可以見到joe!?

今日忙住準備星期日同danny tsang影相既衫, 一件係用返上次影殺手件黑色長裙; 另一件要藍色, 所以要去旺角買, 最後係冇得簡既情況下買左件deep v既連身裙及一個捲髮. 個捲髮對我幾有意思, 因為我d陰無論係熱定凍, 都係一條條, 認真難睇, 見到日本時裝雜誌, d架妹齊陰真係好鬼靚, 都想同佢地一樣, 而家終於可以達成心願, 但就要用多百六元=.="

後來接到joejoe電話, 話佢終於開完OT, 因我哋太想見大家, 最後都約埋一齊食飯, 呢次要以慳家為主, 所以只係新世紀食飯!! 係food court度竟然比我見到上次同影師食水餃間店舖!? 太好了~又抵又好食, 就叫呢間啦!!




我照上次一樣叫左公仔麵, 連joejoe都同我一樣呢!! 都算ok好味啦...




joejoe叫既招牌窩貼~上次我叫果個, 都幾好味既, 始終都係豬肉最穩陣!!




我叫既翡翠窩貼~其實只係個皮唔同色, 但入面一樣都係豬肉, 同埋佢個皮係軟d~



我哋夾份叫既油菜菜心, 都ok好味既!! 我叫左十隻餃既套餐, 差d食唔哂><

食完飯之後坐係度傾計, 不過呢次唔係談心, 而係講個影師既壞話, 我哋仲細聲講, 大聲笑, 我覺得d人都以為我哋痴線既...XD 之後去周圍行下, 見返上次兔司基果度, 見到多左一支柱, 支柱都幾搞鬼及好笑~



上次黎都冇架!! 今次就有呢支柱, 等我都影下先~



隻兔司基都唔知搞笑定核突!? 竟然把佢自己個頭放係馬桶內=.="



仲要去唔到廁所!? 定係佢去得太多, 滿地都係廁紙筒而去唔到呢??