生活雜記

首先多謝幾位好友, 係我而家低潮時安慰及關心我, 分別係我bf joejoe, 文迪及酸梅:

joejoe: 驚我冇工作之後毎日都悶, 係返工時間及放工特登打電話比我; 因擔心我而訓唔著. 比以前更加更加鍚我(之前都錫, 但而家更鍚...XD) 我都唔想佢擔心呢!! 希望我哋可以見面既時間更多^^

文迪: 原來佢有個朋友同我爸既情況一樣, 多謝佢安慰及支持我, 仲比關於我爸爸呢個病既資料比我, 同埋想約我食飯傾下計, 我都希望可以同你, 以及菜菜傾, 好耐冇聚過><

酸梅: 雖然只有一句take care, 但都好有心, 多謝你^^ 好啦, 講返今日既生活先, 其實都冇咩大事發生, 毎日都健康及平安吧!? 早上仲食左個豐富既早餐, 真係好好味呢!!




烤得岩岩好既牛油多士, 加上至愛既腸仔及餐肉, 見到全份早餐完全醒哂^^




仲有呢碗勁好味既米線~我把剛才果碟腸仔及餐肉倒埋落去食!! 可能係我騎呢既飲食習慣吧!?

食完早餐之後幫爸去交卡數, 首先去DBS, 因爸冇左張compass visa, 只有八達通信用卡, 跟本交唔到款, 排左兩次都交唔到款, 真係激死我!! 第二次去DBS時先發覺自己隻腳"選"左, 都幾痛下, 又冇工做, 覺得都幾悲哀><

仲有去左恒生交卡數, 加上去郵局交埋差向, 點知比姪仔途中見到及追住我(因我自己交款, 媽及姪仔先返公司), 但我聽緊歌唔知道, 最後我媽打電話先知道佢地原來係我後面=.=".....最後到交我哋公司既管理費, 呢個交費任務都叫完成吧!?

最後要幫媽媽拎送返屋企煮飯, 因冇村巴班次而搭左小巴, 拎住一大袋送, 自己都幾似師奶囉, that's great!! XD




港女自拍及好casual既樣子, 有d似師奶, 但都幾有放假feel, 如果有錢既話, 毎日都係咁既生活都唔錯!!