開始要加班了..

開始趕緊report比美國總部, 漫長既加班生活開始, 但我冇準備食物, 好在tracy及舊同事amy剩下既食物可以食, 睇黎下次要準備更多食物><




好在有各同事比我既食物, 分別有黃色既健康方型餅, choco, choco批, 棋子餅. 但我掛住工作, 只食了好少既方型餅及choco 批

諗起聽日全世界都放假, 只有我哋三個仲要返工, 真係可憐啊...希望快d做完公司既野, 可以返屋企休息下

最後十一點幾先放工, 好在公司比claim返由公司返屋企既的士錢, 最貴果單應該係其中一位director答返去深井, 竟然要成二百幾元!? 好在而家去姑姐屋企都好D, 只係七十幾元, 雖然唔算太貴, 但平時我一定唔捨得答的士, 都係地鐵及小巴適合我多^^

sunny 生日快樂^^

上次先食完natalie食完生日飯之後, 話咁快又有另一位男同事sunny既生日, 佢like食日本野, 本來想同佢食, 點知book唔到餐廳, 最後只係去左間好貴既中餐廳食飯, 間餐廳幾靚既, 食物都算唔錯, 但價錢就....哈哈....要成二十幾元一龍點心, 認真誇張!!



周圍既地方都幾優雅, 係間高級既粵菜餐廳, 都幾多人黎食架, 真係咁好味!?




全間餐廳以雀寵為主, 諗起舊式既酒樓, 都幾有古典味道!!




連餐具都咁靚, 隻杯仲好多隻, 係普通既酒樓既三倍, 飲左好多水><



食物果然係好味呢!! 連我平時唔食既豬手都突然覺得好味!? 仲食左兩舊...XD




另一碟既牛腩登場, 點解同碟豬手差唔多既??? 但都幾好味!!




仲有龍蝦餃, 毎人一粒都幾正, 可惜一龍要成二十幾元, 太貴啦><



仲有香脆既春卷, 食完仲想食多一舊呢!! 炸得實在太好味!!




蝦仁炒麵, 個麵有汁, 部分淋, 部分就又硬又脆, 諗起以前係昌華街舊屋樓下既餐廳其中一個小菜, 叫做什會炒麵!! 不過而家間餐廳拆左, 冇得再食, 估唔到可以係度食返...

駝螺!?

毎逢星期一, 我姑姐都會約醫師為姪仔既腰骨及心口做治療活動, 姑姐, 細佬及姪仔都會出席, 而我也會在旁睇住, 見到姪仔既腰骨好返好多, 但心口仍然唔太好. 治療活動的確辛苦, 尤其係而家咁熱, 佢更加唔願意去做, 於是我哋就用男孩至愛既玩具: 駝螺. 去引誘佢做運動, 見到佢玩得咁開心, 就走去八下究竟呢隻有咩咁好玩...



ahha~原來我細佬都識玩, 見佢轉下轉下又幾得意喎, 仲有唔同顏色, 又幾靚!!

見到我姪仔日玩夜玩, 作為大人既我就唔知點解可以玩咁耐, 可能就係大人先唔明白小朋友既心意, 始終大人感情及思想上越來越複雜, 自找麻煩, 都係做小朋友既好...

同joejoe去食晚飯

今日只約了joejoe食lunch, 但好耐冇見既我哋都已經開心, 呢日落好大雨, 但仍然都阻唔到我哋見面, 只係途中比較擔心對方可唔可以安全到達...

我先到尖沙咀碼頭, 見到電梯上有個時裝既小擺設好靚, 仲走左去影相, 點知影影下竟然冇電, 最後只係影左呢張相=.="



見到咁靚真係想影多幾張 , 可惜冇電囉, 真係可惜囉=.="

最後joejoe都黎到, 之後就去左飲下午茶, 只係叫左窩絲瓜魚肉米粉, 超好味, 可惜冇得影底...同埋只係叫左毎人一個椰皇, 但已經夠飽, 如果第時我同joejoe帶唔同既朋友黎, 多人熱鬧一番都唔錯!!

