加班的晚餐

今日tracy返學, 只有natalie, ami, anton及我加班, 本來想一早食飯, natalie想搵阿head傾公事, 但有個人一直同阿head傾, 仲要雞啄唔斷, 連阿head都明示及暗示想離開, 但佢都仲繼續講, 足足傾左一個鍾先講完, 之後到我哋食飯



本來想去大家樂食飯, 貪佢夠近, 但已經成八點幾, 都冇咩飯送可以選擇, 最後選擇food court, 我仲選左食蛋包飯, 好耐冇食過



呢個漢堡排奄列飯, 個樣真係好靚仔, 但其他配菜就....比較難睇



個奄列飯真係好靚, 所以再影多個close up, 個飯原來只係白飯, 好普通...

何李活中心閒逛

今日姑姐, 姪仔及我打算出外行行, 就去附近既鑽石山廣場, 都好耐冇去過, 就一齊行過去啦, 都唔係行太遠, 只係十五分鐘到, 連車錢都慳埋, 真方便



全程就以影姪仔dede為主啦, 首先係試帶H&M既豹紋耳仔



dede主動到spoony既店舖外面影相



呢張最難影, 見到佢o哂咀, 連我都o埋咀



之後仲見到羅力威唱歌, 仲有參加亞洲星光大道部分歌手演唱




不過都係對羅力威冇咩興趣, 都係影dede去冒險樂園玩



見佢玩緊架超人車, 玩到好鬼投入




呢兩件雪榚三文治, 分別係咖啡及芒果朱古力, 不過我件咖啡雪榚融得好快, 唔好食



餵緊dede食雪榚三文治, 睇佢食得幾津津有味




最後影下呢個兔仔酒店, 果然係酒店般既享受, 好靚~



隻兔仔好卡哇伊, 但我一定唔會有時間及心機養, 都係睇下已經足夠

行完街街之後就返屋企, 都差唔多食晚飯, 都係有個開心又簡單既生活^^

車間大開眼界

由於琴晚做唔哂公司既工作, 今早要特登返公司做兩個鍾, 之後再去搵另一位朋友winnie食飯. 原本約左佢十二點係九龍灣等, 但我因為加班, 又冇佢電話, 一點先到達, 也估唔到winnie一直等我, 仲送左套護膚品試用裝比我, 真係多謝哂佢, 本來話請返佢食飯, 但佢話唔使, 令我更唔好意思, 惟有下次再去食



最後去左一間日本小食店食飯, 間餐廳唔係太大, 而且仲要企係餐廳內食, 但食物睇黎個樣都唔錯, 而且又唔太貴, 只係三十幾元, 咁就試下啦~



就係呢間餐廳, 賣既係燒餅, 炒麵, 墨魚丸



d餅睇起黎幾好味咁, 仲有紅豆及吉士cream, 兩樣都係我至愛



我既lunch, 包括炒麵, 墨魚丸及燒餅, 都只係三十幾元, 加埋飲品, 價錢都合理既




個燒餅都幾好味架, 木魚雖然唔會郁郁下, 但以疏菜為主既燒餅, 味道都算唔錯



仲有呢個八爪魚丸, 個樣都唔錯, 但味道麻麻, 實在太多粉啦, 都係海港城food court果間好食d~



食完飯之後就去返學, 今日去車間度認識衣車及配件, 仲有車線方法, 而且只有今日呢堂, 所以無論點樣都一定要返. 咁大個女都係第一次見到車間, 見到好多衣車, 對毎樣都好奇, 周圍去睇, 仲差d唔記得上堂




正式上堂, miss為各同學示範車線技巧及介紹, 真係好多款衣車及配件, 就連車法都有好多種, 真係記到頭都大埋><





哇啊~全部都係衣車, 好壯觀



所有都係俗稱"蝴蝶"既衣車配件, 毎件配件都有唔同用途



衣車支針真係好細及好幼, 要好近影相, 支針先好似好大



其中一款衣車, 就係呢個五線鈒骨車, 呢個係穿線說明書



呢部就係五線鈒骨車, 個樣細細部, 但機構結構好複雜咁..



