joke joke lunch!?

睇到以上既標題, 大家知唔知道係咩黎呢?? 講笑話既lunch? 定大家已經估到呢? 冇錯, 就係食粥既餐, 呢個新terms係由我哋HR發明既=3="

呢次係HR 用電郵問我哋去唔去, 其實全部同事, 包括我都唔想去, 見係同事就應承一下. 但最後除左tracy及anton之外, 其他人跟本冇叫做粥, 連個HR自己都冇叫, 咁就唔好叫[joke joke lunch], 不如索性話出去食lunch吧...

我冇拎相機既關係, 最後用左手機影, 但我部電話既相唔知點解up唔到去電腦, 最後都要用相機影底佢, 自己果然係機械白痴=.="


好在我部手機影相唔算太差吧!? 真起碼睇到呢個係芝士蝦玉子卷



呢個係曼魚雞既窩飯, 熱熱地都幾好味, 曼魚切到一粒粒都幾有心機



呢份就係我既餐, 包括一個烏冬, 玉子卷及窩飯, 都只係四十幾元. 細食既朋友可以兩個人share一個都得~不過可惜既係冇飲品, 要另外買

國慶日要返工

本來今年國慶有日假期, 仲要係星期五, 連埋星期六日不知幾正, 點知呢日要做month end, 又要返工, 真可憐呢!

雖然呢日會補返假比我, 但都唔知幾時放假好, 就算補假, joejoe及朋友都要返工, 冇人陪自己, 係屋企好無聊, 都唔知點算好, 都無哂心機啦, 希望星期五快d過去吧!

公益金便服日及同joejoe食晚飯

今日係公益金便服日,部分既職員捐款穿上便服,tracy, anton及natalie都有參加, 而我都想參加,但因為交左一百元既報名費及學費, 已經冇哂錢, 只好周圍去派貼紙及coupon比人,見到貼紙咁得意, 早知我都捐錢啦



就係呢張大coupon, 同埋公益金服飾日既貼紙



就係呢張貼紙啦, tracy話呢隻係顛噹, 同叮噹既人物差唔多, 連我都唔知


放工之後同joejoe去佐敦食晚飯, 都係食返我地上次去既餐廳, 三十幾玩一個餐, 仲有埋salad, 味道都唔錯


我同joejoe兩人份既餐, 白色果碗係沙律, 紅色既係醬汁



我食既果份餐~我仲食咁大碟意粉, 果然係大食呢!!


都幾多沙律醬架, 不過就麻麻地好味

再去CITA選科

終於收到CITA既信, 佢終於收左我讀時裝設計!!! 今日放工即刻親自去選擇科目及交學費, 好在可以係關門之前趕到去. 最後選左時裝設計繪圖及紙辦, 咁就冇左幾千元, 不過諗起之後可以返學, 真係開心, 十月要準備返學啦~


報完名後, 再去德福行下, 見到第一次去CITA報名經過既裝飾, 而家終於完成, 而且仲好靚, 我又忍唔住影相

一開始見到呢個小廚房及門口既pancake, 個pancake好似真, 好好味咁既樣~


仲有四葉草既碟裝住pancake, 加上滿地既紅葉, 好有秋天感覺呢!!



廚房既其中一角, 好多飲管及麵條呢!!



廚房既另一角, 似乎比較新淨, 同出面環境唔太襯



仲有路旁既水果都做得好似, 呢個係桃


仲有呢個梨都好正咁, 旁邊仲有紅葉襯托



仲有平果呢!! 平果既顏色都好靚, 真係好似真



有平果呢樣普通既生果, 點少得橙呢!! 而且仲好新鮮(笑)



仲有士多啤梨, 仲要用個盆裝住, 好京貴咁喎~



仲有呢間士多啤梨屋, 上次都已經影過, 冇咩唔同



士多啤梨屋係間整果醬既店舖, 仲有好多果醬呢!!



果醬店既門口仲有好多生果擺放, 有好多種唔同口味既果醬



仲有呢間麵包店舖, 有好秋天氣氛, 加上歐陸既裝修, 真令人目不暇給



法式長麵包, 真係做得幾似喎, 不過就唔想食啦



最後一間小屋係酒窘, 仲擺左好多支酒及酒桶



仲有呢架裝滿提子既木頭車, 好多好多提子, 拚埋一齊好好睇



仲有好多箱提子係酒窘附近, 果然係個釀酒園



真係好愛一箱箱既提子, 真係好靚, 又colorful~

取消了的打邊爐

原本想同joejoe一齊去紅磡某間餐廳打邊爐, 但因為我m到, 所以冇去到, 痛個半死係屋企, 簡直悶死左

於是我send email比某位朋友同佢講聲生日快樂, 但佢個答案係驚佢睇email時, gf係身邊會睇到會同佢吵架. 唔需要知係邊個, 又或者大家應該估到既, 不過知唔知道都唔緊要, 對於佢咁驚佢既女友, 驚同女友吵架而咁對待朋友, 覺得佢差到極點, 左驚驚, 右驚驚, 雖然佢家中有些唔開心既事, 但我只答了一句:[咁樣我以後也唔再麻煩你...]

