姑姐生日快樂

今日姑姐生日, 先祝佢生日快樂, 青春常註, 年年搵大錢, 最重要係身體健康, 唔健康點去搵錢, 同屋企人及朋友開心呢?


原本想同姑姐二人去海洋公園, 但又覺得冇左dede係身邊好唔自在, 雖然佢平時頑皮, 又硬頸, 但冇左佢又覺得總是欠左d野, 於是去接埋佢返姑姐屋企, 我哋既節目改左, 就係去觀塘apm行下及影相, 雖然比較簡單, 但都幾開心~


睇下dede個樣幾smart!! 仲要拎住個可愛既雞雞袋, 好得意!!


等我都同南瓜影返張相先, 多謝姑姐幫我影~



抱起dede影返張相先, 做咩dede唔望鏡頭架!?



dede好識擺pose比人影相, 幾有做model既天份喎



係個墓碑附近影張相先, 上次都冇留意有呢個位置, 都係見到人影先知



好多人係呢棵識郁既鬼樹度影相, 等我都湊下熱鬧影下先~



呢個鬼井都影下先!! 呢次條蛇整實左係井內, 唔可以拎佢出黎影相啦...



同咁大隻蜘蛛影相!? 好在唔係真既, 唔係一定嚇死我



dede同隻鴨仔影相都幾得意, 似乎隻鴨比dede仲高仲大隻



後來去左無印買小曼頭比dede, dede掛住曼頭唔要雞雞袋, 果然係貪新忘舊, 最後只好由我拎住啦!! 睇我整個咀出黎睇下幾唔開心



睇下我幾唔開心, 不過只係講笑o者, 我咁鍾意個袋仔, 高興都黎唔切啦!!



夜晚返到屋企之後, 大家慳錢只好煮飯, 食完晚飯之後再去食蛋糕. 個蛋糕就係我星期五早上返工前訂既, 係一個halloween加生日蛋糕, 感覺幾特別呢!!



就係呢個叫做猛鬼街既蛋糕, 個芒果南瓜又幾得意既, 仲有蜘蛛及蝙蝠都幾別緻



隻choco蜘蛛好得意, 好似真既一樣, 最後都係比姑姐食左, 但味道就麻麻地



蝙蝠都幾得意, 但背後隻鬼竟然唔食得, 真係可惜..




仲有呢個南瓜樣既蛋糕樣, 好搞鬼~真係唔捨得食佢




姑姐唔願意出鏡, 只好由dede出動啦!! 睇佢笑得幾開心



熄左燈之後吹蠟燭先, 好似鬼一樣, 果然係halloween...XD



睇下dede食野個樣, 真係好為食, 真係好搞鬼

同joejoe行九龍灣

今日要上時裝繪圖, 好在joejoe等我放學, 而我有點累, 最後都係去九龍灣megabox, 先去宜家家私睇下先!!仲可以係度狂影相, 覺得好開心呢~(白痴一個)


好簡單既一個廚房, 我都幾鍾意既, 不過近雪櫃果位成日要走黎走去都幾煩



有埋bb位既廚房, 如果一家可以係度食飯就好啦, 一定會覺得好溫暖!!



好高貴既廚房一個, 個廚櫃都要成五萬元, 當然靚啦!!


呢間純白色既客廳都唔錯, 感覺自然及舒服



好靚既一間睡房, 好似公主房間一樣, 係女仔心目中既dream room!!



好得意既小朋友房, 如果第時屋企有咁大, 可以有間房比佢就好, 我估自己會玩埋一份~

行完宜家之後, 我同joejoe都覺得好肚餓, 想去附近一間酒樓食自助打邊爐, 因上年去食都只係八十幾元, 但而家去食.....竟然要成百幾元, 我哋最後只可放棄, 去到大家樂打邊爐就算, 順便可以試下佢既新蕃茄龍蝦湯底


間大家樂唔係太大, 也唔係太多人, 我哋可以坐係邊位, 都幾舒服架




我哋坐既邊位, 我同joejoe都坐係旁邊, 望住周圍既人食野, 都唔錯


我既火窩黎左啦, 我叫既係牛肉窩~




我同joejoe都叫左火窩, 佢既係牛肉加豬肉, 仲叫多一份牛豬肉大家一齊食. 毎人一杯酸梅湯



牛豬肉既近鏡, 食落去又真係幾好味既!!



