閒記

1) 由於我係間新公司仲未返夠一個月, 所以仲未有人工既自動轉脹, 都係收住支票先~第一次係新公司收人工, 雖然唔係太多, 但都好過冇啦~惟一煩惱既係要比幾錢家用呢?? 都係等過左probation先請人食飯吧!!

2) 知道公司讀書有50% - 100%有津貼, 如果讀會計既話, 津貼返一半學費都好. 但問題係我真係想讀會計嗎?? 時裝設計又唔知收唔收我, 成三個月都仲未有消息, 只係一味延遲截止報名日期, 唔通真係冇人讀?? 仍然處於兩難局面....不過其中一科有得讀都好, 冇錢都係死><..又要重新考慮自己既路!!

3) 最近影師都比較忙, 又或者相機壞左咩都好, 最後個appointment都取消左, 希望佢地下次可以一早通知我><

4) 我既荒野流離常係top rating相簿, 而且長期仲有四分以上, 睇黎要搵真正識影相既人最好!! 同自己影相夾到好難得, 加油!!

去睇daybreakers~

難得又可以見到joejoe, 今日最衰冇帶相機啦, 我唔可以影相....

首先去左尖咀既彩雲軒飲茶, 但呢次既點心賣相及味道都比第一次去差左, 佢既出名點心雪甲燉椰皇唔知做咩鬼, 唔夠熱不特止, 我個椰皇仲有椰穀?? 真係唔係掛? 我星期一食完都冇咁差架, 點解同一個星期可以差成咁呢??

飲完茶之後去左麥當當坐陣, 諗緊之後去咩地方....發覺短短果半年私影, 香港好多出名既地方都已經去過, 只剩下離島, 自然郊野公園及行山徑未行?? 之後同joejoe既目標係行山嗎?? 比我買對波鞋先!

最後都係決定睇daybreakers, 中文翻譯為[2019獵血都市], 估唔到第一套同joejoe去睇既電影就係呢套三級片(因為過份血腥, 冇色情既, 放心), 好在套戲都幾好睇, 而且部分畫面幾靚, 氣氛也做得算唔錯, 不過就有少少血腥><




最初係戲院買票時, 都比呢張海報吸引, 好想睇下呢d係咩黎...點知..都係留返比大家睇...




連彊屍都做得咁迫真, 而且有d畫面更血肉橫飛. 好在有joejoe係我身邊先冇咁驚><


仲有既係男主角超靚仔的說...故事講佢係彊屍, 但唔like吸人血, 希望挽救人類離開彊屍世界, 方法竟然係???

不過都係睇一次就夠呢, 期待下次再去睇戲~

三門仔 @ 私影 with Authur, Stephen & Eddie

今日我哋去三門仔影相, 本來只邀請Authur同我影, 後來佢帶多兩位朋友黎影, 不過唔緊要啦, 反正都係熱鬧, 冇咁悶麻!!


講返三門仔呢個地方先, 其實我都係第一次去, 感覺就似長州及大澳, 都係個漁村, 不過佢既民風比較簡樸, 毎戶都會打開門口, 少有地方用冷氣, 多數人家都有個私人碼頭, 可以駕船周圍去, 我也想有呢類既屋及住係度呢!! 惟一壞處就係果度實在太多蚊><




一入到村已經覺得佢好平靜, 只係有好多車泊係路邊, 睇黎都幾多人去玩~




村口附近既小屋~毎戶真係打開門口架!! 而且設備比較簡單, 有點反樸歸真既味道!




我哋就係附近既小碼頭影相呢~不愧係漁村, 有好多小碼頭, 不過部分係私人, 真係要問下村民先得架!!





周圍都係廢棄物, 而且仲有好多水蟑螂, 都咪話唔得人驚, 不過為左靚相冇辦法!




呢個就係神秘地方 -紫色碼頭, 聽講係用木版封左, 係authur問下可唔可以影先可黎到呢度. 全個碼頭真係紫色, 仲要係淡紫, 超正!!





