剪左頭髮

今日下午放假, 最近天氣也比較熱, 頭髮又長又傷, 於是食完lunch之後, 再去姑姐屋企附近剪頭髮, 講真真係好耐冇剪呢, 見留到咁長, 都唔捨得剪



個樣好鬼"薯", 剪左四五吋頭髮, 都好似幾長咁. 因我覺得太短又唔習慣, 中間長度打理會比較煩



剪完頭髮之後係屋企休息下, 之後姑姐返到屋企, 我也幫忙煮飯先. 咁初學者既我當然唔使煮哂全餐飯, 只係煮其中一碟簡單既飯便ok, 呢次挑戰既係豬肉碎蒸豆腐



首先係整碎豆腐, 豆腐可到超市買現成既山水豆腐之類. 之後再倒入豬肉碎



倒入豬肉碎後再撈勺, 平均分布就最好啦! 之後趁飯差唔多煮好時擺入去飯煲內



終於蒸好啦, 好水汪汪咁, 因豆腐出水太勁!! 但豬肉及豆腐都好滑, 就咁撈飯食都一流!!



希望之後會有更多時間煮飯吧!! 最終目標係煮比屋企人, joejoe及朋友食, 咁當然一定要煮得好味啦, 我唔會要你地做白老鼠食埋難食野, 放心^^