今朝一早同屋企人飲茶, 自己終於可以早起身!? 實在難得!! 去地鐵站附近既一間酒樓飲茶, 好耐冇飲呢~呢次要食返夠本先得!!
位於荃灣地鐵站既一間酒樓, 只係行五分鐘到就到, 勁方便!!
好古色古香既地方, 仲叫做季季紅!? 個名都幾得意喎~
間酒樓一共兩層, 上樓梯之前有座擺設, 仲可以打鼓~
就係呢條長長既樓梯, 天花板仲掛滿好多發光既雀龍!?
好幸運可以坐到房, 茶錢仲同出面一樣, 勁抵, 又飲得舒服!!
天台既燈也好靚, 充滿古典既味道~
不愧係叫做季季紅, 連周圍既牆及椅子都係紅色, 配以白色, 簡單又好睇
餐具都幾簡單, 同個茶壺好似格格不入咁...
細細盎既鳳爪排骨飯~食落去都幾好味既!
呢個炒米粉都叫左兩碟, 佢粉得不太肥膩, 米粉唔太碎, 唔錯!!
仲有呢龍蝦餃, 雖然只係十元, 但真係好足料, 蝦勁大隻!
呢個簡直係我既至愛, 鬆軟既馬拉榚, 仲有唔太sweet, 味道岩岩好!
不過豬潤燒賣就麻麻地, 豬潤太硬, 舊豬肉都仲有少少汁既..
黑椒豬大腸~~味道唔錯, 但始終都係食少d內臟比較好...
上湯鮮足卷, 我都冇食, 都係問返姑姐先知係咩=.="
呢個係四寶飯, 但真係太多送, 好似係六寶飯, 而且仲好好味, 勁抵!!
仲有呢個點心拚盆, 味道就麻麻地, 只係勝在夠抵!
之後約左joejoe去沙田市中心, 見到一個時裝展, 發達啦!!
比呢件紅rose既衫吸引住, 實在太靚啦!!
邊個角度影都係咁靚, 影到唔捨得走啊!!
其他既衫都唔可以忽視, 呢幾件衫係明愛白英奇及理工大學學生既作品
呢件係明愛白英奇學生既作品, 創作意念比較大膽, 係我最like既作品之一
背後仲有一個意思, 就係一對男女, 用帶子繞住雙手, 寓意永不分離~
條裙真係好靚, 好like佢三種顏色既羽毛裙, 逐塊羽毛痴上去都幾考心機
男子既衫, 衣服冇女子咁吸引, 但都幾好睇, 算係唔錯啦!!
呢套係由理工大學學生設計, 冇白英奇咁大膽, 比較平實
都係理工大學學生既作品, 呢套係男裝, 都幾得意既
除左學生既作品外, 仲有其他牌子既設計, 呢個係A.T
又係間條衫!? 而家開始興返間條衫嗎??
仲有其他牌子, 同樣以簡單及成熟, 同埋黑白色為主
呢件都好似唔錯咁, 但對我黎講呢個款太成熟嗎??
呢件deep v加埋黑超都幾型喎!!
另一件蛇紋都唔錯咁, 但襯草帽會唔會有少少奇怪呢??
時裝展唔太大, 好快就睇完, 之後去宜家家私, 但去之前見到一個[奇幻3D大宅], 咁就去睇下~
一入到門口有兩隻立體老虎, 好多人都係度影相, 但我冇化妝, 所以只係影景算
一入到房間內, 見到一個以黑白為主既飯廳, 已經眼花花@@
之後去左一間全部都係綠色既房間, 呢個係牆上布置
仲有一張綠色既梳化, 好硬, 坐得唔舒服><
呢張全部用rose做既枱及椅子先靚, 加上隻兔仔, 好有愛麗斯夢遊仙景既感覺~
呢個立體海洋及沙魚浴室至架勢, 如果有呢個浴室, 大家敢仲涼嗎??
去完浴室之後就去睡房, 都以白色為主, 加上擺設好有少女味道
去到一個比較靚既花園, 仲有一隻突出既鹿仔, 好似冇咩關係咁既
仲有一個以藍天白雲為主既地方, 加上地上既一隻雀鳥, 有自由自在既感覺
屋子唔係太大, 終於睇完了, 見到呢個布景好想影, 也見到好多人擺好多得意既pose去影
同joejoe終於去到宜家家私, 其實我都唔知果度可唔可以影相, 但見到呢間房實在太靚, 忍唔住影底佢!!
張枱好少女呢!! 係玻璃鏡之中見到我同joejoe既影子...XD
仲有呢個座枱既煮飯枱, 只係玩具都咁靚!? 要成七百幾元一台, 果然利害!! 我都好想要~
仲有呢個布做既各種蔬菜, 真係好D似, 加上軟綿綿, 感覺一流!
仲有呢個公仔既菜刀及送菜, 齊齊整三文治啦!!
仲有呢D都係煮飯仔!? 用滋黎做架喎, 唔怕打破嗎??
本來想食餐豐富少少, 但自己唔知點解行行下唔太舒服, 最後只係食左呢個雪榚PUFF..
買完個芝士蛋糕之後返左屋企, 唔可以同joejoe行咁耐, 而且仲要佢擔心, 對唔住呢!! 係屋企訓左兩個鐘頭先至好返, 結果呢晚難免訓唔著, 真慘><
