全家去燒野食

今晚媽咪約左舅父果邊屋企人食飯, 我同姑姐先行街, 但由於時間太迫, 行既時間唔太多, 買野又唔太多, 不過唔緊要啦, 至緊要有得食


開始燒啦, 當然燒我至愛既腸仔先!!


仲有好多食物, 不過好似個亂葬岡一樣..


表演下我既絕技先, 一個人燒四支叉, 睇下幾勁. 不過我就唔願出鏡啦~


後來個火好勁啊, 不停地燒. 兩個大鍚紙包住既係我建議既蒜容西蘭花及什菌, 好期待食佢地


唔好睇呢個西蘭花個樣奇怪, 又幾好食, 好香蒜容味外, 面上仲茶左牛油


呢個勁啊!! 黑到唔知咩黎, 其實我哋屋村附近既燒烤場夠鐘熄燈, 加上呢個燶左既什菌, 大家一樣咁黑..XD


途中燒緊野食, 竟然落起雨黎, 雖然唔係太大, 但都比較麻煩. 我同我妹一齊擔住遮黎燒, 果然夠哂騎呢, 大家有講有笑(除左我舅母及兩個仔女外, 因仔比較活躍, 個女就高傲及靜), 都幾開心既.


但我覺得我個表妹似乎有d溝通問題, 話說燒野食時, 支蜜糖係我度, 佢又唔出聲, 只係打眼色, 好在我都明既. 我表弟比較smart, 話佢做咩唔同人講, 佢話唔知點稱呼我!!?? 我當時呆左囉, 就算唔識, 講句[唔該遞支蜜糖黎]都識掛!? 真係無話可說..

放工後的殺局

呢個殺局唔係真係殺人, 只係最近迷上玩一隻叫做[三國殺]既卡game, 見放復活假之前, 大家可以放工之後輕鬆玩下. 六點幾放工後, 全個會計部包括natalie, anton, ami, tracy及我五人一齊到碼頭搭巴士, 去到poly呢個戰場準備殺戮


去到poly, 有少少懷念, 畢竟讀左三個月既時裝繪圖, 好想再係呢個地方讀落去, 因我感覺不同, 呢度比較有氣氛修讀任何科目, 只可惜仲未有機會. 不過而家係CITA讀, 感覺不太差既.但呢個都係我終極目標, 可以係度讀時裝, 我就真係冇憾


冇幾耐見到sunny, 但佢女友未黎, 大家玩住一局先. 首先影下個戰場先


我哋既卡game戰場及食物, 飲品


我哋玩既卡game, 好多角色功能要記. 但好好玩


玩得咁上下, sunny既女友終於都黎, 我哋玩多一局就去poly既canteen食飯, 可能我哋太晏去, 唔係太多食物選擇, 我同tracy見anton個麵好正, 就根左佢叫, 點知..


碗麵超級spicy, 食到我不停嘖火(!?), d水餃竟然有月餅味?? 果然係碗騎呢既麵, 以後都唔會再食..


poly內既食堂, 都幾大及幾整齊, 唔知有冇機會再黎. 影一下先



結果因為碗麵太spicy, tracy冇咩點食, 去左OK買左燒賣. 之後再去繼續我哋既殺局, 殺到真係唔捨得走. 玩到十一點幾, 先係紅磡搭地鐵, 再搭小巴返屋企. 好累...不過唔緊要, 一連四日既假期開始啦, 超開心!!

又再上堂

今日上另外一堂, 叫做knit wear design, 呢次學針織布料既結構, 之後仲可去workshop織布. 好似幾好玩咁, 阿sir又教得詳細, 而且仲有真實布料睇下, 比琴日果科好好多



可以見到真正既棉花, 只可眼看人勿動



細睇針織物既紗線, 舊野好核突=_="



跟據label列明, 62%係綿, 38%係銅, 布料上見到金銀線就係銅



毎種布料不只由一種物質織成, 有時會有多種物質, 成分資料會係布辦卡上列明



好似呢塊布料咁, 有部分係羊毛, 仲有尼龍及阿加力



仔細睇下可以見到各種織法及針線, 真係好多野學



仲有靚靚布辦, 聽講類似歐洲款式舖排, 果然好pro!!



上堂中見到fashion illustration既阿may同我既朋友coby, coby教左我唔少布料上既知識, 多謝你. 但見唔到我兩位朋友kate既? 唔通佢地唔記得左返學!?

突如其來的計分!?

今日第一日返一科叫做material既東東, 即係布料堂. 本來普通教下書, 阿sir黎個自我介紹都冇咩所謂, 就算認識毎種布料特性, 都冇所謂. 但...點解一開始要我哋燒布料, 睇下布料fibre燃燒快慢, 有冇熔到, 燒既毛頭咩色, 就要我哋分果隻係咩布料, 仲要玩下計分!? 仲要玩埋五人一組, 結果六條fibre, 只係答岩一條, 四分只係得一分, 簡直係挫敗!!

