另一個時裝展覽

估唔到最近都幾多時裝展覽布置, 九龍灣即將有一個, 之前去K11, 而家海港城又有一個marc by marc jacob既時裝promotion, 都整得幾靚, 仲好過隱


由上面望落去, 全個飛行棋既樣, 加埋公仔都幾得意



等我落去影下個場地先, 即使secure及sales在場都照影. 見到有呢個牌子既時裝catwalk


以細菌怪為主題既causal wear, 又幾特別既


happy birthday既字眼都幾別緻



仲有tee及黑色牛仔褲, 感覺悠閒



好大粒星好得意, 旁邊既服裝方磚都幾別緻



如果可以入埋去影相就好, 可惜入面D衫太貴, 跟本都買唔起, 加上又有幾位sales係度, 唔夠敢入去, 冇得影真係可惜..


公司既客戶服務部有位同事離開, 請我哋食好味既什果tart



小小既藍莓tart味道唔錯, 藍莓唔太酸



個士多啤梨tart真係好味, 而且粒士多啤梨勁大粒

公司lunch

今個lunch我哋全個會計部及sunny一行六人去UCC食飯, 竟然連阿head都去!? 去既仲要係UCC??講真真係一頭霧水, 不過大家可以聚下, 就唔緊要!!


由natalie, sunny及anton係沙律吧度自己堆既沙律, 好豐富咁呢!!


連阿head都問點解無端端一齊食飯, 連我都想知道呢!! 原來呢餐係natalie請, 佢話見人齊, 就一齊食下飯, 咁都唔錯~


anton埋既沙律, 生菜及吞拿魚比較多


sunny埋既沙律, 有我至愛既桃, 薯容都幾好味


毎次食蛋包飯, 今次搞搞新意思, 食呢個芝士焗牛肉飯, 真係好好味!!


natalie希望我哋呢個dept毎個都生生性性, 比心機做好會計工作, 我會努力, 唔會令你失望既. 應該話有冇呢餐都好, 都會係工作上做到最好, 鬼叫自己收左公司份糧咩

終於考試 (principle of fashion design)!!

今日終於到左考試既日子, 心情不算太緊張, 因為塞車遲左五分鐘, 返到學校已經發答題簿及試場規則


見到題目, 大多數都識答, 部分題目有少少轉彎, 都總算識答. 最後早左半個鐘就離開. 離開之前阿kate送左件外套比我, 好想多謝佢, 但佢仍然考試, 只好考完試之後再打個電話或sms同佢講聲多謝


之後tracy打電話比我, 叫我聽日唔好拎飯盒, 究竟發生咩事呢? 平時我哋出街食飯不外乎四個原因: 有新人加入, 舊人離開, 升職加薪及朋友生日, 究竟係邊樣呢? 唔緊要啦, 聽日咪知道~


考試時間已過去, 我就打電話比kate多謝佢, 順便請佢食飯, 佢話唔使請, 只係搵舊衫及拎去乾洗送比我, 佢最近比較忙, 可能要搵日再去一齊食飯, 期待呢一日!!


講完電話之後, 再仔細留意下德福商場, 又有新既布置出現


自己比較鍾意pastel color, 感覺舒服好多


條心心既裙好得意, 係我至愛既pastel color


似乎未裝修好, 附近仲有銀色圍欄圍住, 唔知幾時先裝修好呢?? 好想佢快d裝修完, 可以去影下相

開始溫書

聽日就有個principle of fashion design既測驗, 本想琴日溫書, 但由於月事太辛苦冇辦法溫, 只好改到今日先溫書....好在今日請左假, 先可以溫到書. 不過全日都溫書唔係我既性格及style, 都係要做下其他野先得


最近見到fb內有隻時裝店的遊戲, 自己可以跟據自己LV去做唔同種類既衣服拎去賣, 搵錢再去改建及裝修自己店舖, 都幾得意架!!


我既店舖叫做k's paradise. 如果自己可以開到間店舖就好


仲有個主題比你幫其他人襯衫, 個人會著住你套衫行catwalk


跟據你襯既衫會有分數及賞金


雖然叫做玩下game, 溫下書, 但總算溫哂所有notes, 只好等聽日既考試. 好想快d考完啊~

九龍灣未準備的布置!?

琴日joejoe係屋企汁屋時, 我係德福行左一陣, 見到好多唔同類型既時裝, 唔知係咪有個時裝展展覽呢?? 雖然未布置好, 但已經好吸引我去睇


雖然衣服款式比較普通, 但個舞台好華麗



今年比較興既bold color, 呢兩隻顏色又襯得幾好睇



出面層layer都幾得意, 但我覺得唔加比較好



惟一一件比較靚既係呢件晚裝



仍然係bold color, 始終唔太鍾意太刺眼既顏色



條裙又幾得意, 而且好誇張



全個舞台既overall都幾靚, 估唔到除左又一城外, 九龍都有呢個咁靚既時裝舞台



另一邊比較田園感覺, 仲有部分化妝品, 都幾特別



好特別既一件外套, 但始終都係bold color



明付其實既彩色蝦條, 好多高級時裝雜誌都有呢個款

同winnie及燕食飯

今日返學之前約左我既兩位好好同學仔winnie及阿燕食飯, 由於我住得比較近九龍灣, 所以我一早去[牛角]先取位, 兩位晏d先去牛角會合


winnie都好快去到牛角, 阿燕要買少少文具比較遲黎, 佢唔舒服, 唔可以同我哋一齊燒肉, 只好同winnie一齊燒吧


上次同joejoe食既牛肩肉, 仍然咁好味~


唔記得左牛既邊個部位, 總之比牛肩肉更多汁, 更好味!!


