加班

今日係惡夢既開始, 要開始捱夜, 不停地入數, 入到真係好辛苦. 最後都係成十二點幾先可以放工; 第二晚仲要成點幾先走, 好耐都冇試過咁夜走, 甚至係破左以前最夜放工果隻, 覺得好唔習慣, 希望之後都唔會係咁....不過睇怕都幾難, 苦難仍然繼續, 真可憐

也估唔到financial analyst 連個bank rec都唔識做, 連銀行已經過數既cheque入去unpresented cheque度不特止, 仲連我唔小心入錯數都睇唔到, 最後要我由頭到尾check一次, 等如我自己做, 都冇幫輕到我, 好慘

最慘都係大老闆大病一場, 成日開票都要趕頭趕命, 開票過程又複雜, 開完票之後又要入數, 所以先搞到呢兩個月以黎咁混亂, 希望佢快d好返. 咁我就可以唔使OT到深夜啦!!

theme board (2)

今日大約諗左個主題, 就叫做fashion wonderworld, 係一套充滿幻想既系列, 會改用絲, 雪紡等輕柔既布料去做出迷幻既效果, 都叫做完成呢個theme board, 希望唔會太差吧!?





好辛苦先可搵到咁多雜誌相做theme board, 但會唔會比較亂呢?? 覺得佢地毎個人物都好靚, 自己好鍾意, 不過d字比較差...

theme board (1)

下個星期就要交theme board, 即係要諗一個主題或系列, 之後再設計三件衫, 一時之間真係唔知做咩主題好, 完全冇頭緒....



勉強叫諗到一個主題, 係用lace, 黑羽毛及金色玩高貴既style, 但而家又興, 用黎設計衫又好似冇咩睇頭, 加上全部都係黑色, 睇落去唔太吸引, 所以最後都係放棄呢個念頭, 再諗下一個theme



雖然仲未諗到, 但都先去文具舖買左硬卡紙先, 第一間文具舖只有一大張卡紙. miss定左要A3 size, 咁我咪要慢慢cut, 啋佢都傻. 到最後去左第二間買, 終於有得買, 仲要咩顏色都有, 不過要五元一張, 估唔到硬卡紙都咁貴, 希望做一個就OK, 唔使再做多次...



平時都有追開, 一集都唔可以錯過既義海豪情, 今晚已經係大結局, 有點唔捨得, 不過一早影完都好既, 下星期我又要趕month end, 應該冇時間睇吧!! 最後劉醒及九妹都可以一齊, 但係四年內可以去全世界, 覺得好幸福呢!! 如果我都係咁就好...突然諗起一位男性朋友, 係我既知己, 憑一句說話大約已知道我心所想, 但最後都唔可以一齊, 覺得有點可惜, 所以有些感慨, 不過已經過去, 人始終要向前望. 或者曾經擁有, 先顯得特別矜貴



好少有咁好睇既劇集, 唔知呢套影完之後, 仲有冇其實劇集比佢仲好睇呢??

青衣城逛逛

今日比返上兩堂既堂課我哋, 我竟然可以拎到A+!? 但最衰係我冇寫名, 仲要比風吹左去!? 我張畫果然夠特別. 另一張未畫哂只有B+, 唔係太開心呢..



就係呢張畫, 本來拎高分好開心, 點知唔記得寫名, 仲要比miss寫[kumi??], 佢又認得到係我畫既?



