同屋企人飲茶

自從六月同媽吵架後, 好耐都冇見媽, 爸及妹, 今明兩日joejoe又和朋友去宿營, 只剩下我一個, 於是決定左同屋企人去飲茶

起初都有少少怕返屋企, 因我唔知同媽講咩好, 後來返到爸公司, 先知道最近發生既事都幾多, 連爸毎個星期二都要覆診都唔知, 自己果然不孝!!

除左傾多d計外, 仲要執好我以前買落既漫畫, 見到好多唔要既漫畫, 自己以前真哂錢, 如果d錢儲埋佢, 都應該有幾千元吧!? 所以我同自己講, 以前都唔會再買漫畫, 都係上網睇好了. 之後同媽媽執好公司部分物件後, 再同屋企人去飲茶

我妹及姑姐叫既燒鵝瀨~好似好好味咁, 總之我叫呢碗><

呢碗係我既豉油雞米粉, 都幾好味架!!

唔知自己係咪太肚餓呢?? 之後唔記得左影相, 飲呢餐下午茶, 叫左十幾碟食物都只係百幾元,而且味道都唔錯, 自己請下客都好抵呢!!

飲完茶後再去行下街, 好在冇咩衫買, 行完街後再返爸公司休息一下, 見到公司就黎賣比人, 自己都唔知再有冇機會見到, 心內都有少少酸, 尤其係見到媽有心機種既植物唔可以搬走, 酸酸既感覺更加強烈!!

呢棵鐵樹好耐冇見, 已經長高了好多, 諗起佢以前開既花好靚, 扔左真係可惜...




不但長高了好多, 樹葉也好多塊, 而且仲好綠!

休息一會兒之後便離開公司返姑姐屋企, 後來姑姐同我講, 原來媽媽問過我屋企擺張碌架床好唔好, 都想我返屋企住, 但我竟然聽唔到, 我係冇心的聽唔到, sorry啊, 同埋我一定會返去住既..XD

anna sui 攤位

琴晚放工時, 見到anna sui既攤位好靚, 但琴晚都冇咩心機影, 都係今朝早先再影, 見到保安在場內監管, 以為唔比人影, 點知佢地仲讓開比我影相, 真識做!!

好在今日早放工, 可以早d去影相, 點知比幾個化到勁濃, 又好豬排既sales阻止, 真係咩mood都冇哂. 佢地化到成個[馬騮紅pet pet]咁都可以做sales, 以我呢個質素, 都可以做下呢份pt, 唔知佢地請唔請我呢?? 佢地真係認識化妝嗎? 我唔相信囉...

由三樓影落去既攤檔, 睇佢上頂已經覺得一流呢!!

佢毎個廣告硬照都好靚, 呢個都唔例外




~

仲有埋化妝台及用品, 如果仲未見到班sales之前, 我都仲有所期待既, 但見完佢地之後...唉...唔怪之得連一個人都冇, 終於明白哂

賣胭脂既櫃仔已經好靚, 仲show哂咁多種顏色比你睇~

仲有香水化妝台, 有我至想買既兩枝結他香水, 不過要成三百幾元枝, 有點唔捨得

仲有指甲油既化妝台, 有好多隻顏色比人選擇, 就係影呢個櫃之後比sales叫唔好影, 真係無奈=.="





本來想影埋另一邊既櫃, 都已經冇得影, 呢張相係早上影

又要開OT=.="

今日又要捱夜,咪又係因為趕month end埋數,之後比盤數美國總部,睇怕唔夜走都幾難. 所以八點幾到,我同tracy, natalie及may四個人一齊去大家樂食飯,都唔知食咩好, 最後都係叫左個蒸飯@@

我個蒸飯好似包點先生買果隻, 都係唔好影佢, 只係影呢杯楊枝金露就算, 都算好飲既..

Natalie叫既迷你冬瓜盅套餐, 都好似幾豐富咁喎~

個冬瓜盅細細個, 好得意, 一個人食加埋飯送都夠哂!!

may及tracy叫左呢個魚翅餐好正咁, 雖然唔係真, 但個賣相都好吸引, 總之叫呢個餐><

may叫既龍仔什豆豆腐飯, 個送都好似幾正咁, 好健康!

仲有tracy叫既咕嚕肉, 都幾colorful, 都幾吸引人食, 更加後悔只叫左個蒸飯><

餐飯好唔好都冇所謂, 只係一餐o者, 之後要努力工作, 差唔多十二點先走, 都係答的士返屋企. 聽日仲要返工, 真可憐, 快d到星期六就好><

終於出左相嗎???

同victor去中環夜影, 輯相終於出左啦!! 自己都幾鍾意, 我唔會一味扮可愛, 賣弄性感去迎合宅男及龍友既口味, 自己比較想影時裝味重既相, 做返自己, 最多只係著得比較性感, 也係我既極限了><

話說隻張保仔岩岩好駛到旁邊, 紅色既船帆及我件藍色衫好搶眼呢!!