紫色碼頭既樓梯, 連樓梯都係紫色, 好靚啊!!





周圍既村屋~掛滿好多衫及擺哂椅子, 去比人傾計呢!! 仲偷影兩位影師...XD





第一個影既地方就係呢度, 係個大家休憩既地方, 感覺唔錯!!

第一部分既相終於影完, 著住鬆榚鞋既我行到腳痛, 換返對平底休息下先!! 加上好肚餓, 我哋全部人去食野先, 係食野前, authur有另一位影師朋友Eddie黎左, 計埋佢有四人呢!! 未去食野前見到個漁民既小型博物館, 等我及stephen去睇下先~




就係呢個展覽館, 只係一間房既大小, 但已經有好多漁民生活資料呢~




漁民住既房屋呢!! 特別起高左一層, 可能係怕水浸到房屋吧!




漁民用既足藍~睇佢地都有心機織, 都幾靚咁喎~




連洗面盆, 牙膏, 牙刷及漱口杯都有, 果然利害啊~



差d唔記得左影底個村牌~有到此一遊既感覺...XD

多謝各影師請我食野!!食飽飽之後先去換衫, 換衫後再去下個地方影相~途中比我見到兩個影會, 勁唔想見到d又姣又以為自己好叻既model, 有位唔知係咪對住我笑, 我都冇理佢. 之後有位影師見到路上其中一名少女講[你比果個model仲好], 聽完之後都大快人心呢, 總之我都附和佢啦!!

之後再見到另一位model, 佢冇之前果位model咁姣既, 原來其中一名影師認識佢, 已經影左五年相, 不過pose都係麻麻地, 影師仲話佢來來去去得果三招, 五年都冇進步, 真係唔知點解會影佢囉? 唔通只要樣靚就得? 佢地只係行行企企, 只是影糖水相, 佢地更唔會好似我或其他以興趣去比人影既model咁會爬黎爬去影




去到三門仔, 見到個風景咁靚, 點可以唔影返張相留念....XD




又偷拍下三位影師先~authur做咩行得咁快既?? stephen及eddie就傾計, 我就跟住佢地尾啦^^




最後一站既影相地點, 就係呢個避風塘突出既部分, 有最多靚地方影, 又唔使驚見到影會, 真好!!




除左可以比我見識下咩係避風塘外, 仲有呢個咁靚既天色, 好似張靚畫^^




後來其中一位影師既老婆打電話比佢, 話就黎狂風暴雨, 話口未完差唔多落, 我哋趕緊去巴士站, 好好玩!! 呢個係巴士站外既比華利山, 成五千萬一幢, 呢世都唔使旨意買呢, 惟有拍照留念~




上車之後終於落起大雨黎, 好在其中一位影師有車, 唔係就要同人迫巴士呢!!




真係落起大雨啊!! 坐係架咁靚既車度, 覺得自己好似有錢女一樣, 架車張椅勁舒服呢!!




估唔到返到屋企之後, 咁快有相睇!! 不過仲未完全執好既~呢次係以輕鬆旅行為主題^^




其中一張相出左啦, 而且都幾靚咁!! 好期待呢輯相呢!!

同事食lunch記 + 可以見到菜菜

毎個星期五都唔使帶飯, 可能想同其他人食下飯, 增進下感情吧!! 今日除左同christina及amy食外, 仲有一個男同事食, 正當同事講笑介紹呢個靚仔男同事比我認識時, 我當時只係冷冷望住佢, 個男同事話我咁望住佢唔係太舒服, 咁佢都算叫OK靚仔, 但唔係真正靚仔果隻, 我唔可以話佢好靚仔, 但我又唔可以話佢樣衰, 咁我可以比D咩反應呢?? 不過個男同事都係講笑, 大家都係快D去食野吧!!




果然如christina所講, 似係個幽會既地方呢!! 果度燈光好暗, 真係差d連樣都睇唔清楚...



好正既卡位呢~不過由於太多人食飯, so 只係坐bar台既位置, 都冇咩機會傾計...