全日都落雨, 加上我同joejoe都想慳錢, 夜晚返屋企食飯, 途中一齊答的士, 間中黎個簡單既一日, 唔錯既, 尤其係同另一半, 去邊都冇所謂^^

慈雲山中心遊記

今日仍然都係落雨, 同姑姐及姪仔去慈雲山中心買送及行下街, 好過係屋企咁悶, 三人冒住雨出街!!



周圍都濕哂, 毎個人都拎住遮, 感覺唔太好, 甚至有D煩呢><



返中學果陣, 好like去呢間文具店買具, 好耐都冇黎, 個招牌及間店舖都靚好多囉~



赤川日本料理, 間店舖好靚, 而且仲好貴....有錢先再去食吧!!



見到姪仔係美國冒險樂園玩架飛機咁開心, 就比佢玩多一陣啦^^



之後仲去玩消防車, 玩完飛機後再去玩車, 陸及空都玩哂, 勁啊!!



仲有可愛既索柏, 咩顏色都有, 仲係至靚既粉色, 都好想拎哂佢地返屋企~~



各隻可愛既索柏仔close up呢~至愛既粉紅色!! 對眼圓圓地, 更加可愛!!



仲有小蛋糕既夾公仔機, 同樣都好愛呢!! 不過之前都見到旺角有得買, 自己仲有兩隻..xd

估唔到係慈雲山中心都可以令我大出血呢, 買左兩件衫, 加上一對勁修腳既boot, 不過都買得算抵既, 之後就要慳少少, 就當係為左我間dream house啦!!

同事食飯記

[星期四有個朋友及同事走, d相係佢度, 要等佢send比我先可打blog><]

終於到左星期五, 又係全班同事食飯, 今日黎左個新既HR head, 佢叫semmi, 我終於唔使再做HR既野, 開心到爆!! 因為natalie及老闆要和新同事食飯, 只有tracy, sunny及我三人出街食, 落雨唔可以行太遠, 只好去附近一間叫做小城滋味既地方食飯~



終於可以影到間餐廳, 之前同阿head去食飯費時影, 呢次終於有機會影^^



地方唔係好大, 加上毎次lunch都幾多人, 感覺好似好迫, 要好多時間等位呢!!



玻璃窗外既位都幾好咁喎, 我都想係果邊坐, 因我like食飯時望到街外既景色~



門外既景色, 因毎人都唔願意搭枱, 而我哋要準時返公司, 只好坐附近, 我就對住個門口, 可以清楚影到出面~



食物都仲未到, tracy已經想玩下sunny既iphone內狗仔, natalie都鍾意玩架, 隻狗仔叫做sunson..xd



我既飯終於黎左~~係我至愛既焗芝士飯, 呢次係雞排, 但如果係魚更加好, 個飯簡直係prefect! 個紅湯飲唔哂, 比左tracy飲, 原來佢like飲紅湯^^



tracy既檸水, 都好似幾正咁喎!! 雖然我係唔飲檸水既=口="

好在新同事黎左, 可以早D放工, 去包點先生買左個好好味既冬姑蒸雞飯後, 即刻趕返去睇[搜下留情]既兩個鐘大結局先, 估唔到呢套都幾好睇, 香港好少有呢類既劇集(雖然話扮咖里略), 但都冇所謂, 反正我like睇鬥智既警匪片集^^

同姑姐食晚飯

呢日唔記得左自己係咪ot, 而姑姐都冇煮飯, 所以去左附近慈雲山中心食野, 可能我哋比較慳, 行左好多間餐廳, 都覺得好似好貴咁, 又唔想食麥當當咁熱氣, 到最後都係去左包點先生度食飯, 冇我至愛既盎頭飯, 只好叫左其他飯食...



我同姑姐既兩份飯, 姑姐既牛腩飯, 及我既栗米肉粒飯, 毎個只係二十元到, 味道都算唔錯!!




姑姐碟飯都幾好味, 唔太咸, 但食物又入味, 一個人份量岩岩好^^



毎個飯餐加多五元有個燉蛋, 雖然少少硬, 但暖暖地及好滑, 都算唔錯吧!