仲有件衫未outline, 只有B+, 點解自己唔畫埋佢? 雖然話唔計分, 但有點介懷




放工之後同joejoe約好係青衣站等大家, 因我哋都好少去呢個地方, 所以就去下. 我都好耐冇去, 對上一次去好似係幫文迪及berry拍片, 估唔到已經成年, 果陣我仲要和駿扮情侶拍戲, 估唔到而家同真正既男朋友去, 果然係世事難料, 真係意想不到



先到呢個青衣城呢個奇奇怪怪既市鎮既門口度影下相先




間屋既屋頂都係斜斜地, 好搞笑



joejoe都係聖誕樹度影返相先, 估唔到呢個位影又幾靚喎




等我都影返一張相扮下可愛先, 感覺都唔算太差, 不過隻腳好累呢




有兩間好大既屋, 呢間係其中一間屋既後面, 要捐出三十元先可去一間



其中一間屋, 有好多鏡咁, 不過我同joejoe都冇比錢入去睇, 只好係出面影下相



間屋既屋頂, 有個好可愛既雪人公仔




仲有一間好大好大既屋, 同樣地都係要捐錢後先可入去玩, 我地係出面睇, 見佢屋內都係斜斜地. 呢個係屋頂既裝飾



冇得入去兩間屋影相, 只好係上層影個overall比大家睇下




同樣地, 呢架巴士都係要捐錢之後先可入去, 雖然話係為慈善, 但覺得好市儈



雖然唔可以入巴士內, 但zoom近鏡都可影到巴士內既擺設, 好似好近距離影相一樣



好在車頭都可任人影相, 你睇joejoe坐得幾輕鬆




我企到好似冇腰骨咁, 加上太光啦, 影到我塊面太白




呢張既感覺都幾鍾意, 好似等緊人一樣, 我仲幫佢改左個名叫做waiting for...




仲有個肥肥地既聖誕老人, 連我都唔知自己係度擺咩pose




你睇joejoe既pose幾簡單, 只係攬住個聖誕老人就得




係其中一間大屋既後面影相先, 好難得冇人, 擺個白痴pose先




呢張係我係巴士度等人既下半部分, 今次到joejoe等, 好似係相約錯地方咁, 感覺好得意




屋頂上既擺設都唔錯, 除左突對腳出黎果位聖誕老人, 仲要對腳郁郁下, 覺得仲核突




仲有個聖誕老人爬爬下, 都幾得意既




影完相之後去間叫赤丸製麵所食飯, 都要排下隊先有得食




赤丸製麵所既格局, 唔係太大, 但都算坐得幾舒服




星期四睇完醫生之後先知自己喉嚨發炎, 所以食得清淡d, 呢個溫泉玉子什菌烏冬夠清淡掛?




照燒雞排蕃茄湯烏冬, 個樣好似比我個碗正好多咁, 見到冇得食..




仲有我哋叫既芝士年榚, 咬落去軟軟地, 有芝士必出黎, 感覺幾得意




我同你影既合照, 加埋雞雞豬, 呢張由我影既~



joejoe影既合照, 影左四張都手震, 呢張叫好d. 其實其他相既角度都好好, 只不過係手震左o者



係合照當中, 影影下相已經冇哂電, 只好留返下次再影. 臨走時送比joejoe一部iphone4.....既鏡, 佢終於做左機主啦, 而我也去健康工房買左支椰汁雪耳海底椰, 返去可以同姑姐慢慢飲啦, 哈哈~

month end可早放工!?

今晚原本以為要好夜先走, 點知我已經一早入好數, 要等阿ger check完先可以做, 但阿ger要開會, 所以好早就走得

當joejoe打比我時, 我成七點幾先走, 唔可以做見到佢, 不過唔緊要啦, 反正星期六都可以見面~我就返屋企休息下, 睇返自己追開既義海豪情及買左個車仔麵係屋企慢慢食

如果唔係趕month end遲走既話, 我就可以返深井同父母及妹食飯, 又可以拎返我部分既衫及對返工既平底鞋,最後都係返唔到去, 好可惜

仲有份fashion illustration既功課, 要係今晚做埋佢, 勉強都叫做哂, 但唔係太靚,自己唔太滿意, 所以冇po到出黎

睇醫生!?