不過講真果句, 我覺得咁多人要就佢一個女友, 佢女友又唔比佢男友接觸同佢有關係既人, 又話驚女友講到我同佢既野, 使唔使咁就佢, 個女仔要咁多人就佢, 唔會覺得唔好意思既咩? 畢竟大家各自都有自己既圈子, 比返空間大家都好

之後, 佢再冇打電話比我, 我也冇再打比佢, 都係大家唔再接觸對方好d

同嘉華, 寶妮, liz及酸梅食韓燒

今日都係約朋友食飯, 同自己既最好其中一班朋友食晚飯, 分別係嘉華, 寶妮, 酸梅及liz, 一齊去旺角食韓燒~



大家先約好係創興中心樓下等, 一早已經見到liz及寶妮係度, 我同寶妮先去拎住, liz就等酸梅黎到, 嘉華就遲少少黎. 我同寶妮先去拎定食物去燒, 咁佢地三位可以即刻可以食呢~



睇落去都好似幾大咁, 我哋可以坐到埋邊既位, 勁幸運!!




燒定d食物比liz, 酸梅及嘉華黎先~



第一round既食物, 分別係魚柳, 腸仔, 菜及酸梅特別order既白雲鳳爪



仲拎左好多肉, 以牛肉最多呢!!



三文魚sushi, 不過唔係太好味, 三文魚唔夠新鮮, 飯又硬左少少




第二round既送黎左, 又係肉呢!!



仲有我至愛既腸仔及尤魚, 尤魚受熱時會宿埋, 太得意



第二round又有我至愛既魚柳, 仲有咖哩雞肉串~



拎左好多菜, 唔係食咁多肉咁油膩, 幫助消化吧



仲拎左毎人一碗雪榚, 有我至like既曲奇妙趣及ube味^^



酸梅拎左蝦及腎呢!! 蝦我就唔食啦, 但腎都算唔錯, 幾好味既



呢碟其實係我地先燒定, 休息一陣會再食返, 點知個waiter問我地係咪唔要, 想幫我地倒, 呢碟真係咁似廚餘嗎??



難得可以坐到咁靚既位, 當然唔少得咁多位靚女既合照啦~~



liz及寶妮影返張合照先, 大家都好靚女, 唔錯啊!!



化妝既我唔計啦, 仲有兩個靚女架!!



liz及寶妮好有心, 去完上海世博旅行之後, 再拎手信比酸梅, 嘉華及我選擇. 呢份就係菜菜既, 睇黎我要搵日約佢比返佢先得



呢份就係我既, 係我至like既粉紅色及花花, 加上咁靚既設計, 全份都好靚, 好鍾意啊><

同stacey食飯

好耐冇見過stacey啦, 今晚終於可見到佢及同佢食飯. 七點鐘去旺角既朗豪坊, 一放左工之後即刻走去同stacey會合^^



本來stacey想預約susuki食飯, 但susuki不設預約, 不過都唔緊要, 反正果間野都唔好食, 我哋由頂層開始搵餐廳, 最後比我哋搵到間紅蔥頭食飯, 食物好似好好味, 而且好似唔太貴, 就係呢間食飯吧!



一共叫左兩個飯, 我同stacey share 食, 首先係呢個芝士菠菜焗龍利柳飯, 個汁好濃, 龍利柳算林, 有埋菠菜, 比人感覺唔太肥膩





仲有呢個豆腐什菜窩及金菇肥牛卷, 睇落去好似有d誇張, 但幾好食咁喎



金菇肥牛卷既close up, 肥牛有點硬, 個汁尚算唔錯




呢個豆腐什菜窩都幾得意, 有菜, 金菇等等, 底下仲有個烏冬, 都幾好食, 但個火太快熄, 又唔可以加湯底, 要快d食哂先得




個窩咁靚, 我哋影下相先, 先影下stacey先~




之後到我影返張相先, 呢張也影得唔錯咁喎




食完飯之後, stacey送左份台灣買既手信比我, 多謝哂你, 等我都同佢影返張相先~



就係呢份手信啦, 係條可愛既電話裝飾品