熟左既三文魚, 雖然少少腥, 但幾滑. 加埋黑椒及salt更好味


未煮好既芝士什菜, 先影張相留念先


煮好左既芝士什菜, 外表雖然唔錯, 但好似仲有少少菜未熟..


香草雞肉, 味道都唔錯, 唔煮太耐, 雞肉都幾滑



毎張枱有個爐, 可以慢慢燒



食完飯之後就返學, miss比左考試範圍後, 竟然只係上左四十五分鐘就放學!? 於是問joejoe出唔出去九龍灣, 佢要汁屋, 所以先返屋企. 點知返到屋企落妝後, joejoe打電話比我, 佢去九龍灣!!?? 點解咁架? 最後都係約左何里活中心行下, 一個鐘頭見面後, 便各自回家

同joejoe去食晚飯

都係唔慨嘆人生住, 過返個開心既星期五先, 姑姐同朋友食飯, 我約左joejoe食飯, 因為我要加班, 要你係旺角等我, 真係好對唔住...


黎到旺角先搵個地方食飯吧, 最後去到家樂商場內一條日本餐廳的街, 應該話只係得幾間日本餐廳位於同一個位置, 最後選擇一間以餃子為主的餐廳食晚飯


好大隻餃子做生招牌, 好得意啊



門外各種食品模型, 做得好精緻. 日本海報也好特別



周圍環境唔算大, 但坐得幾舒服



個人的座位, 好鍾意個水杯



裝可樂及雪碧個水杯好得意啊~



我既餃子餐, 包括主角餃子, 日式叉燒拉麵, 炒飯及沙律



個拉麵睇黎好好味, 但佢係最唔好食食物, 叉燒好硬, 湯底好淡



個餃子都算好味, 都算多肉汁



joejoe份餐都黎啦, 佢個麵及雞肉好好味, 加埋可以點個湯, 都幾特別



雞雞袋又開始為食啦, 睇佢望實餃子就知



連joejoe果份都望住, 雞雞袋果然好為食


食完之後周圍行下, 多謝joejoe介紹新之城既兔仔公仔, d公仔好靚, 勁鍾意兔仔既我又可以影相啦, 復活節萬歲!!


好七彩繽紛, 兔仔都好可愛



傻傻地望住外面, 仲拎位好多食物, 兔仔都好為食



毎隻兔仔都拎住食物, 好鬼可愛



同joejoe行左一陣之後, 自己再去行旺角中心, 見到好多店舖已經關門, 但也可以買到一件lace衫. 睇黎今年會興簿紗長裙及jumpsuit, 整到我都好想要, 但呢兩類衫好難襯及著得靚, 都係hold住唔好買

人生探究 - 港女

琴日人生探究, 今日再黎一個, 就係[港女]一詞. [港女], 對所有香港人來說不陌生, 也是正常女仔最怕被人套以呢個稱號


原來社會歸納港女特質有101種, 因為太多我無打在blog上, 只比條link大家望望, 同樣地也不希望朋友會係啦. 講真我的朋友不多, 但本人覺得佢地質素都不錯, 甚至比我更懂人情世故及成熟

http://hk.knowledge.yahoo.com/question/question?qid=7007051700935


有點我想補充, 她們愛好名牌, 但是否知道毎個牌子背後意念及特色, 各設計師的資料及特質? 我喜歡他們品牌衣服, 首飾, 但我從沒想過擁有. 原因不是自己沒錢, 自己收入不算差, 我覺得不值得, 可能是自己的價值觀吧! 錢不只是個人滿足, 今朝飲酒今朝醉, 錢是改變或提升自己生活條件, 但也是藉以讀書提升個人能力, 應付自己及家人毎日的生活需要 同時也明白, 物質不能為我們帶來心靈上的滿足, 反而令人變得更墮落, 不惜一切得到錢去買名牌. 即使身上舖滿名牌, 但失去品格及修養, 不是真正的快樂, 何必一直追求空虛?


人快樂可以說易, 可以說難, 在乎心內價值觀. 我呢? 覺得可以讀到心目中的時裝設計, 有家人, 朋友及男友, 已經算幸運, 也是一種幸福, 其他人不能搶走, 也不是必然, 所以覺得毎天都開心, 當然可以轉行就更開心. 又或者和重要的人食好味食物, 已經很開心. 開心可以很簡單, 不是嗎??


又如呢碗簡單的麵, 係本人的"杰"作, 煮到比疲憊的姑姐食, 見佢食得開心, 自己都開心, 真係好簡單^^