竟然見到MR??

今日姑姐返公司加班, 唔記得左拎銀包, 於是我去旺角比返個銀包姑姐, 順便去食埋飯



首先黎個前菜菠羅小食, 又幾醒胃



呢杯都算係香苧珍珠奶茶!? 唔係太似咁...



呢個芝士鴨胸天使麵, 雖然只係二十幾元, 又好味, 超抵食



食完飯之後同姑姐行街, 去到旺中附近唱片店舖時, 見到一個貨van停泊在唱片店舖附近, 之後就有人大叫"MR", 仲播住廣告歌, 之後就有五個人係車上出黎, 仲周圍向途人派卡片, 仲有人走去影相. 我都係第一次近距離見到歌手, 都嚇到呆左, 我姑姐叫我走去同佢地影相



見到其中四個, 有個冇出席. 見到有個著花花褲都ok型. 可惜只係影左呢張相, 真係蝕...

人齊又食lunch + 同joejoe食dinner

今日難得各同事都冇放假, 又可以齊人一齊食lunch啦!! 今日食既都係美味廚, 睇黎都係冇咩地方可選擇, 不過大家一齊食飯, 冇所謂



美味廚既餐牌, 毎樣都四十幾元, 好貴..



首先黎個差唔多毎個人都叫既魚香茄子



之後再黎個官保雞丁, 好似好spicy咁..



仲有西湖牛肉羹, 夏天食呢個就最正



健康有益既炒白菜, 白菜又幾鮮甜



呢個魚腐什菌, 清清地又健康, 又好味



最後一碟送終於黎啦, 呢個炸子雞皮又幾脆, 雞肉又幾滑



呢碗菜飯只有一碗, 因全部送係跟餐, 但跟餐如要菜飯毎碗加五元!? 最後只有要白飯, 呢個菜飯係因為大個餐唔夠食, 再叫個細餐先有, 最後tracy擁有



我哋既甜品到左之後, 就全部齊哂, 但呢個絕對唔好食



今日咁岩我同joejoe一齊放早(因我哋成日加班, 好少可以八點之前放工, 最後去左西九龍中心食飯, 我哋又唔想成日食壽司, 最後去一間中式菜館食飯



最後決定去呢間餐廳食飯, 睇落去好似又坐得幾舒服



全間餐廳好多呢類面譜, 我就覺得麻麻地..



我哋兩人既餐具, 隻杯都幾得意



連調味料既餐具都好得意



可能lunch冇得食菜飯, 而家比我食返! 就只有我哋兩個人黎講, 枱面既飯送未免太多吧!?



呢個栗米魚肚羹都幾好味, 魚肚好滑, 成個湯都好鮮甜



呢個唔係普通既咕嚕肉, 而係蜜桃甜酸排骨, 用蜜桃黎整又幾特別



joejoe咁鍾意豆腐, 呢個什菌豆腐煲就岩哂佢



食完全碟送之後, 發覺碟上原來有文字, 又幾別緻喎



食完飯後, 我同joejoe去中心周圍行, 行完街之後各自返屋企. 星期日又可以見面, 真幸福呢!!

繼續knitwear功課

上次畫左knitwear既flat sketch及figure之後, 仲煩緊點scan, 又費時係公司做自己功課, 最後只好去到屋企樓下scan, 之後再用photoshop做



做好個背景, 之後整埋d公仔上去先, 現在努力中



整埋兩件衫落去, 差不多完成啦!!



加埋cable落去, 最後完成左!! 等最後print out出黎就可以交, 鬆一口氣!!

特別多件cake!?

時間過得真快, 又有同事過probation, 真係恭喜佢地, 與此同時, 也有蛋糕食, 呢次係東海堂既蛋糕, 因對我黎講, 美心及聖安娜已經唔好食, 東海堂比較好少少, 我最近鍾意食little mermaid及panash既麵包, 死啦, 越食越咀勺...



去到pantry拎蛋糕, secretary head竟然叫我拎多件!!?? 可以食兩件嗎?? 咁開心, 咁我就唔客氣~



咖啡蛋糕及芒果芝士蛋糕, 我當然鍾意咖啡啦!!



