和同事食盡lunch及dinner

今日下午受legal dept既新黎阿ger janice既邀請, 我哋全個finance dept, sunny, jodie及brenda一齊去飲茶(又係飲茶呢...), 去既仍然係大家鍾意既茶樓, 可惜既係冇大家鍾意食既燉椰皇



先黎個春卷先, 我就冇食啦, 唔知好唔好味呢??




仲有燒乳鴿呢, 不過個人不是太like,都係少食為妙




仲有呢個叉燒腸都唔錯, 個皮幾滑




咁大個何葉飯, 真係有排食




仲有粉果, 如果媽咪見到一定好鍾意食




仲有鮮蝦粉果, 蝦又大隻又彈牙




仲有近排至愛既金錢肚, 唔怪之得咁多人叫啦, 真係好好味




呢個西蘭花味道都唔錯, 好香蒜容味




仲有香口既尤魚穌都係我哋至愛, 毎次飲茶一定叫




飲完茶之後都飽飽地, 但美食仲未完, 星期三請阿head食生日飯, 阿head比左錢natalie買朱古力多謝我哋, 呢d咪叫識做, 果然係我哋既好阿head!!




natalie去Royce買既兩盒朱古力, 睇個樣好正咁




首先要介紹呢盒朱古力先, 係以士多啤梨為主, 仲配合其他水果既朱古力




一打開個盒, 全部都係粉紅色, 對於鍾意粉紅色既我超正




拆開左招紙, 連條朱古力都係粉紅色!? 唔係太甜, 又幾好味




另一盒朱古力, 個樣都好似唔錯




拆開左個盒, 仲見到一袋好似虫虫咁朱古力, 外面係朱古力, 內係脆餅乾




食完朱古力之後. 我哋幾個朋友仔natalie, sunny, anton, sunny, ami及我六人夜晚仲有節目, 就係約好一齊去食韓燒, 等左好耐, 終於比大家等到. 我同佢地行到地鐵站附近, 發覺自己唔記得拎相機, 於是返公司拎, 好在tracy同我一齊去, 果然夠老友, 好感動!! 之後終於去到旺角食韓燒, 大家開始燒野食, 我哋都唔客氣, 起動!!




一黎到全張枱都係美食, 真係令人食指大動




燒緊野食啦, 好肚餓啊, 快D有得食~




仲有任食三文魚, 我同ami都拎左一大碟, 慢慢share黎食, 超正




仲有show time, 係natalie既特門絕技燒魚, 就係用塊肥牛蓋住多春魚黎燒




燒既魚不但味道唔錯, 而且仲唔會焦, 好味




話明食韓燒, 又點少得豬肉及至愛既牛肉




仲有至愛既魚柳及火腿, 但唔知係咪最近細食左而食唔哂




仲有好多曼頭, 原本想拎比佢地食, 點知有人食, 最後只有自己一個食, 我只食左兩個..




越燒越多, 真係食唔哂, 投降啦~




途中阿head打電話比natalie, 點知ami唔小心搭咀, 我哋其他人都唔敢出聲, 下次要小心D, 唔好比阿head知道我哋一齊食野啦