億元六合彩 + 同姑姐食飯

今日終於放假, 但頑皮既我冇做到功課, 因為比呢個億元六合彩完全吸引, 係屋企食完午飯後, 就去左慈雲山中心既投注站幫joejoe及自己去買六合彩, 發個橫財夢都好




haha~好一個橫財夢呢, 如果一注中左, 你話幾好呢




我同joejoe既六合彩彩票, 仲有我同姑姐夾份買既電腦票




買完票之後再去大家樂食返個下午茶先, 咁豐富既tea都抵. 見到對老夫婦兩人合份食個包, 毎人一杯飲品, 覺得自己原來已經好幸福, 應該珍惜



食完tea之後再返到屋企化妝, 本來想去又一城, 但最後因時間冇去到, 改為去左同姑姐食晚飯及行街, 結果早到半個鐘去旺角, 再去花園街行一陣及同姑姐集合後, 先去沙爹王食晚飯, 之後先再去花園街行街



姑姐都叫左白咖哩豬排, 我哋旁邊好多人客都叫呢個, 睇黎好受歡迎呢!!



呢次雖然話keep fit, 但都叫左呢個小食當晚餐, 係焗芝士蕃茄餃子, 超好味



仲有tracy上次叫既脆蝦條, 實在太好味, 今次再叫多次




估唔到我食小食都可以有少少飽, 之後再去花園街行下, 買左對只係六十元既羅馬涼鞋, 真係超抵, basic款襯咩衫都得. 最後行街只買了對鞋, 上次見貢茶咁好飲, 之後就同姑姐買左貢茶既奶蓋紅茶, 點知...



杯貢茶太過淡, 而且第一次飲到奶及茶味道係完全分開, 可以話咁多杯奶茶之中, 最難飲既一杯



但我都同杯奶蓋紅茶影返張相先, 今日既眼妝似乎唔太好

無聊之作

有個同事去左新加坡出trip, 買左對鞋仔比毎個同事, 見放工之後冇咩做, 就搵我既小型波波雞(因ami實在太鍾意波波雞, 就寄居係佢既座位)著上呢對鞋


見佢著住對鞋仔, 外表同佢幾襯, 個size都岩岩好

布料報告何去何從呢?

星期一果日搵左資料做報告, 但唔sure隻布料係咪最近五年出, 於是放學之後問阿sir, 但阿sir似乎唔太清楚, 唔通隻布料太新!? 又或者阿sir跟本冇留意新聞呢? 佢只比左個叫做Première Vision 既法國布料展覽, 但都冇我想搵隻布料!?

冇辦法啦, 只好盡量再搵資料. 本來想問我哋星期二上堂果科既阿sir, 不過我冇時間send email問佢, 又或者佢跟本唔會答我哋

星期五都請左假, 等星期五先開始做吧!

七千五百萬既夢想

話說最近六合彩有七千五百萬既獎金, 公司內竟然有同事發起全部人夾份買六合彩, 最後有成四十幾人買, 我都係第一次夾份同咁多人買, 雖然最後只係中左二個字, 但都唔緊要, 呢個經驗好難得

和同事放工之後去馬會排隊, 馬會既長龍去到門口外!!?? tracy, anton及我排左三十分鐘到先買到. 自己另外再叫姑姐幫我買多二十元, 但同樣地都係中兩個字. 好在頭獎冇人中, 下次仲有一億, 唔知會唔會再咁多人排隊? 下次係星期五開彩, 自己果日去放假, 可以先去買, 唔使再同人迫

好多人都想中頭獎, 至於自己點解咁想中呢?

1)可以話係因為可以實現成為時裝設計師既夢想, 因有錢做基礎, 我先有錢去讀時裝, 有錢去轉行, 唔使做我一直唔鍾意既會計, 想離開呢間惡夢, 成日加班及部分問題同事既公司

2) 自己都好想買間屋, 同父母, 妹及姑姐幾個一齊住, 有自己既房間, workshop及更衣室, 但無奈香港樓市太貴, 睇黎要成幢house先得囉, 不如返大陸吧!!

3) 可以自由自在周圍去, 或者同朋友或joejoe食盡天下美食, 見盡天下之間所有既人或事, 體驗各種生活

4) 也會全職投資吧!? 咁當然唔會訓身去買, 但都要買少少, 始終銀行息率唔太高...

我既布料報告

month end下星期就殺到, 開始要做份布料功課及搜集, 最後要做份報告出黎, 條件係:

1) 最近五年既新款布料

2) 報告既字體指定用word內既times new roman既size 12

3) 要介紹新布料既特質及用途

4) 自己對布料既意見??


最後終於比我搵到一隻中文叫天絲(tencel@c)既布料, 係隻由自然物質做既一種布料, 唔sure係咪最近既布料, 但見毎個網頁文章既發表時間都係今年二月, 我估係新吧!?