間餐廳雖然細少少, 而且比較開陽, 但坐得都幾舒服~



餐廳既另一邊, 可能而家比較晏, 冇咩人黎食野, 咁寧靜都算唔錯^^

雜記

1) 公司連續兩日有人做audit, 我下午都要坐係reception度, 真係悶到死左. 好在我幾位好同事tracy, amy及sunny間中黎睇下我, 同我傾計先好d^^

2) 之後一位高層shirley話同我去食飯, 都唔知係咪AA架, 佢地食成百幾元個lunch, 我呢d平民真係食唔起, 不過佢職位咁高, 應該出公數吧..XD

3) 最近成日都要ot, 我都想盡時五點半放工. 除非人工高(指過二萬元), 都會比心機做耐d既. 唔通真係貪八點後既ot飯錢60元加車費嗎??? 也因為成日加班既關係, 少左同joejoe, 也少左同屋企人見面, 連我爸爸入左院都冇時間探, 果然我係唔鍾意加班呢!!

4) 就係最唔like果樣 -落雨, 整到冇得周圍去外, 答地鐵都特別多人, 而且全部地方都濕, 勁乞人憎!!

5) 其中有位朋友之前因食錯野入左醫院, 好在佢最後都出左院, 真係恭喜佢. 而家天氣咁熱, 食物好易變壞, 希望各朋友, 屋企人及男友食野小心d

high fashion

最近上網見到一位叫做kibe既妹妹仔, 我唔叫佢[o靚模], 因係我心目中只係比人影既妹妹仔, 佢有輯相竟然話自己係影[high fashion], 當時睇到我完全"O"o且...

網址: http://www.fotop.net/kibe0927/kibe0927279

首先我覺得佢完全唔靚, 只係一味露肉, 完全冇咩美感, 話明係high fashion, 應該賣既係衫吧? 但點解佢似賣樣多?? 同埋我有幾個疑問:

1) 件衫我唔覺有咩特別, 而且佢係賣邊個designer? 邊隻brand及邊個collection?? 睇完之後都唔知佢想點

2) 表現個designer既咩思想及意思呢??

3) 佢話own style, 究竟係咩style呢?? 我唔覺得佢有咩style, 只係一味露肉....

4) 佢既pose好有問題, 有張仲好似咬親條腰咁, 其他pose太硬, 唔夠自然

佢呢輯相, 只可讚賞個攝影師真係影得好靚, 把一個外表平凡既妹妹仔影到咁靚, 最多只可話影fashion類型既相, 但絕稱不上[high fashion], 我覺得佢唔知咩叫high fashion外, 仲好自大, 簡直侮辱[high fashion]呢個名, 麻煩佢睇下人地既catwalk show, 買返本WFM, gap press睇下啦, 見到呢ｄ人真係可笑, 真正既high fashion係咁樣...



呢張睇唔到相, 但也可見到件衫好靚！

三家村 @ 私影 with alan & 同joejoe見面

最近的確少左好多機會影相呢, 唔知係咪影師唔得閒; 又或者最近天氣唔好, 又熱又落雨; 一係就個個影師睇世界盃呢? 定係而家影相o靚模太多, 咩原因都唔緊要, 就當自己休息下. 好在Alan 都願意同我影, 實在太開心呢!!




之前同joejoe去既三家村完全唔同哂, 全片都係綠油油既草. 加埋山及沙灘, 真係好靚^^




望落去仲有個山崖, 好似好高好斜咁. 不過可以見到個靚靚既海, 感覺唔錯既~





點知影相途中, 我本來按住頂帽影相, 點知我按唔實, 比風一吹, 接都接唔住, 頂帽就吹左去崖邊...




本來個影師想幫我執, 但崖邊實在太斜, 而且又濕滑咁, 最後都冇執到, 惟有影相留念....

影左兩個幾鐘, 個妝已經開始融, 加上又熱, 好快就影完相, 最後同影師去左間士多度買飲品, 坐左一陣就各自離開. 聽講個影師去左打保齡球, 我就約左joejoe去旺角, 但佢冇咁早到, 我就買返頭先頂帽, 之後先同joejoe集合, 最後去返之前去食既日本餐廳食飯. 果日好熱, 好在店員先比我哋入去坐, 之後就叫左份二人晚餐^^



上次我哋坐係而家藍光既位置, 呢次可以坐到出面, 勁正呢!!




