐下, 但見到有女仔食煙, 我哋唔太鍾意, 最後去左德福行. 突然忽發奇想, 係ZARA門口前影相



個人幾鍾意呢張相既感覺, 似一個鍾意買野, 但寂寞及內心空虛, 好表現現代既香港人

同事星期五聚餐

又到星期五, 也係我哋呢班朋友出去食飯既時候, 呢次仍然唔齊人, 就係冇左natalie, 睇黎只有month end先會齊人


最後去左小城知味食飯, 貪佢夠近公司, 同埋係尖沙咀呢區黎講, 都唔算太貴, 小菜款式雖然唔太多, 但都幾好味, 的確都幾吸引



tracy叫既咖哩豬排, 味道都算唔錯, 可惜豬排太少



仲有蝦膏炒菜, 最得意既係碟菜倒在呢個黑窩上慢慢炒



毎次當然叫既松子魚, 又酸又甜好好味, 不過分量比之前更少吧!?



由於我最後先到, 自己加左個餐, 呢個係炸子雞, 都算好味既..


可能我哋比較晏食飯, 食飯既人唔太多, 就無聊影下餐廳周圍既環境, 雖然地方唔太大, 但坐得算舒服



餐廳門口附近地方, 擺滿綠色植物, 感覺幾舒服



門口附近既第一張枱, 但始終近門口, 自己唔太like



但我比較鍾意近玻璃窗既位置, 尤其係假日, 悠閒地望住街外既人, 自己覺得幾寫意


可以六點幾放工休息下, 簡直正, 如果毎日都係咁就好. 不過最想都係搵到份工快d走

Godiva 朱古力

今日公司無端端有盒godiva既朱古力!? 又有好野食, 係除左員工福利及部分好同事外, 就係呢樣野最吸引, 雖然只可食一粒, 不過已經好好~


個盒都幾靚, 仲要係牛奶朱古力, 超正~



仲有唔同種類既朱古力介紹, 我最鍾意當然係咖啡味, 而且一抽就抽中



唔同種類既朱古力, 太多款, 都唔知選邊款好..



我都希望買左唔同朱古力比屋企人及好友, 但實在太貴 (agnes b. 九粒朱古力都已經二百幾, 呢款相信唔止), 可能自己比較吝嗇, 未必捨得, 加上又要轉工, 要儲好多錢做準備, 唔可以輕易用錢

同姑姐食米線

難得可以準時放工, 加上琴晚聽姑姐講食米線, 我返學冇得食, 於是姑姐今晚同我補食返, 真係多謝佢應承任性既我, 要佢再食多次米線~


最後去左黃大仙中心既譚記三哥米線食, 都幾多人去食, 味道應該唔太差吧!? 我仲同尖沙咀果間譚仔米線撈亂, 簡直係傻仔..


先黎個前菜先, 係spicy既皮蛋, 酸酸spicy好醒胃, 幾好食


終於可以食到米線啦!! 係鮮冬菇豬潤米線, 豬潤比較"鞋", 但個冬菇勁好味, 勁大個, 好似個手心咁大~


返到屋企又要忙apparel construction既功課. 而家先開始做, 加上d線步又煩, 都唔知點算, 只好見步行步

開始煩另一份功課

交完布料份功課冇耐, 又開始講另一份功課點做!? 哎呀.... 呢次真係頭痛, 除左煩搵工, 仲要煩功課??? 真係想死....唔知點算....迷網中..


白版寫低功課既條件, 至囉命既係交功課日期, 岩岩撞正month end, 真係唔知點死...


最後只好趁下星期五請假時做下功課, 不過姑姐屋企果日停水停電, 要拎返去深井度做!?

Tracy 升職!?

今日全個會計部開會, 先知道tracy終於由account assistant升到accountant, 見到好友升職, 應該開心先係, 但也有d唔開心, 第一係本來我同tracy平起平坐, 突然我under佢, 不過佢之前都用心教我野, 我也唔緊要; 至緊要係已經再冇機會晉升, 就升職, 最多只係個title前面加"senior"個字, 跟本冇咩前途

同埋工作量越來越多, 做錯少少都冇人鬧, 加上見麗姐年紀開始老及好忙, 真心想幫佢手, 點知比人誤會搶佢野做, 真係越來越灰; 都做夠一年啦, 開始諗定搵工

最想搵到同時裝有關既工作, 設計助理就未必有我份, 做sales 工作時間又長, 跟本冇得讀書, 我一定唔可以放棄讀時裝設計, 睇黎真係要慢慢考慮自己前程...

