荃灣嘉力工業中心 @ 見工 (5)

等左成個星期, 終於有工可以見. 之前見果d都冇哂2nd in及返工, 睇黎都係冇架啦, 惟有過住見工既日子, 今日都好好彩, 可以係荃灣度見工!!

琴晚8點幾到send左cv去搵工, 其中有間叫做安迪工程既, 佢係8點半到竟然叫我聽日去見工!? 咁夜都仲有人打電話比我??? 睇黎呢間公司都幾忙喎, 不過冇計啦, 香港d公司多數都係咁. 不過最驚訝既係....間公司竟然同我妹返工地點係同一幢大廈, 只係佢係A座, 我係B座, 估唔到真係岩成咁????? 如果呢間公司請我就好, 咁咪可以同佢一齊返工...XD




呢次見工既大廈, 叫做嘉力工業中心, 距離地鐵站都幾遠下, 係愉景新城對面, 行大約十五分鐘到啦~




呢座就係我見工既B座~我妹就係後面果座, 同佢真係幾近...xd




工廠大廈內既lift口, 估唔到都幾靚仔喎, 裝修都唔係太差既...XD




終於到左見工果層既七樓, 同下面lift口差好遠呢....比較簡陋的說=.="




就係呢間公司啦!! 係一間工程公司黎既, 呢間公司要返五日半, 而且冇雙糧, 只有花紅, 不過係度做都唔錯既, 起碼係荃灣, 可以慳返車錢既~

見完工之後返屋企打掃, 我屋企太耐冇清潔過, 實在太亂呢!! 但懶惰既我做做下家務訓左, 一起身已經係六點到, 要出去探爸爸, 仲有部分家務呢....都係下星期先做吧!! 星期六要去影相, 星期日陪joejoe及比佢影, 唔得閒呢!!

探完爸之後全家去左一間叫銀龍既茶餐廳, 大家有留意我個blog既話, 即係我公司附近果間, 係荃灣都有分店的, 不過食物就好貴, 要四十幾元個晚餐, 結果五人只叫左四份餐, 至於味道呢~都OK好味既...




呢個係前菜~個汁又酸又spicy, 都醒胃既!! 仲有果兩片青瓜及蕃茄, 覺得好新鮮, 超正!!




我既雞排及薯條呢!! 薯條好好味, 雞排又軟又滑, 分量唔太多, 岩岩好食哂!!

返到屋企決定好聽日及後日既私影地點呢~星期六同一個叫victor影師及佢另一位朋友去南生圍影相; 星期日本來同joejoe去南Y島, 但因joejoe要同屋企人早上去拜山, 改左去尖沙咀既訊號山公園, 兩個地方都好靚呢!! 不容錯過^^

生活雜記(2)

唉呀, 今日冇咩事發生, 都係打生活離記, 冇工返既日子果然係無聊至極, 好想快d返工, 好想買多d靚衫去私影, 好想買多d化妝品, 好想比多d家用屋企, 唉...總之咩都係錢, shit!!

1) 我爸爸終於願意做手術, 係夜晚九點到做左啦!! 希望可以控制下爸爸既病情, 佢唔使咁辛苦啦><

2) 原來酸梅患左流感, 而服特敏福, 而家係屋企休息緊, 仲要定期去睇醫生, 真係可憐呢...希望佢快D好返, 第時可以再一齊食黎食飯!!

3) 真係禍不單行, 呢頭酸梅患感冒, 果頭菜菜又整親手指及碌親; 文迪又冇工做, 我哋呢班fd做咩啊?? 呢個月咁鬼黑都有, 希望快d到五月, 好運自然來, 大家都可以開心d吧?

4) 我既私影日子又返黎啦!! 5月及6月都有私影, 睇黎我都幾忙, 要忙住準備衫, 不過要慳住錢先得啦, 惟有玩下mix & match, 唔好咁易比人見到係同一款衫吧!!

5) 見到有個港女叫做kibe既, 竟然咩都賣比人, 唔係什麼名牌, 只係佢做所謂model著過既衫, 屋企既用品, 什至連四元既橡筋, 二十二元既內衣咩都有, 由四元到百幾元, 真係比佢嚇親, 都唔知好嬲定好笑=.="

個網址就費時po啦, 好友應該已經收到我fb內既inbox, 總之比人感覺好可怕, 連四元都貪!? 而家d女仔唔係咁貪錢及咁cheap啊? 仲要覺得自己好靚女, 好鬼嘔心, 真係想死=.="

生活雜記

首先多謝幾位好友, 係我而家低潮時安慰及關心我, 分別係我bf joejoe, 文迪及酸梅:

joejoe: 驚我冇工作之後毎日都悶, 係返工時間及放工特登打電話比我; 因擔心我而訓唔著. 比以前更加更加鍚我(之前都錫, 但而家更鍚...XD) 我都唔想佢擔心呢!! 希望我哋可以見面既時間更多^^

文迪: 原來佢有個朋友同我爸既情況一樣, 多謝佢安慰及支持我, 仲比關於我爸爸呢個病既資料比我, 同埋想約我食飯傾下計, 我都希望可以同你, 以及菜菜傾, 好耐冇聚過><

酸梅: 雖然只有一句take care, 但都好有心, 多謝你^^ 好啦, 講返今日既生活先, 其實都冇咩大事發生, 毎日都健康及平安吧!? 早上仲食左個豐富既早餐, 真係好好味呢!!