餐廳唔係太大,大呢度係門口位置, 離我哋個位唔太遠...




我哋既頭盤~就係中華沙律及螺肉, 上菜時仲凍凍地, 夏天食好正!!



之後就食好肥美及厚切既三文魚刺身, 好新鮮, 好好味, 仲想食多D><


仲有呢個三文魚手卷, 雖然食左三文魚刺身, 但感覺仲唔夠咁..




仲有呢個什錦拉麵, 有獅子狗, 日本叉燒, 蟹柳等等, 唔係太多肉, 都算唔錯



呢間餐廳好好, 即使食完野都可以係度坐下, 同埋可以影到相, 我影到joejoe好核突><



joejoe影得我靚好多, 睇黎我真係要好好地學下影相先得><

同姑姐及姪仔去街街

今日天氣真係好熱,, 但天空好靚, 係一片藍天白雲呢!! 竟然冇得影相, 真係有d可惜...不過唔緊要, 聽日已經firm左, 又係去三家村影相, 仲要十二點到觀塘地鐵站, 影完相之後可以見joejoe, 真係對佢唔住, 本來約佢聽日去西貢, 點知個影師唔可以改期, 只有聽日得閒, 而且佢又想同我影, 所以只好暫時取消同佢既西貢之約, 不過唔緊要, 反正之後都冇機會影, 可以同佢周圍去




完全唔使用photoshop既合成技巧, 個天空真係咁靚!! 呢個係屋企影出外既景色

見天氣咁好, 冇理由唔出街既, 於是決定同姑姐及姪仔出街, 好耐都冇同佢地出街, 對上一次係上年聖誕去德福睇燈飾, 果陣姪仔仲唔願意行, 唔知呢次會唔會係咁呢?? 好在呢次姪仔願意行, 去既地方係附近既何里活中心




同姪仔去到屋企附近其中一間幼稚園, 見到好在小朋友畫既磁磚, 好正!!




好難得見到dede擺定pose比人影相, 即刻影返張相先, 不過後面個冷氣槽破壞哂=.="




呢張相pose簡直一流呢!! 表情也唔錯, 加上佢既高度, 都幾有天分做model, 記住做硬照model啊!




趁今日天色咁好, 影多幾張相先~~毎次見到藍天都覺得好開心, 好想影多D相!!




終於去到何里活中心, 一入到去商場做咩咁多人圍觀呢?? 見到有個牌寫住小廚神既!?




原來係一班小朋友學緊整野食啊~~見到佢地留心聽講, 好cute啊!!




廚房既其中一角, 都幾鬼可愛, 好似個玩具廚房一樣!!




連後台既布景都咁靚!!! 忍唔住影多張相..XD




咁遠聽到有人唱歌, 原來係有個歌唱表演之類, 不過我比較like後面既mika x TO-FU作品^^




個舞台好鬼靚!! 尤其係旁邊既豆腐仔及mika 豆腐仔, 好鬼死可愛啊你地!!




全個舞台既全景, 可惜佢一直唱歌, 唔可以影到咁可愛既豆腐仔><




唔可以近影就只好zoom近鏡去影, 終於影到可愛既mika豆腐畫!! 仲拎住自己張相, 好搞鬼!!




仲有踢波既豆腐仔及mika豆腐仔, 佢地發呆既樣加倍cute!!




行完街之後就到另一名唱歌, 睇黎只好遠影!! 好想要部大機及長鏡啊!!




影下呢張畫, 有唔同國家既豆腐, 好搞鬼!!




仲有唔同豆腐既介紹, 果然係夠多人啊, 都唔知邊個打邊個=.="




豆腐仔加機豆腐!??仍然都係呢個字: cute!!




望上去天花板, 係個好靚既頂呢!! 覺得好似外國既展覽館一樣...XD




另一張好似私影既相, 不過呢次我就影到暗左D><




同姪仔及姑姐去睇鞋時, 塊玻璃見到我及姪仔個樣, 感覺都唔錯, 影底先~

行完街街去食麥當當, 試左隻法式芝士醬, 都幾好味既, 不過少食多滋味, 食太多會漏, 食完野之後就齊齊行返去姑姐屋企, 原來快樂可以咁簡單, 咁就係開心既一日^^