揭開衣車, 見到內部結構~



仲有車衣一定有, 也係好重要既零件之一, 車靴



全部鈒骨衣車就係呢個樣, 仲有五卷線, 見到都暈啦



兩線鈒骨車既穿線說明圖



呢部就係兩線鈒骨車, 比五線簡單好多



網冚車既穿線圖, 車出黎既線也叫做[蝦穌]



呢部就係網冚車, 旁邊既五個線就係佢既特點



呢塊就係用網冚車車出黎既蝦穌線



呢張係恤衫埋夾車既結構圖, 一睇都已經覺得好複雜



影定挑腳車呢個牌先, 唔係唔知自己影緊咩衣車



呢部就係挑腳車啦



呢部就係鏤門車



呢部係釘鏤車, 真係要小心地用, 唔係支針吉左去粒鏤度, 支釘就會斷



當然唔少得就係示範車拉錬, 比我未必車得到..


今日真係見識好多, 果然係令我大開眼界, 心內一直希望可以再有機會見識車間, 不過下次可能到我落手落腳去車

公司lunch

>好多時候, 我哋玩開既呢班朋友, 都好鍾意星期五放假, 又或者部分人要同高層食飯, 好少齊人一齊食, 當然呢次都唔例外, natalie及anton就要同高層既secretary head食飯, 只剩下tracy, sunny, ami及我四人食飯, tracy及sunny病左, tracy仲發燒



tracy只係食粥, 碗粥都幾好味咁, 加上個炒麵, 病左既話食就最岩



我就食豐富少少先, 係個曼魚雞排窩飯, 及芝士海蝦玉子燒, 仲有個麵鼓湯



個飯都幾好食架, 尤其係個曼魚, 不過雞就硬左少少


由於公司今日要除虫, 我哋六點幾到就放工, 終於可以早放工, 真係好少有. 但要同其他人放工一齊迫地鐵, 的確唔係太習慣, 自己果然係賤骨頭!? 但屋企休息一下, 感覺都唔錯既~

令自己見識更多

最近讀呢兩科, 我都覺得幾實際, 除左加深對時裝既了解外, 包括也令我明白車衫既step, 布料既認識等等, 令我覺得時裝設計係一門專門學科, 唔係只有畫公仔靚或針子好就得, 好漫長既道路, 尤其係轉行, 更加難上加難, 但難又唔係完全冇可能既

就成衣結構呢科, 需學習布料, 首先要分咩叫針織(knit)及梭織(woven)布, 已經係難既一件事, 兩者係織法既不同, 而且毎種布料既彈性也唔同, 繼而影響做出唔同種類既衫, 即係車法, 衣車用咩針及其他配件也唔同

而時裝設計理論呢科, 要學識時裝既history, trend, 各衣服種類既特質, 同埋時代及文化背景, 人群心理等等, 會影響唔同時代既時裝創作, 感覺好微妙

星期六就可去車間睇唔同種類既衣車, 可以唔使返工, 同埋可以同朋友食飯, 真係好期待~

ada的搞鬼做型

上星期annual dinner, 玩遊戲部分服飾仲係我哋會計房, 大家見做到悶悶地, 加上ada黎搵我哋傾計, 就比ada試下做型, 都幾搞鬼架


可能ada之前都有睇大戲, 佢既pose都幾正宗



哈哈~呢次扮花旦, 真係幾神似, 利害



呢次扮既係男角色, 都係扮花旦比較好睇及神似



哈哈, 其實我係annual dinner果日都曾經帶過一次頭飾影相, 不過就鬼五馬綠, 完全係騎呢, 所以只係影左一張相. 同埋我唔係太like件衫, 所以冇著住佢黎影



果然係唔知做咩野, 除左騎呢之外, 已經諗唔到其他生字形容我自己..



玩完呢個搞鬼cosplay後, 係大會議室見到碼頭外好靚既dior會場, 唔知係咪行catlwalk既呢? 見到仍然興建中, 但已經好靚, 好吸引, 真係好想入去睇下




始終都係隔住玻璃影, 可能冇咁靚吧!? 其實見到真係好靚~

幸福

雖然平時唔係忙學業, 就係忙工作, 自己都好想休息一下, 同埋會想靜靜地諗下野, 呢次諗既係咩野叫幸福, 自己都想了解下, 究竟幸福係唔係自己身邊, 於是上網搵左關於幸福既定義, 大家都可以睇下, 究竟自己有冇幸福~

幸福就是和喜歡的人在一起 (唔...都唔知算唔算..)
幸福就是做自己想做的事 (有啦, 咪讀緊時裝設計, 如果可以入埋行就更好^^)
幸福就是和大夥兒在一起 (和tracy同事, liz及舊同學佢地都算既)
幸福就是讓別人也得到幸福 (咁我又冇咁偉大)
其實只要用心去體會身邊的人事物裡面都含有幸福的成分喔 (都有既..)

