爸爸出院了 + 小小影師DEDE

今早突然收到爸既電話, 話佢即將出院呢!! 爸係醫院住左成兩個星期, 一直辛苦佢了!! 我同媽於是約好去醫院等

估唔到我同媽都幾夾, 一齊到醫院門口, 都係我媽大聲叫我先知佢係對面馬路, 而且仲收到爸既電話, 佢叫我哋食埋飯先去搵佢, 我哋食完飯後就接爸出院~

唔想我父母咁辛苦, 於是叫佢地先搭的士回家, 我就排隊拎藥, 但其實唔使排隊, 一上到藥房就已經可以拎藥, 緦之都跟佢地地的士啦!! 最後幫爸拎左八包藥, 毎包都好大呢!! 見到都鄧爸爸辛苦, 你要加油啊!! 只要完成你手頭上既工作, 就可返大陸換腎, 呢次真係要多謝文迪電郵比我既資料呢, 真係有用!!

仲有父母既朋友黎探我爸爸, 加上樓下管理員同我講我父母已經返到屋企, 仲見我代佢問候爸爸, 果然係人間還有情^^

好啦, 講返D比較輕鬆既話題先, 就係~我姪仔dede竟然係個小小影師!? 事緣琴日係醫院度, dede百厭, 於是我就比部相機佢玩, 估唔到教佢影相之後, 佢竟然識影!!? 而且有部分相都幾好咁, 兩歲既小朋友, 果然唔可以睇少呢!!




呢次既model係我細佬, dede既爸爸, 其實dede係影到爸爸既樣, 唔知佢願唔願意出鏡比人睇, 都係po冇佢樣既相出黎算吧!! 影普通相都對到焦, 構圖都算ok吧?? 仲有色溫都ok!!




呢個係咪玩景深呢?? 可能係手震吧!? 都好似唔錯喎, blur得黎又可見到我弟, 利害!!




連藝術相都難唔到佢, 佢用手指遮住鏡頭, 但都仲可見到人, 都幾叻仔喎~




呢張係咩相? 桀左見到手指黑影外, 也可見到地下既綠色字呢~感覺都幾得意~

其實細路仔影相實在唔出奇, 有時係街上, 商場上及海洋公園, 已經見到仔女幫父母拍照, 父母仲叫佢哋影靚d, 我走去小朋友後面睇, 見到佢地真係影得OK架!! 話唔埋係影相之中, 知道小朋友既長短處, 構圖表示佢地既藝術天分; 拍攝技巧及方法如光圈, 焦距...運用得好, 表示佢地有攝影天分, 一早發現及可栽陪佢地, 話唔埋佢地會有成就, 就如有數學, 音樂, 語言天分一樣, 多d比佢地接觸, 發掘佢地既天分及才能, 對佢地既發展會更好呢!!