除左呢樣外, 仲有一份報告, 要搵最近五年之內出既布料, 都唔知點搵好....正在苦惱中=_="

同文迪及菜菜聚舊

太耐都冇見過兩位靚女,約左成個月,今日終於可以見到佢地. 今日放工之後盡快趕過去, 結果都遲左一個鐘,真係對唔住兩位.

好在佢地叫左食物, 仲等埋我食, 果然夠老友!! 要你地久等外, 仲要你地幫我影相, 簡直係無限感激~


老友幫我叫既煎魚餅, 加埋沙律醬好好味



仲有超好味既脆薯角, 鍾意食熱氣食物既我覺得超正



仲有文迪叫既軟腳蟹, 又幾好味喎



芝士腸仔串, 好多芝士感覺超正



仲有毎人一碗烏冬, 呢個係我既曼魚烏冬



文迪既蕃茄雞肉(!?)烏冬, 好多蕃茄, 超正



菜菜既撈烏冬. 比較守舊既我都係鍾意湯烏冬多D



菜菜送比我同文迪既禮物, 袋袋及禮物都好靚, 好鍾意個花花袋啊!! 多謝



菜菜及送比我哋既手信. 菜菜好瘦呢!! 完全唔似生BB



食飽飽後, 大家咁耐冇見, 一齊影返張合照先. 首先係文迪及菜菜



我都同菜菜影返張相先, 冇化妝個樣好殘, 好核突



終於搵到人同我哋三個人影合照啦~



見菜菜及文迪之前送野比我, 我都請返佢地食野先. 去零食物語買少少食物, 小小心意



之後大家一齊去許留山食左個全芒果甜品, 好多芒果啊



好好味既芒果奶凍及燉奶, 面既芒果及朱古力都唔錯



仲有呢個芒果雪榚, 好鬼硬, 但好好味



唔少得我至愛既多芒小丸子, 小丸子好彈牙, KS心水推介



呢個芒果亮晶晶, 主角係透明既粉, 滑滑地



仲有呢個芒果撈河, 當然唔係真正河粉, 只係用椰子做既條



仲有呢個芒果糯米滋, 個皮太硬



呢個芒果布甸味道太假,又少芒果肉, 都係姑姐整得好味d


最衰聽日要返工, 唔可以聚太耐. 有d唔捨得, 只好下次再見面啦!! 但下次見面, 唔知係幾時呢??

一家食晚飯

所謂既一家, 呢次只有姑姐及姪仔, 我哋三人去一間叫做[喜喜茶餐廳]食晚飯. 我哋都係第一次去, 聽姑姐話間餐廳好抵, 於是就去試下


餐廳周圍既環境, 唔太鍾意接近茶水間


張椅子背後有個[喜喜]字, 又幾趣緻喎


茶餐廳內既菜牌, 好有香港feel既公仔



好足料既老火湯: 白菜乾豬骨湯, 毎位唔該八元



呢個就係所謂既[大肚婆炒飯], 碟飯送到黎就知道點解係呢個名, 因為好多薑去炒, 同埋送比較清淡



呢個XO醬豬頸肉炒公仔麵都唔錯, 又夠獲氣

終於考試 (Apparel construction)!!

今日到左另一科apparel construction考試, 結果都係差少少溫哂, 就算溫完都唔係太有用, 因內容太多, 都未必記得哂, 最後都係有少少搞亂, 有些又突然唔記得, 如果有七十分都偷笑, 因我拎到七十分, 就可以百分百sure我可以拎distiction, 希望得啦


考完試之後就同joejoe食飯, 本來想聽日先見面, 但因佢要同朋友睇張學友演唱會, 只可以係今晚見面. 同時也要同佢慶祝, 因佢係前幾日係旺角比人搶銀包, 差館最後幫佢搵返, 見佢失而復得咁開心就慶祝, 順便影下貼紙相



食物仲未到, 先同雞雞袋影下相先, 我又蝦雞雞袋啦



joejoe就同我唔同, 佢同雞雞袋正經影返張相先



我既餐湯白湯及蒜容包終於到左



我既芝士白汁菠菜魚柳飯終於到, 芝士唔太燶, 唔太好食



joejoe叫既蕃茄蜜桃焗雞肉飯, 我就覺得呢個比較好味



兩碟送都黎左, 又再次影相先, 先同joejoe影返張相先



等我同雞雞袋及食物影下相先, 好似好大食咁



joejoe送比我既angry bird, 個咀比我哋搞成咁, 好核突



同場加映, angry bird和雞雞袋決戰, 雞雞袋比angry bird咬住, 好慘



食完飯之後, 同joejoe即刻去影貼紙相, 今次同joejoe先夾好pose後再影. 由於我個頭亂到成個顛婆咁.
於是影close up啦. 雖然我唔係靚女..



自己最鍾意呢張, 個樣cool cool地, 又唔太差, 仲要有"sweet love"字樣



最後影到呢張貼紙上出黎, 都幾滿意啊~


考試之後終於可以放鬆, 多謝joejoe同我過呢日, 覺得好開心^^