烤得岩岩好既牛油多士, 加上至愛既腸仔及餐肉, 見到全份早餐完全醒哂^^




仲有呢碗勁好味既米線~我把剛才果碟腸仔及餐肉倒埋落去食!! 可能係我騎呢既飲食習慣吧!?

食完早餐之後幫爸去交卡數, 首先去DBS, 因爸冇左張compass visa, 只有八達通信用卡, 跟本交唔到款, 排左兩次都交唔到款, 真係激死我!! 第二次去DBS時先發覺自己隻腳"選"左, 都幾痛下, 又冇工做, 覺得都幾悲哀><

仲有去左恒生交卡數, 加上去郵局交埋差向, 點知比姪仔途中見到及追住我(因我自己交款, 媽及姪仔先返公司), 但我聽緊歌唔知道, 最後我媽打電話先知道佢地原來係我後面=.=".....最後到交我哋公司既管理費, 呢個交費任務都叫完成吧!?

最後要幫媽媽拎送返屋企煮飯, 因冇村巴班次而搭左小巴, 拎住一大袋送, 自己都幾似師奶囉, that's great!! XD




港女自拍及好casual既樣子, 有d似師奶, 但都幾有放假feel, 如果有錢既話, 毎日都係咁既生活都唔錯!!

滿載心意的重花藍~

原來屋企既支出真係幾大呢!! 佢自己原來已經有幾張信用卡外, 而且仲有水電媒, 差向, 管理費等等, 我要拎支票簿, 公司印, 單據去醫院比爸開票, 媽媽唔知爸用咩票簿, 比錯左票簿比爸, 而我也要再搭車拎多次比佢, 爸開完票後要幫佢交屋企管理費><

交完管理費先去食下午茶, 都唔知食咩好, 不過自己一個人, 就食咩都冇所謂, 最後去左吉野家食野!!




位於地鐵對出既一間吉野家, 估唔到下午時間都幾多人食, 可能係食物夠平掛!?




都冇咩胃口食野, 只係食細煎雞米粉, 估唔到都幾好食喎!! 而且只係16元, 抵!!




雖然只係幾元, 而且分量也好少, 但擺得幾靚呢!! 細煎雞果然係最好味^^

直到六點幾, 大家又去探爸爸, 係毎日必需做既事項黎!! 我同媽媽及姪仔去醫院時, 撞到認爸及媽既幾個釣魚朋友, 加上已經有三個釣魚兄弟朋友已經到左醫院探佢, 睇黎爸爸都有五個好朋友, 知道咩叫患難見真情呢!! 人世間就缺乏呢點愛, 冷冰冰既世界仲有呢點溫暖!! 佢哋五人送黎既果藍都好有份量, 真係好重, 佢哋果然有心呢!!



第一次見到好大好靚既果藍呢!! 包裝得好靚, 不過真係好重, 都有幾斤吧?




近影仲可以見到好多款唔同既生果, 真係唔知道食邊款好, 不過有款一早已經食哂, 真係紅色既天桃><




花藍外既粉紅色假花~~ 雖然係假花, 不過做得真係好靚啊!! 花下既黃色絲帶都好襯!




花藍旁邊既布置呢~見佢整得好靚, 又紗又花絲帶真係好靚, 等我又影底先..XD




再影近D層紗先~原來旁邊仲有金銀邊, 真係好靚呢!!




好大個青平果啊!! 唔知好唔好味呢??><




仲有我like既其中一樣生果, 就係呢個火龍果, 如果果肉sweet, 用匙畢黎食仲好食啊!!




仲有呢盒最貴既生果, 就係韓國既士多啤梨, 其中一盒比左二叔佢地, 唔知會唔會咁sweet呢??




仲有好多好多生果啊, 都唔知食唔食得哂呢?? 姪仔至愛既係紅色珍珠, 成日搶住黎食~

全家去見醫生?