今日見唔舒服, 本來想請半日假去睇醫生及休息一下, 但實在太多野做, 唔可以請, 最後只好send email同阿head講睇完醫生之後盡快返屋企, 真可憐



好在同事brenda介紹, 去到海港城既一間診所睇醫生, 要成250元!? 如果唔係公司有得claim全費, 我都唔會去睇啦, 實在太貴, 平時我一定唔捨得去睇



二百五十元既藥表面上都係同普通既冇分別, 但d藥太勁, 食完藥之後成日覺得個口好苦, 同埋個人成日好累, 好想訓



放工之後仲要返紙樣, 好在我都跟得上個course既內容, 呢次唔再係畫裙, 而係畫衫.睇黎我都畫得唔太差, 領口要16.5吋, 我都畫得接近, 只係差0.25吋, 覺得好開心, 唔通病左之後反而更加叻!?



今次教既紙樣, 件衫比裙易畫好多, 感覺好得意~



呢個就係件衫隻袖, 好似好抽象咁....



畫紙樣既方法, 越來越多數要計, 個頭好暈...



自己都可成功畫到個紙樣, 實在太開心及感動!! 不過影出黎實在太淺色, 大家似乎未必睇到呢..



個紙樣剪完出黎就係呢個樣, 覺得好得意, 也有種難以形容既成功感



放學之後, 我第一位認識既朋友去toliet, 我係出面等佢時影左兩張時裝公仔既相, 偷偷地影完之後就同我位朋友離開



真係好多公仔啊, 感覺上好pro既樣, 唔知我第時有冇機會用呢d公仔去整衫呢??



有個公仔係個盆內唔知做咩, 好似比人肢解左, 好核突

cenna 的最後一日

其中一位朋友cenna, 今日係佢最後返工既一日, 個消息都係琴日先知, 當時真係嚇左一跳, 雖然只係同佢相處三個月, 但都好開心, 而且有點唔捨得, 係公司又少左個朋友, 最後只好影相留念吧!!



大家影返張相先, 分別有may, tracy, cenna及我



多謝henry好好人咁自願幫我哋影相, 到佢同cenna影返張相先



cenna都比我及tracy感染左啦, 同樣拎住史迪仔去影相



cenna同佢部門既head warren影返張相先, 就係我當時想走時, 就係佢問我去唔去佢部門工作, 係個大好人黎



呢張相真係好靚呢, 所謂既人比花縞就係呢張



盆花咁靚, 連史迪仔都想同盆花影返張相, 史迪仔好上鏡呢!!



我哋三個鬼鬼馬馬影返張相先, 大家都影得好鬼開心, 咁當然唔少得公司個logo啦



同場加映, 史迪仔學我哋努力工作, 真可愛~


最後cenna只放下兩盒choco就離開, 連其他同事都唔知佢離開, 我果陣都想就咁離開, 可惜唔得, 我果陣想離開時全間公司都知道, 想低調都唔得...

又要大出血=3="

今晚又要開始趕月尾既數, 要成九點幾先放工. 放工之後我同tracy及ami去crabtree掃貨, 其實最近我都見到好多人去買野, 但都唔明點解客人好似唔使錢咁排隊, 最後我終於明白, 因全部貨品都七折, 我就從未用過佢既物品, 呢次就叫做試用下



最後買左三百幾元, 對貧窮既我黎講有點貴, 如tracy所講, 就當係提早買聖誕禮物比自己. 後來阿ger落黎搵我哋, 同我哋講買十支裝hand cream比一細盒平四十幾元咁多, 阿ger果然係阿ger, 計數方面特別勁, 認真配服!!



聖誕版既袋袋好鬼靚, 第時真係唔捨得拎黎用, 就用黎紀念吧!!



到最後買左一set皮膚護理用品, 和tracy及ami夾份買套十支裝既hand cream, 毎人分到三支



本來想要la source 海洋味, 但比tracy及ami要左, 最後只好要薰衣草, rose及花味



套護膚品包括沖涼gel, body lotion及hand cream, 仲有個化妝品袋