呢種係一隻舒服既布料, 接近人體之餘, 又可以保住人類身體內既水份, 又可以令傷口好返, 所以可月黎做床上用品, 又或者貼身衣服如內衣

呢份功課的確有d難度, 真係唔知點入手, 不過只好盡力去做啦, 話哂係平時分既四十分內佔左二十四分, 點都要頂硬上..最慘既係自己跟本冇接觸過呢隻布料, 又點可以比comment呢? 只好盡力去試

同屋企人飲茶

今日冇同joejoe見面, 都係同屋企人聚下. 本來琴晚返深井, 因為太夜驚冇車返屋企, 所以返左姑姐屋企, 第二日早上先去荃灣飲茶. 好似好耐冇飲茶咁, 一於飲返夠本, 食點心食返夠本



媽至愛既咸水角及煎堆仔, 我唔太like食香口食品, 最後都冇食



仲有潮州粉果, 個皮都幾簿



仲有呢個三餃拚盆, dede食左隻蝦餃, 我就係鮮蝦粉果



當然唔少得淋淋地既金錢肚啦~



仲有呢間茶樓既重點推介: 金錢肚蒸陳村粉, 陳村粉超滑, 金錢肚又入味



仲有屋企人至愛既鳳爪, 不過我就覺得麻麻



仲有我至愛既淨腸粉, 真係滑一滑, 加埋甜鼓油, 好味



爸都記得我鍾意食紅油抄手, 幫我叫左呢個, 多謝你!!



仲有呢個灌湯餃, 都係比父母食啦!!



仲有呢個雞扎, 我只愛食入面舊冬菇



點解鍾意舊冬菇? 睇下舊冬菇即使咬左邊都咁大舊就知



同姑姐係屋企坐左一陣, 之後搭車返姑姐屋企, 途中去貢茶買左兩杯奶蓋紅茶及朱古力, 都幾好飲既.


可惜既係有個九十後既妹妹仔, 找錢唔認得人, 佢其實想找錢比我哋, 但竟然記錯左, 想比個之前已經找左錢既一對情侶, 好在對情侶講返已找左錢, 於是我哋先去認領所找左錢; 後來杯飲品已準備好, 佢又唔幫我哋pack好入袋. 唔怪之得九十後比人話唔用腦, 好白痴, 我而家終於認同, 係完全自我, 唔smart, 唔識待人接物, 雖然話岩岩出黎工作唔太smart, 但冇理由係咁樣...唉...連我都對佢哋完全失望呢!!



我同姑姐買既兩杯飲品, 分別係奶蓋朱古力及奶蓋紅茶



我叫既奶蓋朱古力, 味道太甜, 加上面上鮮奶太creamy, 飲左成杯奶落肚

銅鑼灣fashion walk

成日去幾個地方有d悶, 見銅鑼灣有個fashion walk既地方, 於是走去行下. 見到網上介紹, 又講到有香港設計師開舖, 所以先想去行下, 點知....結果都令人失望, 個商場跟本好細, 好在有間麻布茶房坐下, 總算有個地方休息一下



去到fashion walk, 外面既布置好華麗呢!!



fashion walk內既旁邊布置, 睇黎都唔錯



仲有本地設計師開既店舖, 睇落去都唔錯



仲有比較簡單既店舖, 望落去都幾舒服



仲有好多唔同類型既店舖, 都幾靚, 可惜地方太細, 唔太多店舖



最後決定係商場內既麻布茶坊食晚餐, 食物望落去好吸引呢, 尤其係甜品



餐廳內既manu, 都係以甜品為主, 真係花多眼亂



餐廳內地方, 望落去簡單及舒服



我同joejoe兩人坐既位置, 近欄杆邊, 可以望到周圍



原來joejoe以前有去西歐旅行, 仲要同哥哥係自由行, 去左好多唔同地方, 好開心佢願意同我分享佢既往事



joejoe係法國鏡宮內影既相, 真係好靚呢!! 如果有機會去影相就好~



返黎現實世界先(個心已飛左去西歐相), 黎左個炒野菜, 味道就...不過賣相幾靚既



joejoe拎住炒菜影返張相先, 睇佢一臉認真既樣子



好開心咁笑住黎影, 好似賣廣告(!?)一樣



我叫既牛腩奄列飯, 係餐廳內既招牌菜之一



炒菜及奄列飯影張合照先, 仲有我哋既餐具



黎左joejoe既三文魚骨, 兩碟送加雞雞一齊影相先



我哋兩個就同雞雞一齊影返張相先, 睇下我哋幾開心



原來joejoe之前買左副粗框眼鏡, 先比雞雞帶下先



joejoe帶下副眼鏡先, 個樣都好似幾斯文喎



登登~我都帶住眼鏡啊, 好耐都冇帶住, 感覺有d奇怪



我哋叫既士多啤梨雪榚刨冰, 真係超好味, 賣相又吸引!!



仲有呢個甜品都唔錯, 一次可以食哂咁多款, 但都係雪榚好食d



食飽飽之後再去附近行下, 但店舖唔太多, 最後去左宜家家私行, 總比去高級時裝店舖, 或者百佳仲好吧!?



一間冇間隔既客廳, 不過抺就麻煩囉...



仲有好靚既開放式廚房, 煮完可以即刻食



仲有個七彩繽紛既廚房, 好有designer既感覺



呢間房間以白色為主, 簡單又幾好睇



我夢想既房間, 如果中左六合彩既話, 一定要買返間



行完街街之後一齊搭巴士返屋企, 已經行得好累, 係時候休息下先得~