係見醫生前先去大快活食早餐及等我細佬係屋企黎荃灣, 之後先一齊去見, 了解我爸爸既病情及治療方法~




我叫左個煎蛋, 吉列魚柳!! 吉列魚柳仲要有檸檬汁整落去及沙律醬, 使唔使食到咁高級啊???加三元多個雪菜肉絲米, 都幾好食既, 不過就貴左d><




近睇個蛋煎得幾靚架!! 而且仲係半生熟, 我至愛食~加上個魚柳又煎得靚及面上既檸檬, 都幾好睇既!!


今早同我姑姐, 媽媽及細佬四人去聽醫生既報告, 情況似乎唔係太樂觀, 話我爸既腎功能只有6%至7%的功能, 即係唔可以正常去排出身體內既毒素, 使毒素聚積係體內, 普通成年男人只係55-100度, 我爸竟然有二千度!!!? 最近留係醫院內洗血先好d, 已降至千二度, 都仲係好高...睇黎只有一條路可以行, 就係做一個腹膜透析既手術, 也俗稱[洗肚]

即係[大 部 份 腎 衰 竭 患 者 都 適 合 接 受 家 居 腹 膜 透 析 。 而 末 期 患 者 會 接 受 一 項 小 手 術 ， 把 軟 導 管 植 入 腹 腔 內 ， 用 作 注 入 透 析 液 ， 把 體 內 多 餘 的 水 份 和 廢 物 由 腹 膜 滲 透 到 透 析 液 中 ， 然 後 經 由 導 管 放 出 體 外 。

末 期 腎 衰 竭 患 者 可 自 行 於 家 中 家 居 腹 膜 透 析 (CAPD)洗 肚 ， 每 日 進 行 3-5次 換 水 程 序 ， 於 透 析 液 停 留 在 腹 腔 內 的 時 候 ， 患 者 可 繼 續 日 常 生 活 如 上 班 、 上 課 或 料 理 家 務 等 。 如 果 遵 從 醫 護 人 員 的 指 示 進 行 洗 肚 ， 併 發 症 必 會 減 少

係一個好漫長及serious既一個手術, 我哋要陪同爸爸行呢段路, 大家都好唔開心, 尤其係媽媽, 佢係電話度同朋友傾電話時都哭左出黎, 係房內既我冇出到房間, 只係聽到佢哭, 有感而發既我係fb內打左句自覺渺小既說話, 唔係我胡思亂想, 而係覺得自己到呢個關頭咩都幫唔到, 覺得自己好渺小.....

至於爸爸當然接受唔到, 因佢親自經歷過麻麻洗肚時既痛苦, 知道係條漫長及辛苦既路, 同埋一直期待住有人捐腎比自己, 但最後可能會希望落空, 等待死亡的降臨, 果種痛苦唔係一般人都可承受到, 長期既身體及精神傷害難以估計, 加上佢自己咁後生就有呢個病, 我麻麻起碼要到六十幾先有, 所以到而家, 爸爸明知只有呢條路, 但又唔願意行既原因

聽完醫生講解後, 爸爸去左洗血, 係病房仲未出黎, 於是我哋一家人先去附近既德華公園同姪仔玩一陣, 再之後我就同姑姐走先, 因為姑姐只請了三個鐘頭假, 而我就要返公司拎貨比個客人, 一陣再去搵返媽咪及姪仔佢地!!




我細佬及姪仔係度玩~兩個都係大細路, 雖然玩得幾顛, 但都幾開心既^^




毎次姪仔都會傻傻咁望住你, 佢好似唔知咩事個無姑樣, 都唔知好嬲定好笑=.="


廣華醫院之中既探病既手術室及走廊~由於毎日只有六點至八點呢段時間先可探病, 平時都幾多人架!!


雖然毎個人都苦著臉, 但只要見到姪仔既可愛笑容, 也會露出一些笑容, 於是我都影下佢既相, 比大家開心下先^^




好難得捕捉到佢食野既一面!!! 睇黎姪仔食野加望住我影相個樣幾串啊=.="




食完野之後當然要飲水啦~睇佢飲水個樣都幾乖及幾定既^^




聽講影可愛既人影得可愛D既話, 只要係高角度影落去, 即係影師所謂既[高抄]既話就得, 估唔到真係work喎!!



始終男仔都係百厭, 尤其係男仔呢!! 食完野後大吵大鬧, 之後又亂搞野, 細路仔果然係惡搞呢!! 真係唔想生小孩=.="

探完病之後大家都返屋企休息下, 呢段時間要辛苦媽媽及姑姐啦!! 不過最辛苦既都係病房內既爸爸! 爸爸要加油啊!! 希望佢可以見到我結婚生仔既一日....

