再見亦是朋友

今日同joejoe終於分手, 長達年多既感情終於完結, 自己都有點失落, 始終都有一些感情. 使我哋分手既原因好在非第三者, 因為個性, 性格, 思想, 生活背景不合, 希望不要拖大家, 或許大家可以搵個更加適合自己



大家和平分手, 還可以做朋友, 覺得已經好榮幸, 我哋互相應承大家, 係大家未搵到自己另一半時, joe豬問我, 可唔可以叫返我b豬, 當然可以啦, 而我也可以叫返佢joe豬, 感覺當然有點奇怪, 可以大家還有留戀吧!? 佢仲問可唔可以見下雞雞, 咁當然可以啦!!



其實係呢段感情之中, 我見到佢也有付出, 有投入, 佢也對我好好, 就只係大家性格不合, 也是致命傷而分開. 但我從來冇後悔認識佢, 相反仲有好開心, 起碼可以話比人知, 我曾經有個同我留下美好回憶及明白事理既前男友, 佢同果隻賤人比較, 佢更加成熟, 明事理及體諒人既一位



而家大家都想冷靜一下, 唔想咁快開始另一段戀情, 或許戀愛對我來講, 跟本係遙不可及....不過只要知道自己做緊咩, 唔會比任何人及事牽住走, 努力做好自己份工, 同埋為自己既理想而奮鬥, 最後唔知可唔可以成為一個時裝設計師, 但我會努力去走自己毎一段路, 過無怨無悔既一生



呢段說話不但對自己講, 同時對我一位朋友, 也係我既前男友joejoe講, 希望佢也重新振作, 搵到自己精彩既人生, 堅強努力生活落去



或許戀愛對我來講, 跟本係遙不可及....不過只要知道自己做緊咩, 唔會比任何人及事牽住走,

提早慶祝父親節

聽晚就係父親節, 我哋多數都會提早慶祝, 今年也唔例外, 但就比較肉赤, 因為難得有婆婆, 我細佬及弟婦咁齊人, 又想父母食好d, 今次叫左個成千幾元既餐大家share







間酒樓都幾靚架, 真係點都要影下先



精美既"努"水拚盆, 原來大家都鍾意食鴨胸及海節



仲有芝士焗龍蝦伊麵, 不過唔食蝦既我, 只係食伊麵, 簡直係浪費



全晚我至愛就係食呢碟, 魚全部都係龍鄧, 超好味



冬瓜盎, 真係超大個, 毎人都飲左好多碗..



仲有呢個海鮮卷, 始終都係最受歡迎既食品之一, 炸得又香又脆, 真係有蝦架



成日都食既金銀蛋覓菜, 實在冇咩驚喜



同樣都係魚, 聽阿爸講好似係石班, 連自己食咩魚都唔知. 唉...



仲有呢個生煎包, 我覺得肉汁唔太多, 但個麵包皮又幾好食



仲有包裝精美既壽包, 唔明父親節飯, 點解會有壽包!?



食完飯之後, 點都要影下姪仔, 睇佢舉手幾高, 佢對手都好長喎



再一齊影返張合照先, 我個樣好點怪怪地...

開始做第二份功課-黑白提花

下個星期要交既係knitwear design既功課, 上次份功課用哂電腦做, 但成績都唔係太好, 所以今次都係照阿sir咁講, 用A4做就算. 唔好睇少畫畫, 一畫真係要用全日時間, 好似我只係畫黑白提花及彩色提花, 都用左五個鐘頭, 都咪話唔誇張



首先用鉛筆起稿, 對住咁多格仔, 連對眼都花埋



今日要出街, 所以化妝, 唔係屋企畫畫邊有著得咁靚



好鍾意呢張自拍相, 可能係鍾意呢種感覺吧!



終於畫好啦, show黎睇睇先, 我指既係畫, 唔係人




點解會著到懶靚? 其實係有原因既, 大家睇之後果篇就知~

布料織法

今日又要上布料堂, 超悶呢...同時阿sir也比返份布料功課我哋, 竟然差兩分就滿分!!? 真係開心及意外, 果然係世事難料. 同時果位八卦鍾意問人幾多分既同學又問我, 真係麻煩, 決定下個sem要脫離佢先得



呢次學既布料織法, 主要係斜紋及直紋, 原來呢兩隻織法, 再配合唔同機械, 可織出唔同種類既布



呢款紅色格仔布都唔錯, 底面都唔同架



呢種半網紋既布料也幾特別



至愛既lace織法



再講唔好話自己, 大家都覺得悶 (死啦, 仲話自己讀時裝, 竟然話悶...), 不過增加左自己唔少布料上既知識, 都係值得既~

迷上三國殺online

平日食飯時, 都已經同多位同事玩三國殺, 我哋瘋狂既程度簡直連online版都唔放過, sunny已經幫我哋開email account去玩, 今日見比較得閒, 終於可以開個account玩~