可以食多d就好, 最好除左little mermaid及panash之外, 當然仲有agnes b

布料知識

平時買衫買得多, 成日行街shopping見唔少衫, 原來布料都有好多種唔同織法. 今日上左呢堂布料, 真係令我學左唔少知識



平紋織法指前後兩面都係相同既交叉織法, 係布上見到一個個格仔



呢個係府稠, 影相都唔太覺格仔, 只要近看就見到



貢斜係傾斜織法, 效果比較明顯





呢隻係騎兵斜, 好明顯見到多條斜線



染色布料部分, 首先係普通牛仔布及染色牛仔布, 大家同屬斜紋



普通常見既牛仔布, 只要再洗水, 會變得越來越淺色



仲有染左紅色既牛仔布, 不過都係覺得藍色比較好



仲有其他梭織布類, 如平織既學生布



校服之中常見既學生布, 多用於做夏天校服



仲有多款格仔布, 格仔布都有多種唔同類型, 真係記都記死..



最常見既格仔布: 格倫格仔, 多用於斯文款式



仲有一些比較厚既布料都有唔同織法..


見到呢份notes, 真係頭都大埋, 真係唔知點記好, 於是影下notes, 順便影下堂上既布料做對比, 自己可以明白一下吧

準備功課

今次要交既係一份knitwear design既功課, 而家開始要準備, 首先係畫好件衫及cable先



首先畫好個公仔先, 除左個頭及對眼外, 其他都算ok



之後再畫返個正面既pose, 條裙都係有少少怪..



再準備木顏色, marker及水彩去上色



個背面上左色啦, 感覺都幾滿意



連前面都上左色, 其實用marker部分上錯左色, 但又冇影多一張, 算吧



仲畫左件冷衫既flat sketch



畫好所有野之後, 就要scan到電腦度做, 但屋企又冇scanner, 點做好呢??? 頭痛中....

同joejoe半日遊(下)

上篇講完show, 之後有個以六位香港設計師設計既婚紗及晚裝, 令到睇show都唔夠喉既我, 再次欣賞到唔同種類既時裝



show後大家影張相先, 首先同joejoe影



我又影返張相先, 我個樣好ugly



事不宜遲, 先去到個展覽場地, 其實唔算太大, 大約有十八套衫大家欣賞



個展覽場地既名稱及名牌



場內一共有六個龍, 毎個龍有三套衫, 呢個係婚紗



全場比較鍾意呢條裙, 少有既金魚尾裙



中間仲有個好靚既噴水池



全個場既overall, 雖然只有少少既角落, 但整得好靚



去到展覽場地, 當然唔少得sell婚紗, 攝影套餐既sales, 由於實在太煩, joejoe買左頂女優帽比我, 我先可以遮下個樣唔使比人煩. 直到離開會場, 其中一個內地影師讚我靚, 仲話joejoe有我呢個女友應該光榮. 也可以證明事實: 始終係外表勝於一切. 也可能係有個靚仔男友或靚女女友, 惹來艷羨既目光而覺得光榮吧



終於離開會場, 發覺已經黃昏, 個天色好靚, joejoe也影左幾張相紀念





好難得見到靚既黃昏



好鍾意呢張相既感覺, 如果屋企都有呢個玻璃窗邊就好



joejoe呆呆地望住出面, 佢呢個樣好似以前教攝影既阿sir



晚飯都唔知食咩好, 最後決定去delifrance食飯. 個地方算大, 也坐得舒服, 食物都算唔錯, 賣相都相當吸引



我哋既湯及joejoe既長通粉黎左啦, 仲有部分食物仲未黎



個火腿蕃茄長通粉, 味道比較清淡



仲有我叫既公司三文治, 真係超級好味, 蔬菜新鮮, 雞排又軟又滑, 仲有個汁超正



仲有呢個香滑云呢拿雪榚, 超濃云尼拿味, 而且又夠大個



由於餐廳唔算太多人, 可以影下餐廳周圍既環境



周圍仲有大枱, 方便大堆朋友一齊食, 一齊傾



連拎餐具既櫃都好靚