呢張夜景也唔錯, 我指個係景, 唔係我...xd



呢張個樣好寸, 好想打自己, 不過都幾like呢隻暗暗既氣氛, 同我[noir]既形象好似..xd

周圍環境暗暗地, 其實周圍係有人, 但都比佢執走哂, 勁啊!!

呢輯相其中一張至like既相, 都幾有feel~仲用左黎做fb既頭像相...kakak

victor突然有個idea, 叫我捱住係廣告版上影相, 效果出黎唔錯喎!!

可以試下做top model硬照既滋味!? 講笑o者, 可以係個靚model既相度影, 係我榮幸就真^^

可以係個型男面前影相!!?? 都係講笑o者, 咁講實會令joejoe唔開心, sorry><

純粹玩野之作, 係跟住櫥窗內既公仔擺pose, 估唔到都執左出黎=.="

好似廣告既一張相!?? 自己都幾like呢張相, 同埋channel既店真係好靚, 要夜晚先夠膽影..xd

呢張我好似挖個nose咁?? 真係哂左個pose及咁靚既景呢><

呢張也係我like既相之一, 自己表現唔太差吧!?



也好like呢張, 同埋呢間店舖既門口, 覺得好有味

就算有冇人睇都好, 我都覺得毎張相唔錯, 多謝victor比心機影我. 其實呢個theme係出自canon s90既一個廣告, 可惜我冇人地咁好, 再加上有少少fashion既感覺, 同普通只sell青春可愛及扮日本妹既女仔唔同, 可能係唔想比人感覺和佢地同一類吧!?

o靚模後感

最近書展見到o靚模, 加上黎緊既動漫展, 更係o靚模, 龍友及宅男既天地, 第時就更加糟糕. 其實我本身對cosplayer冇咩偏見, 只係覺得只係興趣, 也令我敬佩既係佢地為左扮演某卡通人物角色去學車衫及化妝，對佢地黎講都算唔錯，動漫係佢地表現既大好機會，我也唔會反對

加上我幾like一個日本既cosplayer,佢叫kipi, 佢扮咩角色都好靚及好自然, 唔會好似香港既o靚模咁, 睇佢毎個角色都好用心去扮演比人睇~

佢表演得黎好自然, 唔太做作, 望落去感覺上比較舒服~

可能大家都受日本文化影響, 毎個o靚模都show心口既事業線=3="

但香港果d妹妹仔毎個只要比人影過, 去下影會就叫model, 如果係興趣, 或者只係pt都冇所謂. 但連書都未讀好, 就掛住發明星夢, 一味想入娛樂界想出名, 搵快錢就唔好, 始終呢D都係夕陽工業, 到自己年紀大, 青春不再時, 仲可以靠影相model搵飯食嗎?? 就算比你搵到錢, 遲早都有用完既一日, 咁之後又點生活...

講返佢地既明星夢, 佢地手法層出不窮, 又咩爆房鬼片, 比強姦, 又或者書展禁止比佢地入場都要硬入場; 又或者私影model一味谷胸, 影內衣性感相等等, 改變了過往既觀念. 以前咩守身如玉, 衣著密緊通通拋諸腦後, 只要出名就咩都可以做, 出賣自己既尊嚴, 出賣自己既肉體去迎合市場上(男性既需要), 冇左自我, 咁做人有咩意思???

日本係男尊女卑, 女性要透過拍AV, 影寫真/ 又或者做公關及援交, 去滿足男士性需要, 女性既地位已經好低, 而家連香港都淪落如此嗎?? 女性可以站起來, 靠進修及不停努力, 去得到社會地位, 咁先會受人尊重!! 我覺得女性唔係男性既附屬品, 毎個女性都有自我價值, 但唔係由出賣肉體去表現自己, 有一些人可能會用自己學業不成, 找不到工作, 但又要幫補家計, 於是就去做model, 仲互相指對方寫真集內容出位, 不停評論對方, 叫人地可以打快餐店工作, 咁佢自己又去做model!? 自己其身不正仲去話人, 唔知好嬲定好笑...

海港城既車展~

今日放工見到樓下有個小型車展, 真係只有三架車咁少, 不過對於我呢個冇咩機會睇靚車既我, 都可以睇下既 (雖然自己對車係冇咩興趣=.=")

哇啊啊~如果我同joejoe有呢架車, 同我地屋企人周圍去就好..XD



如果係由我開車既, 自己真係有好型呢!! 咁就唔使同人迫車, 但就要考牌先得><

白色車都唔錯, 但唔知點解都係覺得七人車好, 可能方便屋企人吧!?

咁快就諗定車, 真係..都係睇定d先講, 始終結婚離自己好遠, 都係比心機儲錢, 同埋自己成熟先再講啦~

再次去書展!!

首先要祝菜菜今日生日快樂, 同老公繼續sweet, 佢仔仔快高長大, 佢全屋企人都身體健康^^

今日同joejoe再同書展, 呢年去左兩次書展, 自己都覺得有點誇, 所以把我星期五去過既經驗同joejoe分享, 希望佢唔使太辛苦, 同埋終於有人同我去, 多謝你^^

同joejoe既兩人入場券~~同早場果張唔同色..XD

同樣地都有好多人睇寫真集, 本來我影左d相, 點知剪下左去部電腦之後, 部電腦就中左virus, 拎左去維修, 所以冇哂><

不過也好好彩, 同joejoe再次去買左兩本WFM, 都只係六十元兩本(原價要一百八十元), 真係勁抵, 可以掃到平貨, 又可以睇到一直期待既2010/2011既F/W (秋冬系列), 真係開心個半死, 哈哈!!

