休息一天

琴晚返左深井食飯及住兩三日, 毎晚都有冷氣涼, 勁舒服呢!! 可能大家覺得訓覺涼冷氣冇咩大不了,但我姑姐屋企唔會開, 只有我六叔可以涼, 仲要係唔使交電費都得, 而我比五百元先可涼半個月, 真係極之唔公平, 就係因為佢係業主, 以前屋企人縱慣佢=.="



又唔願意出街既情況之下, 只好係屋企打機, 仲要係玩返十幾年前既PS(play station), 估唔到相隔多年都仲可玩到, 就連save都係度, 邊個話舊野冇好野, 可能分分鐘都比新既好

呢隻也係十幾年前既game, 都係簡簡單單, 拯救世界樹之旅~

以前好白痴咁話粉紅色頭髮既其中一位女主角就係我...XD




呢幕係粉紅色頭髮既女主角係船上飲醉酒胡言亂語既故事, 話[男主角, 不要...]唔知係咩呢??


本來係唔去街, 但早上衰左講句下午去街行下, 令到我姑姐都想行, 於是同佢去荃灣行下, 好在一樣野都冇買, 冇計啦, 慳錢麻!! 見到有個女仔同父母影相, 見到有個布置都幾可愛

就係見到個女仔係個龍門度影相先至發現到呢個龍門, 又幾搞鬼喎

後面仲有一連串既明星!? 仲有隻亞凡達, 勁得意!!

臨訓之前影既一張相, 睇姪仔擺埋公仔落件衫度, 仲要岸居居咁望住鏡頭, 勁好笑^^