食餅睇人生

今日係Ami, Anton及May過左試用期, 請食蛋糕既日子, 兩位高層請既蛋糕當然係貴野, 就係cova, 即係三十幾元, 自己唔係太願意買果隻. 本來我都好期待, 但secretary head既安排令我好失望



本來佢先安排佢地三位簡餅先, 係絕對冇問題, 之後比finance team簡, 但都冇比我簡, 之後比其他部門及各部門既阿頭簡, 最後先到我, 我仲要係冇得簡果隻, 佢只係隨手比我果隻, 都知最後簡剩既當然有幾"好味"啦, 但好唔好食到好, 最後都要影返張相先



件餅個賣相唔差, 太弊在太creamy, 完全冇味, 都唔知係咩味, 食到中間先有少少咖啡蛋糕先叫好味少少..


以前我入職冇耐, 呢位secretary head都對我幾好, 成日同我傾計, 分食物比我時仲比我簡, 但係而家..都話呢個社會世態炎涼, 今日唔知聽日事, 所以我就係討厭大公司, 如果我中左六合彩, 我一定會離開, 仲要即刻遞信果隻