呢個搵笨既龍蝦蕃茄湯底, 但只係得蕃茄味, 唔太食出有龍蝦味道..



仲有其他配菜, 仲有我至唔like既南瓜及栗米, 南瓜我都可以食既, 但栗米就...都係交比joejoe啦, 多謝joejoe幫我食左佢..XD




食完飯之後去到megabox周圍行下, 見到用南瓜整既十二星座公仔都幾得意, 但見到有個女仔發哂姣咁著條超短既紅色裙及黑長boot, 帶埋對魔鬼角周圍影相, 起初以為佢係私影女, 但原來係同埋個女及老公周圍去影, 本來我都想影下個姣婆, 但覺得勁核突, 費時影響大家對眼睛, 最後都係冇影, 影呢d可愛既公仔好過啦



笑得好鬼奸既巨蟹座, 都幾過隱既



仲有雙魚座南瓜!? 見到下面果條唔似魚, 但又唔似南瓜既公仔都呆左



呢隻金牛座既南瓜都幾似, 算係比較正常既一個公仔




處女座既南瓜, 不愧係最貪靚既星座, 連頂帽都咁靚



呢個大家應該估到吧!? 冇錯, 就係雙子座既...南瓜



呢隻山羊座既南瓜, 帶埋副眼鏡好似個咸濕佬一樣..



最怪就係呢個水平座南瓜, 又唔似樽, 又唔似南瓜




終於到左我自己既星座啦!! 呢個係獅子座既南瓜




等我都同佢影返張相先, 獅子女影獅子座南瓜



仲有呢個人馬座既南瓜, 插住把弓箭又幾搞鬼




仲有白羊座既公仔, 比山羊座既得意及好睇好多




好明顯係天平座既南瓜, 頭上既天平好得意




最後當然唔少得天蠍座既公仔, 也係我姑姐及joejoe既星座




joejoe快d同佢影返張相先啦, 話哂都係自己星座

各位好友生活~啜啜

近排開始忙於自己既時裝設計course, 即使連搵工都未有時間搵, 又要做功課, 少理身邊既最好朋友及joejoe, 真係有點覺得對唔住佢地, 係呢個blog度同佢地講返幾句先~

joejoe: 近排都少左陪你, 驚你覺得悶, 只好盡量同你毎日返工或放工之前同你傾電話. 同埋最近你星期六都要加班, 要小心身體, 希望你之後唔使再加班啦!!

double: 哈哈, 作為家姐既冇機會親自恭喜你搵到份工, 希望你鍾意份工, 遇上好老闆及同事, 同埋可以學到無論係工作技巧及待人處事既道理, 當然就係快d過試用期及加人工~

菜菜: 最近你既身體唔係太好, 係同你老公慶祝紀念日時暈左, 好在最後都冇事!! 同老公慶祝之後都得, 最緊要大細都冇事^^

liz/ 寶妮/ 嘉華/ 酸梅: 知道你地下星期搞活動, 好似係行山, 或唱k之類, 我都冇時間同你地傾及回應你地, 辛苦哂你地, 無論你地既活動係咩, 我都一定會出席!!

eva/ veron/ 蕉: 太耐冇見, 但似乎大家唔太得閒咁, 希望之後搵日可以見面吧!!