自己先簡單設定角色, 之後可到任何一個遊戲房同其他玩家對決



旁邊會顯示毎個角色既level及戰勝率, 我係新玩既, win左梗係一百啦~



三國殺戰場既畫面, 大家用牌黎戰勝對方吧! 都係個幾考智力既game, 會抽中唔同身份, 再以身份及手牌, 裝備牌去得到勝利



孫權或其他角色名前有個logo, 代表自己既角色, 我用既名稱係鬆弛兔(多麼白痴既名..), 呢次勝利會加經驗值及文功(類似積分), 得到越多文功, 就可以玩更高級比賽



呢個係自己角色資料, 會紀錄勝率, 總勝負, 角色勝負次數, 又可以換稱號

第一次嬲joejoe

今日同joejoe約好左紅磡火車站等, 見到joejoe遲到十五分鐘, 我都仲未見到佢, 於是打電話比佢, 點知佢仲係將軍澳!!??



最後等左差不多一個鍾先見到joejoe, 我都已經等到訓左. 佢即刻趕過黎, 仲買左杯可樂, 不過係佢自己飲, 於是我就好嬲, 話佢唔買可樂安慰我之餘, 仲遲左咁耐, 佢都已經買左本時裝雜誌比我, 我起初都冇要, 但見佢不知所措, 外表內疚咁, 最後都原諒左佢, 也有少少後悔自己對佢語氣及態度都好差...



之後大家去左一間自助乳酪店舖食乳酪, 都係第一次去



先影底整乳酪過程, 首先選擇乳酪既味道



之後再選擇餅乾碎, 朱古力碎等等



之後再夾水果, 有好多我鍾意既桃及士多啤梨啊!! 快d夾~



終於大功告成, 完成左呢杯乳酪, 見到都好想食, 不過要四十幾元, 真係貴左d



等我先影相啦, 仲拎住兩隻羹, 睇我幾大食



joejoe都影返張相先, 睇黎佢都幾開心



食完乳酪之後又可周圍影下相, 呢個係玻璃窗外景色



好辛苦先等到其他客人走, 終於可以影下周圍座位



不但影座位, 連我都影下相先, 枱上既蘋果好cute



再同joejoe影返張合照先~



食完乳酪之後, joejoe第一次帶我去佢屋企附近睇下, 可以知道佢住屋附近既環境, 的確有點期待, 就好似去一個自己從未去過既地方咁興奮



原來附近咁多彩色既唐樓, 夾埋好似彩虹一樣咁靚



joejoe就係住呢條小巷既其中一幢單位, 我都有少少想去睇下, 唔知幾時先可以去睇呢?



joejoe屋企就未有得去住, 去呢個牛棚小屋展覽館睇下先



一叫做牛棚藝術村既地方, 又好似幾得意咁



到處都係呢類紅磚牛棚, 竟然可以做到比藝術家創作既地方, 又幾特別



中間仲有牛飲水既牛坑, 平時都唔會見到既地方





當中一部分地方欄住左, 如果可以比我哋私影, 一定好正



館內部分藝術展品都唔錯, 就好似呢個咁, 把fb game resturant city改為招攬藝術家, 好得意~



仲有用彩紙堆砌既花也鮮艷奪目



仲有呢部唔知什麼機械!!?? 外表都唔錯


joejoe約左朋友係旺角食飯, 我自己一個返屋企. 同時也係車上反思, 點解大家都仲未見雙方家長, 係大家未真正互相認清係對方私訂終生的人,同自己心目中既丈夫仍有一段距離, 還是感情未去到呢個地步?

竟然見到MR??

今日姑姐返公司加班, 唔記得左拎銀包, 於是我去旺角比返個銀包姑姐, 順便去食埋飯



首先黎個前菜菠羅小食, 又幾醒胃



呢杯都算係香苧珍珠奶茶!? 唔係太似咁...



呢個芝士鴨胸天使麵, 雖然只係二十幾元, 又好味, 超抵食



食完飯之後同姑姐行街, 去到旺中附近唱片店舖時, 見到一個貨van停泊在唱片店舖附近, 之後就有人大叫"MR", 仲播住廣告歌, 之後就有五個人係車上出黎, 仲周圍向途人派卡片, 仲有人走去影相. 我都係第一次近距離見到歌手, 都嚇到呆左, 我姑姐叫我走去同佢地影相



見到其中四個, 有個冇出席. 見到有個著花花褲都ok型. 可惜只係影左呢張相, 真係蝕...