全家去燒野食

今晚媽咪約左舅父果邊屋企人食飯, 我同姑姐先行街, 但由於時間太迫, 行既時間唔太多, 買野又唔太多, 不過唔緊要啦, 至緊要有得食


開始燒啦, 當然燒我至愛既腸仔先!!


仲有好多食物, 不過好似個亂葬岡一樣..


表演下我既絕技先, 一個人燒四支叉, 睇下幾勁. 不過我就唔願出鏡啦~


後來個火好勁啊, 不停地燒. 兩個大鍚紙包住既係我建議既蒜容西蘭花及什菌, 好期待食佢地


唔好睇呢個西蘭花個樣奇怪, 又幾好食, 好香蒜容味外, 面上仲茶左牛油


呢個勁啊!! 黑到唔知咩黎, 其實我哋屋村附近既燒烤場夠鐘熄燈, 加上呢個燶左既什菌, 大家一樣咁黑..XD


途中燒緊野食, 竟然落起雨黎, 雖然唔係太大, 但都比較麻煩. 我同我妹一齊擔住遮黎燒, 果然夠哂騎呢, 大家有講有笑(除左我舅母及兩個仔女外, 因仔比較活躍, 個女就高傲及靜), 都幾開心既.


但我覺得我個表妹似乎有d溝通問題, 話說燒野食時, 支蜜糖係我度, 佢又唔出聲, 只係打眼色, 好在我都明既. 我表弟比較smart, 話佢做咩唔同人講, 佢話唔知點稱呼我!!?? 我當時呆左囉, 就算唔識, 講句[唔該遞支蜜糖黎]都識掛!? 真係無話可說..