同屋企人慶祝

終於出左花紅, 仲知道自己加左人工(雖然唔太多), 但都好過冇. 一直都冇機會同屋企人食餐好, 呢次終於有機會!!


琴日父母幫我預約左半圍酒席, 雖然唔太貴, 但都起碼可以同佢地食餐比較好既. 加上今日放假, 可以同屋企人一齊去食飯, 姑姐及妹準備到達, 只有細佬及弟婦遲到, 等埋佢地之後, 酒席就開始!!



首先黎個前菜, 呢個沙律好好味, 紫椰菜及吞拿魚, 加埋都幾好食



鼓油雞都幾滑, 而且好入味, 唔錯!!



炸軟腳蟹及蝦片, 自己唔太鍾意軟腳蟹, 交比其他人食吧!!



有粟米既白飯!? 咁大個女都係第一次見



椰菜炒蝦球, 個蝦球好爽, 好彈牙



當然唔少得呢個主角既魚翅啦, 雖然翅既份量唔太多



清蒸石班魚, 都蒸得幾滑



什菌冬瓜盎, 個冬瓜超苦超難食



呢個鮑片都幾好味



再另外叫多半隻雞, 味道算唔錯



呢個炒飯就....我都冇食過, 唔知道咩味道



呢個炸雲吞連埋湯一齊食, 味道算可以



好好味既壽包, 好想再買包包返屋企蒸



呢個薑汁撞奶就....味道真係好淡, no good



見張枱都幾靚, 再影返張相先


食完飯之後, 大家各散東西. 我返到姑姐屋企有另一個煩惱, 就係我既fashion design功課, 咩都未準備, 真係唔知點算