stacey: 最近因為佢既工作而唔可以上佢至鍾意既法文班, 有點可惜, 希望佢之後可以上到啦, 唔好放棄啊!! 第時仲要教我架

文迪/ berry/ 雲妮/ ling: 好耐冇見你地, 讀緊IVE既後三位似乎好忙, 連見面時間都冇. 希望如berry所講有機會返青衣IVE影相, 好好咁聚下舊

tracy/ nat/ sunny/ ada/ cenna: 你地三位係公司認識既好友, 當然唔捨得你地啦, 仲有唔捨得同你地玩既卡game, 唔知幾時先可以再玩. 離開你地既時間越來越近, 就越唔捨得...

christina/ amy: 都係好耐冇見既舊同事, 希望第時可同tracy, nat, sunny及ada見面!!

mooji: 好耐冇見, 連fb內都見唔到你, 唔知你最近點呢?? 得閒就出黎食飯, 不過最好唔好係tuen mun啦!!

第一次的紙樣堂

咁大個女都未接觸過時裝, 紙樣就更加唔使講, 連見都未見過, 所以都有少少擔心, 究竟我可唔可以完全明白呢?? 結果..當然我係唔明啦, 即使寫滿哂文字, 都唔係太明, 真係要好好比心機先得



今次上堂要整碎褶裙, 紙樣真係可以做到呢條裙嗎??



裙本體既紙樣, 似乎好難呢...睇左好多次, 加上阿sir講解先明白



仲有裙頭帶及裡布既紙樣, 真係要把毎部分畫出黎, 好似模型一樣


睇黎紙樣真係好多學問, 真係要慢慢消化, 尤其係完全冇根底既我, 要比已經投身去時裝行業既同學仔努力多倍先得><

同tracy打邊爐

近排開始趕month end, 我同tracy都好驚要做到半夜先可放工, 好在只係七點就可以放工, 仲可以一齊放工去到慈雲山中心打邊爐, 仲可以食宵夜時段, 今次辛苦哂tracy你啦, 要咁遠黎到慈雲山.



酒樓內既火窩自助餐表, 清楚列明只係七十幾元, 仲有咁多款選擇, 連湯底及飲品, 勁抵!!



毎位客人既碗快及杯, 仲有隻湯匙, 唔使同人爭黎用, 果然夠細心



我至愛既鯇魚片, 真係又脆, 而且又新鮮



tracy叫既三寶丸, 好似我只係食左一款, 仲要唔知係邊款!?



仲有我哋既肥牛, 仲叫左三碟咁多, 可惜只係食左一碟



仲有呢個鵝腸, 自從上次同姑姐去食後, 就已經愛上, 今次都要食




仲有好多芝士腸, 真係幾好味, 正!! (算啦, 我呢個腸霸咩腸都鍾意食)



好鬼難食既魚滑, 之後真係唔好再叫先得




tracy至愛既狗菜餃, 我就唔鍾意食啦, 冇人同你爭




我同tracy都幾鍾意食既西洋菜, 都幾好味的說



仲有好味既魚皮餃, 但我開始覺得飽, 冇食到啦




仲有金菇菜, 都幾好味架!! 睇佢個樣白雪雪就知



仲有呢堆好似草咁既粉絲!? 但見tracy都幾鍾意食, 似咩都冇所謂, 至緊要好味



仲有呢個金牌烏冬, 估唔到個烏冬會連埋袋上!? 不過真係幾好味, 好林, 果然係金牌!!



仲有tracy叫既荢絲, 不過我就冇食到



仲有呢個枝足~我都好想食, 不過已經飽左, 全碟都冇食><



我哋叫既沙爹湯底, 滾到好似個火山咁, 勁!!



開始惡搞下先, 首先係鬆弛熊表演跳水, 唔係, 應該係跳...湯!?



做咩伸個頭出黎啊!? 梗係臨扔落去個湯之前比大家影下相啦



之後到史迪仔啦, 佢都係臨跳湯之前想比人影下!?


今晚食得好開心, 又講左自己係公司度既心事比大家聽, 似乎我哋既關係又更好啦, 希望即使離開呢間公司, 感情依然咁好