毎次時裝展都會出兩本, 呢個係其中一本, 係米蘭, 倫敦時裝show, 香港時裝周及比賽, 估唔到香港時裝業都唔算太差

其中有套衫好like, 就係呢件blugirl既衫, 好似公主+婚紗一樣既衫, 白毛毛加lace, 好華麗




~

睇返香港既時裝展, 呢次有鄧達智既作品, 都算唔錯啦




^^

仲有另一本既巴黎及new york時裝展, 呢本封面比較靚(個人覺得)

alexander mcqueen既最後遺作, 呢個系列相當豪華!! 不過佢既逝世, 唔可以再見到呢位時裝奇才既作品, 真係失望呢=.="

最like既其中一條裙, 粉紅既布料, 加上黑色lace, 同裙既剪裁, 配合得相當完美呢~

同joejoe行完書展, 係會場內睇完WFM後就離開, 去到一間茶餐廳內食下午茶, 仲有好好味既西多!! 食完之後先去灣仔碼頭答船, 之後再答巴士各自返屋企

九龍灣megabox + 德福恐龍展 + 中環 @ 私影 with victor

今日既行程真係豐富, 上午先同姑姐及姪仔去九龍灣megabox及德福行下, 夜晚就約左victor去中環夜影, 睇黎我都幾忙呢...

一早起身同姑姐及姪仔去食份早餐, 之後答巴士到九龍灣megabox行, 目的地係新開既宜家家私, 因姑姐想買返張椅子比姪仔~

megabox商場外既擺設, 都幾靚喎~

近影花朵仲靚, 雖然只係假花, 但擺設都算唔錯, 仲有點似真花

相信大家去過megabox既朋友, 都會討厭果個商場既路吧!? 但呢次都算唔錯, 比我哋見面全個以麥o麥布置既場地, 都幾靚~呢個係麥兜及佢媽媽

大大隻既香蕉船好得意, 仲有megabox既字眼=.="

等我都同兩位角色影下相先, 總之我都化妝先啦

仲有全個以春田花花幼稚園既角色整既蛋糕, 都幾可愛呢

蛋糕旁邊仲有唔同主角既做型公仔比人影相, 首先係隻貓, 唔記得佢叫咩名=.="

仲有呢隻傻傻地既姑時, 都幾似我, 希望傻人有傻福~

仲有呢隻可愛既傻turtle阿輝~咁多個角色至鍾意係佢, 細細粒特別可愛!


當然唔少得主角麥o麥啦~有個小肚腩, 有點肥, 都幾可愛!

仲有幾隻唔同既雪榚杯比人影相, 早知我都化妝去影啦><

之後我哋一齊去新開既宜家家私~希望如姑姐所願, 可以買張椅子比姪仔



室內好多靚既擺設, 令我更加想有間dream house, 可惜唔知可唔可以影相, 只可影出面既家私, 呢張椅都幾好坐~

仲有另一邊既椅子~好有沙灘感覺, 但畢竟都係得個睇字=.="

我見有人拎住部相機影小朋友, 我又忍唔住拎相機出黎影, 其中一間小朋友既房間, 仲分左男女!?



七彩顏色既餐具, 包括碗, 杯, 碟及刀叉, 見到都精神哂!


仲有花花及螢火虫燈~盞花花燈真係好靚呢!!


仲有以天空做型既燈~藍色果盞夜晚開左, 都覺得可以見到藍天白雲, 超正!!



睇完兒童家私後, 經過一條長電梯, 可以到收銀處及平價貨品區, 如佢所講, 毎件貨品唔超過三十元



行完宜家之後去食下野先, 估唔到真係咁抵, 雪榚兩元, 熱狗都係六元等等, 仲有汽水可以免費任斟, 尤其係夏天更加正!!


六元熱狗份量都幾夠, 最恐怖係我姪仔竟然可以一個人食哂全隻熱狗, 好大食啊><

行完街之後就一齊答車返屋企, 返到屋企訓左一陣, 之後就化妝換衫出去影相, 好耐冇影過, 加上呢位影師影左部分靚女, 自己有點壓力呢...都係盡力而為啦!! 呢次去中環夜影, 都係第一次夜晚影相, 有少少海風吹都幾舒服,但我似乎比較like睇high fashion多d..xd

呢個公仔既pose好正, 加上燈光及套衫, 超襯超靚~

仲有channel既店舖, 呢次影相既地方之一, 好在一早影左, 之後有對新人黎影相>


<

也係呢間店舖門外影相, 呢兩間店舖係附近, 可以一次過影兩間, 都算幸運吧!

至於影左輯咩相?? 呢次先賣個關子先, 我自己覺得d相都算滿意, 可惜太熱, 影師victor又太累, 影左唔算太耐就各自回家