預祝母親節

聽日先係母親節, 但正日食飯實在太貴, 對於比較貧窮既我, 想請媽媽食飯, 最後都係決定左今日!! 都係就返屋企人去深井既一間泰國菜館食飯吧!!



呢次坐餐廳外邊, 餐廳附近既景色, 不過影到對腳..



我既座位及manu, 簡單既擺設都唔錯



首先黎個酸辣鳳爪, 唔算太spicy, 又冇骨



仲有呢個泰式炒雜菜, 有少少濕, 夏天食都唔錯



仲有呢個蝦餅外脆內軟, 值得一試



我至愛既泰式炒河, 因我個人比較like食濕炒河, 仲有好多菜及菇



仲有爸及媽最愛既邊爐烏頭, 毎次一定叫呢個, d汁好正!!



仲有毎次必叫既菠羅炒飯, 菠羅夠酸, 飯也炒得入味



仲有好脆既烤餅, 今日又可以食到, 好幸福



仲有呢個泰式炒通菜, 都係炒雜菜好味d



香葉包雞, 醬汁唔太酸, 雞也比較"鞋"



食完一餐, 好滿足. 最後都係同妹夾份請媽食. 黎緊個父親節, 又唔知點慶祝好呢?? 睇黎都係食飯多, 但食飯要就返爸呢個病, 都係第時先算啦!!