去到一間叫做銀龍既茶餐廳~可能係香港既特式, 加上全個屋院唔多呢類餐廳, 所以特別受歡迎
影到我媽及姪仔, 姪仔仲好smart咁擰轉面!! 間餐廳都幾靚既, 不過d食物就貴左d=.="
dede等食野既呆樣~好傻好cute啊, 我呢個姑媽又忍唔住影相><
最後都只係叫左碗麵及飲品, 都已經要二十元. 加厚多士要3元, 加雙蛋要4元, 炒蛋5元, 呢間餐廳食野果然貴呢...原本係返公司工作, 點知醫院打電話黎, 話爸爸竟然要洗血!!? 嚇到媽都唔知點算好, 問我應唔應該通知姑姐, 我覺得媽媽多個人陪佢好d, 於是叫左姑姐請假同媽一齊, 而我就係公司湊dede及接其他客既電話. 最後dede玩累, 我又開始累, 貨又遲左交, 不過都有公司好好心, 問我爸而家身體點樣, 但自己又唔想講實情, 惟有一句[OK]就算
佢哋終於返黎, 大家叫左飯分黎食後, 又繼續開工, 做到咁上下, 全家一齊去探爸, 見佢換左血之後情況都麻麻, 依然要插住喉, 可能我從未見過爸咁辛苦, 係我心目中佢係鍾意周圍去釣魚及同人傾計既人, 都未見過佢呢個樣, 自己心內覺得難過, 但又唔知講咩好, 惟有呆呆地企係度望住佢, 幫佢扔垃圾. 後來我妹, 我細佬及弟婦都黎埋, 大家似乎心情唔太好
探完病之後大家餓了, 一齊去食晚飯, 呢日雖然我食得唔太多野, 但都冇胃口, 只係食左粥及腸粉就算...
我既晚餐: 皮蛋碎牛粥及淨腸粉, 雖然有D未飽, 但又唔知點解唔想食....食完飯後再同媽返公司幫手, 工作至差唔多十一點就走, 媽因要趕貨要留係公司度做哂所有野, 辛苦你啦, 媽咪....
同時我也做哂我爸平時係公司做既所有野, 包括聽客人電話, 送貨及取貨, 開單, 收錢, 同時也幫我媽手切O麥, 先知爸以前係幾咁辛苦. 同時也係工作之中學識做生意原來咁辛苦及難, 但仍然樂在其中, 可能係搵既錢係我哋既特別緊張及關心吧, 同時也唔使係出面受埋D變態女人既氣; 同埋呢間公司係父母不停地努力工作養大我哋三個, 佢哋曾經付出唔少心血及努力, 所以我也希望可學識點做生意, 有機會既話繼承佢哋呢間公司!!!
希望妳爸爸好快無事啦~:)唔好太擔心,唔知你仲有無時間出黎呢~?出黎傾下計抒發下~:)
回覆刪除bb突然發生既巨變之前我都感同身受啊, 因為之前爸爸又係心臟病發入咗院, 我地全家人係醫院都好焦急, 好彩之後都無事, 不過當時心情及無助到現在都櫪櫪在目, 而bb今次既表現同埋情緒既處理真係做得好好啊, 起碼第一時間以積極既態度幫屋企人睇住公司先, 真係抵讚啊, 之後bb及你爸爸都要振作同埋加油呀, 好多朋友都支持你的!
回覆刪除文迪: 多謝你^^
回覆刪除而家心情已經好返好多,我都冇野做,一定有機會見面既,睇下第時大家邊日得閒啦~
joejoe: 呢次已經係第三次見到親人患絕症, 真係唔成熟都唔得啦,希望之後唔會再有
回覆刪除你見到你爸爸有病及過去既經歷時都應該好痛苦吧,最衰果陣我未認識你,唔係一定會同你一齊渡過,可以分享所有既悲哀,你都唔會太痛苦吧!!
可以認識到你係我既幸運,覺得自己有人鍚,好幸福,毎個女人都只係希望可以有個對自己好既男人吧?而家終於搵到,多謝你係我傷痛時係我身邊,即使係傷心既事也變得美好^^