留在屋企休息吧!

今日又要開始忙功課, 不過就一大堆問號, 真係咩都唔認識, 如各車線種類, 唔同線既車法, 各車線既編號等等, 真係睇到呆左, 完全唔知佢做咩...雖然如此, 但覺得好享受, 同埋學識唔同線步, 第時買衫都識買啦, 起碼唔會買件爆線衫

但唔可以同joejoe睇大和號, 覺得有點可惜...只好下星期再去睇吧!! 講真真係好想睇

有時都走左去偷懶, 就係玩psp, 始終都要休息下吧! (懶就係懶, 仲要比藉口自己=_=")

同父母去飲茶

唔係要忙month end, 就係要忙功課, 連見面及飲茶既時間都少左, 今早難得有機會去飲茶, 覺得好開心呢~


去一間叫做[客家好棧]既茶樓飲茶, 我都係第一次去, 間茶樓唔太大, 但比人感覺都幾舒服, 又唔算太嘈雜


客家好棧既大門, 仲影到姑姐背影, 比佢知道實鬧死我..XD


內裡既格局, 毎人都有足夠空間, 唔會太迫


自己既座位, 毎件餐具都細細件, 好得意



首推呢個金錢肚陳村粉, 極之好味, 汁又夠味, 同陳村粉又夾



第二好食就係呢個排骨陳村粉, 總之有陳村粉就好味, 好少地方可食到



第二好食就係呢個腸粉, 腸粉皮又簿又滑, 叉燒唔太肥



呢個三鮮燒賣唔止燒賣咁簡單, 燒賣肉用蝦肉做



呢個鮮奶桂花榚唔錯, 濃郁桂花香味, 滑滑既鮮奶, 全件都好香好滑, 兩者味道特別夾



其他食品仲有呢個簿撐, 但個人覺得太油膩



鳳爪排骨味道唔錯, 排骨滑溜溜



呢個牛肉球都唔錯, 但我不太like佢肉質太硬



同上星期五食既紅油抄手比較, 呢個略勝一壽, 皮不但夠簿, 又可以鎖住肉汁, 加上汁既配合, 簡直係完美


飲完呢餐茶後, 開始計畫定呢個月出左bonus之後, 再請父母, 姑姐, 妹及dede一共六人食晚餐, 見其中一個餐有魚翅, 又有鮑片...係時候盡下孝道, 請佢地食餐好^^

真係好累..

今日tracy考mid term, 我哋會計部又唔齊人, 最後只有natalie, ami, anton, sunny及我五人去食米線


米線係tracy至愛, 琴晚都叫我哋唔好去食, 點知我哋今日就去食, 我哋果然係惡魔黎呢!! 我都見好耐冇食, 食下都好既~


個賣相都ok, 仲有至愛既豬大腸及牛肉, 加上少少spicy既湯底, 零舍好味



仲有我既谷咕, 個樣幾黑, 同natalie杯成對比, 但我果杯唔好飲, 味道好淡, 冇谷咕味


放工真係好眼訓, natalie原本叫我清哂所有工作先離開, 但我真係太眼訓, 好想休息下, 只好星期一再努力, 早d返屋企食飯訓覺吧!!

補祝brenda生日

跟據jodie口中知道, brenda原來係2月28日生日, 我哋上星期冇同佢慶祝, 呢次要同佢食返餐先得~


呢日選擇係八兩食日本菜, 聽佢地講好似係元氣既高級版, 我都未食過, 應該唔會太差吧!?


睇個門面已經好靚, 唔知入面係點既呢??


我哋訂左位既一間房, 咁多朋友聚埋一齊都幾開心~



仲有雞雞袋及sake, 佢好似介紹sake咁~



自己既餐具, 毎樣外表雖簡單, 但望落去幾優雅



大部分人叫既魚生飯, 都幾七彩繽紛, d材料望落去又幾新鮮~



近影刺身及配料, 已經令人食指大動~



我同tracy兩人叫左呢個烏冬sushi套餐, 望落去都幾豐富



個烏冬望落都幾好味, 仲有木薯係麵上面





各式各樣既sushi都整得好精美, 而且材料也好新鮮, 真係好味


但個餐唔係太大, 好似我咁大食一定唔夠, 如果有時間再食野, 或有更多錢, 一定會叫埋個魚生飯, 一個人食兩個餐, 死得=_="


食完飯返到公司, 見到我枱面有杯triple-o既可樂, 我見仲有個袋入住, 以為係人地, 起初我冇飲, 但最後都飲左. 其實我想食個包及薯條多d..