同joejoe 去川龍

話說川龍既點心及茶係超好味既, 之前同我屋企人去過, 所以呢次想介紹比joejoe食, 於是我哋約左一點半係荃灣等

joejoe原來都同屋企人飲茶, 總之唔搵joejoe去啦, 佢只係食左一碟點心就即刻過黎, 真係可憐啦, 都鄧joejoe心痛!! 雖然joejoe遲少少, 不過都冇所謂, 之後就一齊搭小巴上川龍~



同joejoe係小巴上影相, 我既自拍技術都唔錯吧!!? 同joejoe 好sweet sweet 中...XD




終於去到川龍啦!! 裝修唔係太靚, 但食物真係好好味!! 而且黎呢度也唔會太麻煩~



呢次終於可以去店舖內食野, 美中不足既係近針茶地方, 太多人行黎行去唔太好=.="




牆上既餐牌~好耐都冇見過呢, 果然係有傳統既酒樓!!




果度實在太多人拎野食啦!!! 比上午仲要多, 最後可以拎既食物唔太多, 呢個係排骨, 都ok好味啦...




joejoe拎左呢個鳳爪排骨飯, 我唔食鳳爪, 好在joejoe幫我食, 太好了~~




好耐冇見既大食詩再次出現!!! 咁當然係做樣啦, 而家細食好多啦!! ....自從私影以黎, 好耐未影過呢d搞笑相, 感覺超正!!




joejoe個樣都係超可愛, 而且都幾搞笑!! 死啦, joejoe同我顛埋一份, 呢次真係[oh my god]!!




飲完茶之後到川龍周圍行下, 係另一間茶樓既下面, 有一塊菜田. 呢個係乾涸既小河



少見既菜田~所以係果度買菜都幾貴, 要成幾十元斤; 而係酒樓食埋仲貴, 好似要成50幾元




之後到一個叫做[城門引水道]既地方, 其實係一條山路, 見到風景咁靚, 除左影景外, 當然要私影啦!!




太耐冇擺過pose, 好似又再生硬返, 同埋pose唔太多....只係冇影兩個月o者, 點解咁架!!??




行左好耐依然都係于回曲折既山路呢!! 對於少行山既我已經行個半死, 加油啊!!




而且仲有分叉路!!?? 點算好啊~~joejoe!! 睇黎都要試下行先得啦, 總有一條岩吧!?




好在行行下有個涼亭, 可以休息一下啦!! 行咁多路好累呢....(自己果然冇用=.=")




路旁仲有一大片樹林, 好有古裝片既追殺feel!! 不過都係幻想下好啦, 唔好真係係度拍破壞風景啊!!




之後行到一條山路, 唔好以為佢只係普通既山路, 其實到處都長滿野菊花, 都幾靚架!! joejoe可以拎部單鏡相機同我影相啦, 好耐冇試過呢!!




就係呢D白色小菊花啦, 細細朵, 加上周圍既綠葉, 感覺好清好靚啊!!




joejoe叫我先訓係樓梯度影返張先~感覺唔錯, 但後來發覺著左條踏腳褲冇咁好睇, 於是除左黎影, 果然係大膽><



有太陽影相果然係靚好多!! 呢次終於可以影到啦, 加上joejoe既攝影技術, 影得好靚!!




我個人就至like呢張, 個pose同個景都算夾吧!? 覺得呢個比較少女及斯文少少~




個人覺得呢張相既意境唔錯架!! 但比較sexy少少, 露出大脾啦><




呢張相冇show係fb或fotop度, 因我覺得自己麻麻地, 都po係呢度比大家睇下啦!!

本來我哋沿住山路一直行, 行到有個療屋區時, 見到有隻狗吠外, 仲追住我同joejoe, 嚇到我不停地走, 同joejoe返回頭先經過既路, 我都仲驚緊呢!! 睇黎我真係好怕狗. 之後我哋兩個就再冇一直行前去, 而且仲開始返回起點

呢個環境冇咩人, 幾清丘既, 不過就多左d狗, 同埋墳墓囉....環境就算唔錯啦!! 最後我哋搭返車返荃灣, 而且仲同joejoe飲左杯布甸奶茶, 只係九元, 而且仲大大杯, 勁抵飲!!




間店舖及我哋既兩杯布甸奶茶啦!! 都幾大杯, 而且仲好有心思, 用飲管黎分男及女..XD




兩杯布甸奶茶都黎個close up先!! 黃色果個就係雞蛋布甸啦, 好香雞蛋味, 超正!! 不過奶茶方面就sweet左d><



我同joejoe都拎住杯布甸奶茶飲下先~杯奶茶本身已經好sweet, 加埋我哋兩個, 超sweet!!

之後我要去醫院探我爸了, 唔可以同你一齊食飯, 唔好意思呢!! 多謝你安慰呢個傷心既我, 也永遠係我身邊支持我及替我擔心, 果然係抵錫男友, kiss>3<