幸福的定義在於自己如果你認為那叫做幸福那便是幸福
有些人因為中樂透而覺得幸福
有些人因為結婚而覺得幸福
有些人因為考上學校而非得幸福每個人的定義都不同

幸福的感覺應該是非常甜蜜的讓人忍不住就從心笑出來 真愛不是取代!而是心中永恆的存在幸福是只要對方都覺得開心就是幸福，不會讓對方覺得困擾或是傷心的事情．．．幸福沒有特別的定義～只要都快樂就好呵呵!!

我覺得和喜歡的人在一起很快樂..也很幸福!!但是幸福都是短暫的..可是短暫的幸福真的無法用言語說清楚...因為那是兩個人之間共同的回憶..就算以後不在一起!!至少我們有過那段幸福的時光...就很滿足了!! (以前曾經擁有, 但而家就冇..)


不過....跟家人團聚吃飯也很幸福喔!!家人也很重要 (呢個一定係啦!!)

幸福是無形的,那只是一種感覺, 有的人覺得擁有很多錢..就是幸福
有的人覺得擁有很多女朋友..很多人的愛..就是幸福
有的人覺得擁有很多權力..就是幸福

所以幸福的定義..其實很難說. 因為每個人所追求的都不一樣丫.. 對他們而言..這就是幸福.. 可是卻是很敷淺的假象幸福.. 而真正無形的幸福.就是身體健康..


我想這是很多人所不懂得追求的幸福. 幸福的預感〞正如其名，討論的是〝快樂及幸福〞的定義。什麼是幸福？這大概很難答覆。因為每個人都會為了不同的事而感動。但唯一可以確認的是，幸福與否，自己才是決定的人。

又要開始奮鬥

就黎到月尾, 又係要趕month end既時候, 開始預左加班, 唔知幾時先可改變唔使再加班既命運, 睇怕都要等中左六合彩先可以唔做, 悲哀..


毎次工作我總會唔想食飯, 務求快d做完所有工作返屋企休息下, 所以我係上星期趁早放工, 去左間價錢比較平既零食店買零食, 三十元有四盒餅, 三包薯片, 都算抵及唔錯啦. 返工時成日口痕痕, 有返d食物就最岩!!


全個櫃桶都係食物, 連我自己都覺得誇張, 公司果然要有個零食櫃!!

諗起毎晚都要最少九點半放工, 真係頭都大埋..

郊遊影相遊

拎住一大袋衫及鞋, 有隻馬騮望住我, 驚佢突然會搶我物品, 好在都冇搶到, 但就嚇到我半死. 行到山上見到靚風景, 但又比班影雀既影師霸左位置, 最後joejoe帶我去個樹林影, 個景都幾靚架



成班影師阻住哂, 要影底哂佢地咁多位先



開滿紅色花既惟一一棵樹, 但都比班影師霸鬼左



好靚既一個樹林, 有好多枯萎既樹枝, 好多地方可以盡情發揮



見joejoe影我咁多, 我都影返佢先, 型到見唔到個樣



影下joejoe個樣先, 笑容可嘉, 懂打扮就更型~


之後到雞雞影相, 首先黎個葉中的雞雞, 黃色既佢同綠色好襯



仲有倒吊的雞雞, 好似跌係地上, 好得意



仲黎多張樹上倒吊既雞雞, 真係好趣致~



黎到城門水塘, 當然要影下個水塘啦, 個景真係好靚



行完水塘之後便離開, 途中有個家庭, 個小朋友拎住相機周圍影馬騮, 有一班年青人拎住膠袋準備燒野食, 毎袋食物已經成為眾馬騮既目標, 馬騮皇仲去搶膠袋, 有個年約三十到既女人不但冇去保護個小朋友, 反而仲叫佢去影相, 有個正義既中年男人終於睇唔過眼, 問個女人係咪小朋友既媽媽, 個女人唔係, 但已經夠"魚". 我都唔明白佢點解唔係照顧小朋友既人生安全為先, 自己如果到左三十都係咁既話, 又的確幾可悲既...



去到荃灣, 我同joejoe周圍搵餐廳食晚餐, 最後比我哋見到間食排餐有平既餐廳, 四十幾元就有一份, 仲有甜品, 超抵


間餐廳唔係太大, 旁邊既位都坐得幾舒服