始終都係加班

一時又加班, 一時又要忙功課, 全部工作都完全分開, 十足十電視連續劇, 都唔知幾時先完...


今晚tracy返工, 未完的工作如開票, 入機, bank rec, schedule等等全部由我做, 自己開始覺得唔公平, 我同佢同樣返學, 但點解佢既時間比我多, 多d時間溫書及做功課, 仲可以拎到A及B; 而我就永遠冇時間, 連成績係點都係未知數, 可能不太理想..


大家去大家樂食飯, 本來想試佢新出既紙上燒, 但邊有咁好心情, 最後食左個燉湯套餐仲好


一個即叩即炒小菜, 西蘭花炒石班魚, 同埋有白飯及燉湯, 都幾好味


個燉湯係足絲雞燉紅棗, 都幾好飲, 仲可以食到雞, 果然係足料炮製~


今晚都係一點走, 臨訓前做好份功課, 要成兩點幾先訓, 點解我咁苦命架?? 如果tracy唔使返學, 幫我做下都好啊..

而且有個壞消息, natalie, ami及anton因為等HR既文件, 等到成夜晚四點幾先走, 簡直係創先河, 不過呢種先河, 就唔係毎個人想創, 大家都覺得無奈..