近門口仲有好別緻既卡位~果然係VIP級既享受~




bar台附近既酒櫃, 酒雖不多, 但感覺整齊, 而且仲好靚咁~




酒櫃上既其中一款酒, 隻酒名叫做[世話女房]咁得意既???




也係酒櫃內既其中一款酒, 而且包裝仲好靚!! 仲要寫住[櫻島]既, 同櫻花有關嗎??




仲有呢隻細細支既酒, 感覺都幾得意呢~



我哋坐近既bar台, 可以好清楚見到廚師燒野食, 而且仲任影唔嬲, 超正!!




我叫既咖哩雞排定食~其實果間餐廳全部都只有定食, 冇刺身壽司, 冇辦法啦~




呢三串燒烤都係送既, 即係bar台度見人燒緊果d, 味道算OK. 冬菇比較淡, 可以話冇味...




呢個就係咖哩雞排飯, 雞排好[鞋], 總之叫christina及amy果個咖哩豬排飯啦, 睇落去豬排好似炸得脆d咁!!




仲有個提子乳酸飲品及面鼓湯, 個湯就好咸, 而且仲令人口渴, 所以都係唔like有味精既食品. 至於飲品都尚算可以...

食完飯之後返工, 公司開始多野做, 要OT左成個鐘. 之後就快速地搵菜菜會合, 難得可以見面, 自己已經遲左到, 唔可以再遲. 最後約左菜菜係黃大仙中心內既某間餐廳門口等, 點知我竟然行錯路, 果然係個路痴=W="




我叫既叉燒青口拉麵, 要既係比較濃味既蝦湯. 我份人真怪, 又唔食蝦, 但又飲蝦湯=.="




菜菜叫既都係同款送菜, 不過佢唔係叫拉麵, 而係鳥冬; 仲有湯底都只叫豬骨, 不太濃味, 但都幾好味架!!




仲有呢串串燒雞肉, 雖然比較咸, 但真係幾好味!! 如覺得咸就食旁邊既菜及蕃茄啦!!

又再見joejoe again!!

今日joejoe都唔使OT, 我地又見面啦!! 呢次都係去旺角, 因為我仲有d衫未買, 要多謝joejoe就我, 也要同joejoe講聲對唔住, 又要佢同我睇衫, 實悶死佢都似=口='"

我哋想慳錢既關係, 所以都係食平野為主, 呢次去既係新世紀中心既food court, 睇黎都好多野食!! 唔知簡邊款好, 我哋最後都係散叫左少少食物, 唔係正常既一餐呢!!




一份超難食既套餐, 之前睇其他人食, 見個樣仲以為好味....我同joejoe下次一定唔會食呢間!!




只係個普通既什菜燒餅, 完全冇味道, 只食到沙律汁, 都唔知係咩野黎???




個墨魚丸, 即係八爪魚丸, 毎個都係扁扁地, 而且個墨魚又硬, no good><




始終都係呢款窩貼好食, 28元有十隻! 加埋蒜容碎及點醬汁, 簡直係一流!!




食完飯之後先落地鐵站, 再去朗豪坊. 最近成日見到呢個地鐵廣告, 覺得好可愛, 好似joejoe及我. 個傻傻既burger好似我, 之後比joejoe食左!!??




去朗豪坊就係想睇呢個mini cooper既展覽, 點知地方咁細, 真係冇咩好睇=.="




多數都係展覽單車多, 毎部單車有唔同既主題, 呢個係陸地石路~




以天空為主題既單車呢!! 附近發光白色既就係雲~




仲有呢架以星星為主題既單車呢!! 有我like既粉紅色及紫色, 超正!!




當然唔少得呢架主角, 同埋佢旁邊既單車, 不過呢個展覽令我失望呢!!




我完全冇化妝個核突樣, 仲拎住杯雪榚影相. 食果陣真係好過隱, 食完之後返屋企肚痛, 一點幾先可以訓, 真黑仔=口="